APOTIN NUPINPLỌN TỌN 7B
Hodidọ Tangan Delẹ to Owe Ezekiẹli Tọn Mẹ
“Visunnu Gbẹtọ Tọn”
HUGAN WHLA 90
Hugan whla 90 wẹ Ezekiẹli yin alọdlẹndo taidi “visunnu gbẹtọ tọn.” (Ezek. 2:1) Jehovah nọ gbọnmọ dali flinnu in dọ dile etlẹ yindọ e mọ lẹblanulọkẹyi daho susu yí, gbẹtọvi tata de wẹ ewọ yin. E jẹna ayidego dọ to kandai Wẹndagbe tọn lẹ mẹ, Jesu yin alọdlẹndo taidi “Visunnu gbẹtọ tọn” nudi whla 80 nado dohia dọ ewọ lẹzun gbẹtọvi mlẹnmlẹn bo ma yin angẹli de he ze agbasa gbẹtọvi tọn do poun.—Mat. 8:20.
“. . . Nasọ Yọnẹn Dọ Yẹn Wẹ Jehovah”
HUGAN WHLA 50
Hugan whla 50 wẹ Ezekiẹli basi kandai nuhe Jiwheyẹwhe dọ tọn dọ gbẹtọ lẹ “nasọ yọnẹn dọ yẹn wẹ Jehovah,” nado zinnudeji dọ Jehovah wẹ mẹdopo gee lọ he jẹ nado mọ sinsẹ̀n-bibasi wiwe-ṣeke yí.—Ezek. 6:7.
“Oklunọ Nupojipetọ Jehovah”
WHLA 217
Hodidọ lọ “Oklunọ Nupojipetọ Jehovah” sọawuhia whla 217 bo gbọnmọ dali ze yinkọ Jiwheyẹwhe tọn daga dile e jẹ do bosọ zinnudeji dọ nudida lẹpo wẹ dona litaina Jehovah.—Ezek. 2:4.
