Eyin Jiwheyẹwhe wẹ owanyi, naegbọn sinsẹ̀n he nọ sọalọakọ́n dọ emi to ojlo etọn wà lẹ do nọ wà nuylankan susu sọmọ? Do glido, sinsẹ̀n lalo lẹ wẹ yé; yinkọ Jiwheyẹwhe tọn hẹngble wẹ yé te. Nawẹ yé nọ hẹn yinkọ etọn gble gbọn? Numọtolanmẹ tẹwẹ nuyiwa yetọn nọ hẹn Ẹn tindo? Podọ etẹwẹ ewọ na wà gandego?

1. Nawẹ sinsẹ̀n lalo nọ yí nuplọnmẹ etọn lẹ do hẹn yinkọ Jiwheyẹwhe tọn gble gbọn?

Sinsẹ̀n lalo ko “yí lalo do diọ nugbo Jiwheyẹwhe tọn lẹ.” (Lomunu lẹ 1:25) Di apajlẹ, sinsẹ̀n susu ma nọ plọn mẹlẹ yinkọ Jiwheyẹwhe tọn. Ṣigba, Biblu dọ dọ mí dona nọ yí yinkọ Jiwheyẹwhe tọn zan. (Lomunu lẹ 10:13, 14) Sinsẹ̀ngán delẹ nọ dọ dọ eyin nuylankan de jọ, be Jiwheyẹwhe lọsu wẹ jlo. Amọ́, lalo wẹ enẹ. Jiwheyẹwhe ma nọ hẹn nuylankan de nado jọ gbede. (Hia Jakọbu 1:13.) E blawu dọ lalo sinsẹ̀n lẹ tọn ko hẹn mẹsusu buali sọn Jiwheyẹwhe dè.

2. Nawẹ sinsẹ̀n lalo nọ yí walọyizan etọn lẹ do hẹn yinkọ Jiwheyẹwhe tọn gble gbọn?

Sinsẹ̀n lalo ma nọ yinuwa hẹ mẹlẹ dile Jehovah nọ wà do. Biblu dọ gando sinsẹ̀n lalo go dọ “ylando etọn lẹ ko hòpli dopọ kakajẹ olọn.” (Osọhia 18:5) Na owhe kanweko susu, sinsẹ̀n lẹ nọ donù tonudidọ mẹ, nọgodona awhàn bo ko hù gbẹtọ madosọha lẹ kavi doalọ to okú yetọn mẹ. Sinsẹ̀ngán delẹ nọ zan gbẹzan adọkunnọ tọn bo nọ biọ akuẹ to hagbẹ sinsẹ̀n tọn lẹ si nado penukundo akuẹzinzan enẹlẹ go. Nuyiwa yetọn enẹlẹ dohia dọ yé ma tlẹ yọ́n Jiwheyẹwhe, mọ yé masọ jẹ nado yin afọzedaitọ etọn lẹ.—Hia 1 Johanu 4:8.

3. Numọtolanmẹ tẹwẹ Jiwheyẹwhe nọ tindo gando sinsẹ̀n lalo go?

Eyin nuyiwa sinsẹ̀n lalo tọn lẹ nọ hẹn homẹgble we, numọtolanmẹ tẹwẹ a lẹndọ Jehovah na tindo? E yiwanna gbẹtọ lẹ, amọ́ homẹ etọn ma nọ hùn do sinsẹ̀ngán he nọ hẹn yinkọ etọn gble, bo ma nọ jọmẹ hẹ sinsẹ̀nvi yetọn lẹ go. E dopà dọ sinsẹ̀n lalo na yin vivasudo bo “ma nasọ yin mimọ pọ́n gbede ba.” (Osọhia 18:21) To madẹnmẹ, Jiwheyẹwhe na sukúndona sinsẹ̀n lalo lẹpo.—Osọhia 18:8.

 DINDONANU DOGỌ

4. Jiwheyẹwhe ma nọ kẹalọyi sinsẹ̀n lẹpo

Mẹsusu yise dọ sinsẹ̀n lẹ taidi aliho voovo lẹ, podọ yemẹpo wẹ nọ planmẹ yì Jiwheyẹwhe dè. Amọ́ be nugbo wẹ enẹ ya? Hia Matiu 7:13, 14, enẹgodo dọhodo kanbiọ ehe ji:

• Zẹẹmẹ tẹwẹ Biblu basi gando aliho he nọ planmẹ yì ogbẹ̀ mẹ lọ go?

Hò VIDEO lọ, enẹgodo dọhodo kanbiọ he bọdego ji.

• Be Biblu dọ dọ sinsẹ̀n susu wẹ tin he nọ hẹn homẹ Jiwheyẹwhe tọn hùn wẹ ya?

 6. Jiwheyẹwhe jlo na tún mẹlẹ dote sọn sinsẹ̀n lalo mẹ

Hia Osọhia 18:4, a enẹgodo dọhodo kanbiọ ehe ji:

• Numọtolanmẹ tẹwẹ a tindo todin he a yọnẹn dọ Jiwheyẹwhe jlo na whlẹn mẹhe sinsẹ̀n lalo ko hẹn buali lẹ?

7. Zindonukọn nado nọ plọnnu gando Jiwheyẹwhe nugbo lọ go

Be sinsẹ̀n lalo dona yinuwado nukun he a nọ yí do pọ́n Jiwheyẹwhe ji wẹ ya? Yí nukun homẹ tọn do pọ́n visunnu de he nọ gbẹ́ anademẹ nuyọnẹn tọn he otọ́ etọn nọ na ẹn lẹ dai. Visunnu ehe tọ́n sọn whégbè, bo yì zan gbẹzan he gblezọn de. Homẹ otọ́ lọ tọn ma hùn do nuyiwa visunnu etọn tọn lẹ go. Naegbọn e ma nado sọgbe nado dowhẹ otọ́ lọ na gbẹzan he visunnu etọn atẹṣitọ lọ to zinzan wutu?

• Be e na sọgbe nado dowhẹ Jehovah bo doalọtena nupinplọn gando ewọ go na nuyiwa sinsẹ̀n lalo tọn lẹ wutu ya?

 BLADOPỌ

Sinsẹ̀n lalo ko hẹn yinkọ Jiwheyẹwhe tọn gble, gbọn nuplọnmẹ lalo etọn lẹ po walọ ylankan etọn lẹ po dali. Jiwheyẹwhe na và sinsẹ̀n lalo sudo.

Dogbapọn

• Numọtolanmẹ tẹwẹ a tindo gando nuhe sinsẹ̀n lalo nọ plọnmẹ lẹ po aliho he mẹ e nọ yinuwa te po go?

• Numọtolanmẹ tẹwẹ Jehovah nọ tindo gando sinsẹ̀n lalo go?

• Etẹwẹ Jiwheyẹwhe na wà na sinsẹ̀n lalo?