A bina n pendi yeni Jeova Siedinba den tuuni leni biibili buoli boncianla. Bi den ñani laa biibilinba bi niba po. Ama bi bandi ke yaala n ŋani ki cie, tie ke bani biba n baa bi bibilo, yaala n baa todi bi niba n “bandi i moamoani” nani U Tienu n bua maanma. (Timote Tikpiali 2:3, 4) Lani n cedi ke li binli 1950, bi cili ñani biibili yeni tila tiama anglais mabuoli nni. Bi yii laa biibili Traduction du monde nouveau. Ban lebidi laa bibilo yeni maanma ŋua biibili tikpela yaala ke bi den diani leni u nu. O maama gbadima tie faala. Bi ñani laa bibilo mabuoli yaala n cie 130 nni.

Laa biibili maama gbadima tie faala. Yaa mabila n ye i mabuoli kuli nni yen lebidi leni u yogunu. Biibili boncianla nni ti yen laadi a mabila kpela tiama ke bi gbadima pa. Bi cili ki diani biibili ebilu, arameen leni geliki mabuoli nni. Ama laa mabuoli maama gbadima den pa. Lani n cedi ke bi lingi a tikpela yaala n todi-​ba ke bi ŋanbi gbadi laa mabuoli maama fuuli.

Li tie tiladi biibili maama n yaa tuugi leni U Tienu n li yedi yaala. Li tie tiladi ke biibili tilebida n lebidi biibili yeni laa tuugi leni U Tienu n yedi yaala. Laa tie bani biba yantiana ka. Ama ti laadi ke biibili boncianla nni bi duuni ñani U Tienu yelicele, Jeova yeni.

Li tie tiladi biibili n kpiagi U Tienu yeli. (Samueli Tilieli 23:⁠2) Jeova Siedinba n lebidi yaa bibilo ke bi yii Traduction du monde nouveau yeni, U Tienu yeli ye o niini talima 7 000. Cicili biibili moko den tie yene. Foto yua n ye tiipo yeni wangi lani. Ban n lingilingi yeni, bi fidi lebidi biibili yua yaa maama n tuugi leni U Tienu yantiana, ke o cogu puuni li pamanli. Li yaa sua ke Traduction du monde nouveau yeni ye yi mabuoli nni bi li yaa ye, ba-​mani li lenli daali kuli ki cogi Jeova tili.​—⁠Josue 1:⁠8; Pisomi 1:2, 3.

• Beepo ke Jeova Siedinba ñani bani biba yaa bibilo?

• Yua n bua bandi U Tienu yanbuama, li ŋani daali kuli wani tieni bee?