NUPỌNNAMẸ 10
Kọnugbè Didiọ
Howhinwhẹn lẹ 8:4, 7
BLADOPỌ: Hẹn linlẹn towe lẹ họnwun bo fọ́n numọtolanmẹ dote gbọn agayiyi ogbè towe tọn, kọnugbè towe po awuyiya towe po didiọ sọn ojlẹ de mẹ jẹ devo mẹ dali.
NUHE A NA WÀ:
-
Nọ diọ agayiyi ogbè towe tọn. Nọ ze ogbè daga nado zinnudo nuagokun tangan lẹ ji bo whàn hosetọ towe lẹ. Nọ wà nudopolọ eyin a to adà Owe-wiwe tọn he bẹ whẹdida hẹn lẹ hia. Nọ ze ogbè yìdo nado fọnjlodotenamẹ gando nuhe to nukọn ja de go kavi nado do numọtolanmẹ obu kavi ayimajai tọn hia.
-
Nọ diọ kọnugbè towe. Eyin e sọgbe domọ to ogbè towe mẹ, nọ hẹn kọnugbè towe klo nado do zohunhun hia kavi nado do gbigblo kavi tedidi nude tọn hia. Nọ hẹn kọnugbè towe flín nado do awubla kavi ayimajai hia.
-
Nọ diọ awuyiya towe. Nọ dọho po awuyiya po nado do jejejininọ hia. Nọ dọho dẹẹdẹ nado zinnudo nuagokun tangan lẹ ji.
