Be Onọ̀ Jiwheyẹwhe Tọn Wẹ Malia Yin Ya?
Gblọndo Biblu tọn
Lala, Biblu ma plọnmẹ dọ Malia yin onọ̀ Jiwheyẹwhe tọn, mọ e masọ dohia dọ Klistiani lẹ dona nọ sẹ̀n Malia. a Lẹnnupọndo nuhe bọdego lẹ ji:
Malia ma dọ gbede dọ emi yin onọ̀ Jiwheyẹwhe tọn. Biblu basi zẹẹmẹ dọ ewọ ji “Visunnu Jiwheyẹwhe tọn,” e ma yin Jiwheyẹwhe lọsu.—Malku 1:1; Luku 1:32.
Jesu Klisti ma dọ pọ́n gbede dọ Malia yin onọ̀ Jiwheyẹwhe tọn kavi dọ ewọ jẹna gbégbò vonọtaun gba. E tlẹ gbẹnuna nawe de he lẹndọ Malia yin omẹ vonọtaun, na e yin onọ̀ etọn wutu, bo dọna ẹn dọmọ: “Lala, kakatimọ, ayajẹnọ wẹ mẹhe to ohó Jiwheyẹwhe tọn sè bo to yíyí i hẹn lẹ!”—Luku 11:27, 28.
Hogbe lọ lẹ “Onọ̀ Jiwheyẹwhe tọn” po “tẹọtọkọs” (mẹhe ji Jiwheyẹwhe) po ma sọawuhia to Biblu mẹ.
To Biblu mẹ, hodidọ lọ “Ahọsi Olọn tọn” ma to alọdlẹndo Malia, amọ́ yẹwhe-yọnnu lalo de he Islaelivi atẹṣitọ lẹ nọ sẹ̀n. (Jelemia 44:15-19) “Ahọsi Olọn tọn” lọ na ko yin Iṣta (Astalte), yèdọ yẹwhe-yọnnu Babilọni tọn de.
Klistiani dowhenu tọn lẹ ma sẹ̀n Malia, mọ yé ma na ẹn gbégbò vonọtaun de. Whenuho-kantọ de dọ dọ Klistiani dowhenu tọn lẹ “ma nọ sẹ̀n Malia gba podọ yé na ko mọdọ ayidonugo he ma sọgbe nina ẹn na taidi yẹwhe-yọnnu de sinsẹ̀n.”—In Quest of the Jewish Mary.
Biblu dọ dọ Jiwheyẹwhe ma tindo bẹjẹeji. (Salmu lẹ 90:1, 2; Isaia 40:28) Enẹwutu, e ma gán tindo onọ̀ de. Humọ, Malia ma sọgan hẹn Jiwheyẹwhe do vidọ̀ etọn mẹ; Biblu dohia hezeheze dọ olọn lẹ ma tlẹ sọgan hẹn Jiwheyẹwhe.—1 Ahọlu lẹ 8:27.
Malia yin onọ̀ Jesu tọn, e ma yin “Onọ̀ Jiwheyẹwhe tọn”
Juvi-jiji wẹ Malia yin, bo wá sọn kúnkan Davidi tọn mẹ tlọlọ. (Luku 3:23-31) Jiwheyẹwhe do nukundagbe daho hia ẹ, na yise po tonusise etọn po wutu. (Luku 1:28) Jiwheyẹwhe de e nado yin onọ̀ Jesu tọn. (Luku 1:31, 35) Ewọ po asu etọn Josẹfu po wá ji ovi devo lẹ.—Malku 6:3.
Biblu dohia dọ Malia wá lẹzun devi Jesu tọn, amọ́ Biblu masọ dọ nususu gando ewọ go.—Owalọ lẹ 1:14.
a Sinsẹ̀n susu wẹ nọ plọnmẹ dọ Malia yin onọ̀ Jiwheyẹwhe tọn. Yé nọ ylọ ẹ dọ “Ahọsi Olọn tọn” kavi tẹọtọkọs, hogbe Glẹki tọn de he zẹẹmẹdo “mẹhe ji Jiwheyẹwhe.”
A Gán Sọ Pọ́n Hosọ Ehelẹ
GBLỌNDO NA KANBIỌ SINAI DO BIBLU JI LẸ
Etẹ Biblu Dọ—Gando Alọji-Ninọ Malia Tọn Go?
Mẹdelẹ nọ sọalọakọ́n dọ yọnnu alọji he ma dugu ylando tọn de wẹ ji Jesu. Be Biblu nọgodona nuplọnmẹ ehe ya?
HODO APAJLẸ YISE YETỌN TỌN
Malia—“Pọ́n! Afanumẹ Yọnnu Jehovah Tọn!”
Etẹwẹ gblọndo he Malia na angẹli Gabliẹli dohia gando yise etọn go? Jẹhẹnu họakuẹ devo tẹwẹ e dohia?
NUPLỌNMẸ TANGAN BIBLU TỌN LẸ
Be Jesu Klisti Wẹ Jiwheyẹwhe Ya?
Be Jesu Klisti wẹ sọ yin Jiwheyẹwhe Ganhunupotọ lọ ya? Kavi be omẹ voovo pete wẹ yé ya?
GBLỌNDO NA KANBIỌ SINAI DO BIBLU JI LẸ
Be Sinsẹ̀n-Nuplọnmẹ Atọ̀n-to-Dopo mẹ Tọn Tin to Biblu mẹ Wẹ Ya?
Sinsẹ̀n susu nọ plọnmẹ dọ Jiwheyẹwhe yin Atọ̀n-to-dopo mẹ. Be nuhe Biblu plọnmẹ niyẹn ya?
YỌ́N MÍ DOGỌ
Biọ Dọ Kunnudetọ de Ni Wá Dla We Pọ́n
Dọhodo kanbiọ sinai do Biblu ji de ji, kavi plọnnu dogọ gando Kunnudetọ Jehovah tọn lẹ go.