NUPỌNNAMẸ 6
Yọ́n-Na-Yizan Wefọ lẹ Tọn Hinhẹn Họnwun
Johanu 10:33-36
BLADOPỌ: Ma nọ hia wefọ lẹ poun bo nọ dedo nuagokun devo ji blo. Hẹn ẹn diun dọ hosetọ towe lẹ mọnukunnujẹ kanṣiṣa he tin to wefọ he a hia lọ po nuagokun he ji a to hodọdo po ṣẹnṣẹn mẹ hezeheze.
NUHE A NA WÀ:
-
De hogbe tangan lẹ dovo. To wefọ de hihia godo, zinnudo hogbe he tindo kanṣiṣa hẹ nuagokun he ji a to hodọdo lẹ ji. Nado jẹ yanwle enẹ kọ̀n, a gán vọ́ hogbe enẹlẹ dọ kavi kàn kanbiọ he na gọalọna hosetọ towe lẹ nado mọ nuagokun lọ lẹ sè yé.
-
Zinnudo nuagokun lọ ji. Eyin a dọ whẹwhinwhẹ́n he wutu a jlo na hia wefọ de whẹpo do hia ẹ, nọ basi zẹẹmẹ lehe hogbe tangan wefọ lọ tọn lẹ nọgodona whẹwhinwhẹ́n he a na jẹnukọn lọ do tọn.
-
Dike yọ́n-na-yizan lọ ni bọawu. Dapana zẹẹmẹ bibasi do onú flinflin he ma gando nuagokun towe go lẹ ji. Sọgbe hẹ nuhe hosetọ towe lẹ ko yọnẹn do hosọ lọ ji, magbe nudọnamẹ nẹmu he a na na nado hẹn yọ́n-na-yizan lọ họnwun gblegede tọn.
