mika 1:1-16
1 yahooda ke raja yotam,+ aahaj+ aur hijkiyah ke dinon mein+ yahova ka sandesh mika*+ ke paas pahuncha+ jo moreshet ka rehnevala tha. use saamriya aur yarooshalem ke baare mein yah darshan diya gaya:
2 “hey desh-desh ke logo, suno!
hey prithvi aur jo kuch usmein hai, sab dhyan se suno!
yahova apne pavitra mandir mein hai.
saare jahan ka maalik yahova vahaan se tumhare khilaf gavahi de.+
3 dekho, yahova apni jagah se aa raha hai,woh neeche utrega aur dharti ki unchi-unchi jagahon par chalega.
4 pahad uske pairon ke neeche pighal jaayenge+aur ghaatiyaan fat jaayengi,jaise mom aag ke saamne pighal jaata hai,jaise paani khadi dhalan par bah jaata hai.
5 yah sab yakub ke apradh ki vajah se hoga,israel ke gharane ke paap ki vajah se hoga.+
yakub ke apradh ke liye kaun zimmedar hai?
kya saamriya nahin?+
yahooda ki unchi jagahon ke liye kaun doshi hai?+
kya yarooshalem nahin?
6 main saamriya ko maidan ke malbe ka dher bana doongaaur use aisi jagah bana doonga jahaan sirf angoor lageinge.main uske pattharon ko ghaati mein ludhka doongaaur uski ninv ukhaad doonga.
7 uski saari khudi hui moortein choor-choor kar di jaayengi,+use veshya ke kaam karke jo tohfe mile, unhein aag mein jala diya jaayega.+
main uski sab moortein nasht kar doonga.
badchalni ki kamai se usne jo kuch jama kiya hai,woh doosri veshyaon ki kamai ban jaayega.”
8 main dukh se chhaati peetoonga aur khoob rounga,+main nange pair aur nange badan ghoomoonga.+
main geedadon ke samaan roungaaur shuturmurg ke samaan shok manaunga,
9 kyonki saamriya ka ghaav theek nahin honevala,+woh yahooda mein bhi fail jaayega,+
mere logon ke faatak tak, yarooshalem tak aa jaayega.+
10 “gat mein yah khabar mat sunanaaur unke saamne bilkul mat rona.
bet-aapra* mein dhool mein lotna.
11 hey shaapeer ke rehnevalo,* nange aur lajjit hokar us paar chale jaao.
saanan ke rehnevale* baahar nahin nikle.
bet-esel mein rone ki aavaz sunayi de rahi hai, ab woh tumhein aur sahara nahin dega.
12 maarot ke rehnevale* ummeed lagaye the ki kuch achha hoga,lekin yahova ki or se vipatti yarooshalem ke faatak tak aa gayi hai.
13 hey laakeesh+ ke rehnevalo,* rath taiyar karo, usmein ghode joto!
tumhin se siyyon ki beti ke paap shuroo huye,haan, usi mein israel ke apradh paaye gaye.+
14 isliye tu* moreshet-gaat ko tohfe dekar vida karegi.
israel ke raajaon ko akjeeb+ ke gharon se dhokha mila.
15 hey maareshah+ ke rehnevalo,* main jeet haasil karnevale* ko tumhare paas laaunga,+
israel ki shaan adullam+ tak pahunchegi.
16 apne baal katvakar ganje ho jaao kyonki tumhare pyare bachchon par aafat aanevali hai.
giddh* ki tarah apna sir mundva lo,kyonki tumhare bachchon ko chheenkar bandhuai mein le jaaya jaayega.”+
kai footnote
^ yah meekael ya meekayah naam ka chhota roop hai jiska matlab hai, “yahova jaisa kaun hai?”
^ ya “aapra ke ghar.”
^ shaa., “ki rehnevali.”
^ shaa., “ki rehnevali.”
^ shaa., “ki rehnevali.”
^ shaa., “ki rehnevali.”
^ yaani siyyon ki beti.
^ shaa., “ki rehnevali.”
^ ya “khadednevale.”
^ iske ibrani shabd ka matlab ukab bhi ho sakta hai.
