Be Kunnudetọ Jehovah Tọn lẹ Diọ Biblu Na E Nido Sọgbe hẹ Nuyise Yetọn lẹ Wẹ Ya?
Lala, mí ma wàmọ. Kakatimọ, to whenue mí doayi e go dọ nuyise mítọn lẹ ma sọgbe mlẹnmlẹn hẹ nuhe Biblu dọ, mí diọ nuyise mítọn lẹ.
Mí gbadopọnna Biblu ojlẹ dindẹn whẹpo do jẹ Biblu Lẹdogbedevomẹ Aihọn Yọyọ Tọn zinjẹgbonu ji to 1950. Mí yí lẹdogbedevomẹ Biblu tọn he tin-to-aimẹ lẹ zan bosọ ze nuyise mítọn lẹ sinai do yé ji. Gbeje nuhe Kunnudetọ Jehovah tọn lẹ yise sọn ojlẹ dindẹn die delẹ pọ́n, bo pọ́n eyin yé sọgbe hẹ nuhe tin to Biblu mẹ nugbonugbo kavi lala.
Nuhe mí yise: Jiwheyẹwhe ma yin Atọ̀n-to-Dopomẹ. Le Phare de la Tour de Sion, zinjẹgbonu Juillet 1882 tọn to Glẹnsigbe mẹ dọmọ: “Wehiatọ mítọn lẹ yọnẹn dọ, dile etlẹ yindọ mí tindo yise to Jehovah, Jesu po Gbigbọ wiwe po mẹ, mí nọ gbẹ́ nuplọnmẹ he dọ dọ yé yin Jiwheyẹwhe atọ̀n to mẹdopo mẹ dai, kavi dile mẹdelẹ nọ dọ do, Jiwheyẹwhe dopo to omẹ atọ̀n mẹ, na enẹ jẹagọdo Owe-wiwe lẹ mlẹnmlẹn wutu.”
Nuhe Biblu dọ: “OKLUNỌ lọ Jiwheyẹwhe mítọn, OKLUNỌ dopo wẹ.” (Deutelonomi 6:4, Biblu Wiwe lọ—Gun Alada) “Jiwheyẹwhe dopo wẹ tin, Otọ́, mẹhe dè onú lẹpo sọn, mẹhe mẹ míwlẹ te; Oklunọ dopo, Jesu Klisti, mẹhe dali onú lẹpo tin gbọn, podọ míwlẹ gbọn e dali.” (1 Kọlintinu lẹ 8:6, Biblu Wiwe lọ—Gun Alada) Jesu lọsu dọmọ: “Otọ́ yin kiklo hú mi.”—Johanu 14:28, Biblu Wiwe lọ—Gun Alada.
Nuhe mí yise: Yasanamẹ mavọmavọ de ma tin to olọnzomẹ. Le Phare de la Tour de Sion zinjẹgbonu juin 1882 tọn to Glẹnsigbe mẹ he hosọ etọn yin “Okú Wẹ Ale Ylando Tọn,” yihodọ sọn Lomunu lẹ 6:23 mẹ to Bible du roi Jacques (Glẹnsigbe) mẹ bo dọ dọ, “Lehe hodidọ ehe bọawu bosọ họnwun do sọ! Nupaṣamẹ daho wẹ e yin dọ mẹhe dọ dọ yé nọ kẹalọyi Biblu taidi Ohó Jiwheyẹwhe tọn lẹ zindonukọn nado to agọjẹdo hodidọ he họnwun enẹ, bo nọ dọ dọ emi yise, podọ Biblu plọnmẹ dọ, ale ylando tọn wẹ yasanamẹ mavọmavọ to olọnzomẹ.”
Nuhe Biblu dọ: “Alindọn he waylando, e na kú.” (Ezekiẹli 18:4, 20, Biblu Wiwe lọ—Gun Alada) Yasanamẹ godo tọn he Jiwheyẹwhe na hẹnwa mẹhe nọ diọnukunsọ ẹ lẹ ji ma yin yasanamẹ mavọmavọ gba, ṣigba “viva madopodo.”—2 Tẹsalonikanu lẹ 1:9, Biblu Wiwe lọ—Gun Alada.
Nuhe mí yise: Ahọluduta Jiwheyẹwhe tọn yin gandudu jọnun de, e ma yin ninọmẹ de to ahun mẹ gba. Le Phare de la Tour de Sion, zinjẹgbonu décembre 1881 tọn to Glẹnsigbe mẹ dọ gando Ahọluduta Jiwheyẹwhe tọn go dọmọ: “E họnwun dọ to whenue ahọluduta ehe na yin didoai, ahọluduta he to aigba ji lẹpo na yin didesẹ sọn aimẹ.”
Nuhe Biblu dọ: “To azán ahọlu nẹlẹ tọn lẹ mẹ wẹ Jiwheyẹwhe olọn tọn na ze ahọludu de daga, he ma na yin viva gbede, mọ yè ma na jo ahọludu etọn dai hlan gbẹtọ devo lẹ gba; ṣigba e na gbà ahọludu do flinflin bo sú ahọludu he lẹpo do, ewọ bo nasọ nọte kakadoi.”—Daniẹli 2:44, Biblu Wiwe lọ—Gun Alada.
Be Biblu Lẹdogbedevomẹ Aihọn Yọyọ Tọn kẹdẹ wẹ Kunnudetọ Jehovah tọn lẹ nọ yizan nado nọgodona nuyise yetọn lẹ ya?
Lala, na mí gbẹ́ pò to lẹdogbedevomẹ Biblu tọn susu yizan to azọ́n kunnudide tọn mítọn mẹ wutu. Na nugbo tọn, dile etlẹ yindọ mí nọ na mẹhe nọ plọn Biblu hẹ mí lẹ vọkan Lẹdogbedevomẹ Aihọn Yọyọ Tọn dopo vọnu, homẹ mítọn sọ nọ hùn nado plọnnu hẹ mẹhe jlo na yí lẹdogbedevomẹ Biblu tọn devo zan lẹ.
A Gán Sọ Pọ́n Hosọ Ehelẹ
KANBIỌ HE MẸSUSU NỌ KANSE LẸ
Be Kunnudetọ Jehovah Tọn lẹ Tindo Biblu Yetọn Titi Wẹ Ya?
Lẹdogbedevomẹ Biblu tọn voovo lẹ yiyizan sọgan hẹn Biblu pinplọn towe pọnte. E jẹ dọ a ni nọ yí Owe-Wiwe lẹ—Lẹdogbedevomẹ Aihọn Yọyọ Tọn zan to nupinplọn towe whenu, na onú titengbe atọ̀n delẹ he gando lẹdogbedevomẹ ehe go wutu.
KANBIỌ HE MẸSUSU NỌ KANSE LẸ
Be Lẹdogbedevomẹ Aihọn Yọyọ Tọn Sọgbe Ya?
Naegbọn Lẹdogbedevomẹ Aihọn Yọyọ Tọn do gbọnvona lẹdogbedevomẹ Biblu tọn susu devo lẹ?
GBLỌNDO NA KANBIỌ SINAI DO BIBLU JI LẸ
Be Nuhe Biblu Bẹhẹn lẹ Ko Diọ Wẹ Ya?
To whenuena e yindọ Biblu ko dohó sọmọ, be mí gán kudeji dọ owẹ̀n he e bẹhẹn lẹ ma diọ bo sọgbe ya?
NUPLỌNMẸ TANGAN BIBLU TỌN LẸ
Nawẹ Mí Sọgan Kudeji Gbọn Dọ Biblu Yin Nugbo?
Eyin Jiwheyẹwhe dè wẹ Biblu wá sọn, be e dona gbọnvo pete na owe he pò lẹpo.
NUHE BIBLU PLỌN MÍ
Tẹ́n Tito Biblu Pinplọn Tọn Mítọn Pọ́n
A gán plọnnu vọnu hẹ mẹplọntọ de nukun sọ nukun nado mọ ayinamẹ sinai do Biblu ji lẹ yí.