Cicili kilisiti niba yaa den taagi bi den yiini i yani, ki jaani, ki cogi biibili ki go boe o maama po. Laa den tie badu ka ba. (Korenti Yaaba Tikpiali 14:⁠26) Ti taana po timo li tiendi yenne.

Ti baadi yaa bangima n ñan biibili nni. A Sibidi bi aŋada daali, li taanli kuli niba cengi mi maadikaama ke li waagidi miniti 30. Laa maadikaama wangi biibili ñoamabona n puuni yaa ñoadi ti yema nni, leni tin ye yaa yogunu nni. Yua kuli baa fidi diidi o biibili nni ban cogi yaa velsenbe yeni. Laa maadikaama yaa gbeni bi bangi tili baani ke bi yii Tour de Garde ke li waagidi kudu yendo. Laa bangima yogunu bi tieni i buali, yua n bua kuli ba fidi lebidi. Tour de Garde yeni bangima todi-​ti ke ti ŋua biibili tundi. Ŋanduna kuli nni ti pia nitaanli 110 000, ama tin bangi yaala Tour de Garde nni tie yenma.

Ti baadi mi bangima yaala n baa todi-​ti tin boe leni nitoaba. Ti go taagi datoali. Laa taanli boagidi kaani taa ke o mayuli tie Vie chrétienne et ministère. Laa mayuli ña yaa tili n tie Cahier pour la réunion vie chrétienne et ministère. Li citi leni li booli ke bi yii Joyaux de la parole de Dieu. Li todi ke tin ŋanbi gbadi biibili maama fuuli naani kani ke ti den liidi cogi. Lani yaa gbeni booli toa n go ye ke bi yii Applique-toi au ministère. Laa yogunu ti diidi mi togidi wangima yaala n wangi-​ti, tin baa bangi biibili leni nitoa maanma. Gobidika n ye ki wangi-​ti, tin baa fidi n ŋanbi tin cogi maanma leni tin maadi maanma. (Timote Tikpiali 4:⁠13) O kaanu taalo yaala ke bi yii Vie chrétienne wangi-​ti, tin baa ŋoadi biibili tundi maanma ti yema nni daali kuli. Laa yogunu bi yen tiendi i buali. Laa buali lebidima todi-​ti ke ti ŋanbi gba biibili maama fuuli.

Ti bani cain ke yi yaa cua ti taana nni, yi pala baa mangi leni yaa bangima ke yi baa ba.​—⁠Esayi 54:⁠13.

• Ti taana tiendi lede?

• Ti taana yeni kuli siiga, ole po ke yi baa cili cua?