WETA 17

Azọ́npinplọn Lizọnyizọnwatọ Ahọluduta Tọn Lẹ

MÌ HÒ (video kavi hoyidokanji lọ)

Azọ́npinplọn Lizọnyizọnwatọ Ahọluduta Tọn Lẹ

NUHE WETA LỌ BẸHẸN

Lehe wehọmẹ yẹwhehọluduta tọn lẹ nọ wleawuna lizọnyizọnwatọ Ahọluduta lọ tọn lẹ nado hẹn azọ́ndenamẹ yetọn lẹ di do

1-3. Nawẹ Jesu gbloada na azọ́n yẹwhehodidọ tọn gbọn, podọ kanbiọ tẹlẹ wẹ fọndote?

JESU dọyẹwheho gbọn Galili na owhe awe. (Hia Matiu 9:35-38.) E dla tòdaho po gbétatò susu lẹ po pọ́n, bo nọ plọnmẹ to sinagọgu lẹ mẹ bosọ nọ dọyẹwheho wẹndagbe Ahọluduta lọ tọn. Gbẹtọgun lẹ nọ há do e to fidepope he e dọyẹwheho te. Jesu dọ dọ, “ojijẹ lọ sù” bọ nuhudo tin na azọ́nwatọ lẹ dogọ.

²Jesu basi tito nado gbloada na azọ́n yẹwhehodidọ tọn. Gbọnna? Gbọn apọsteli etọn 12 lẹ didohlan “nado dọyẹwheho Ahọluduta Jiwheyẹwhe tọn” dali. (Luku 9:1, 2) Apọsteli lẹ sọgan ko tindo kanbiọ lẹ to ayiha mẹ gando lehe yé na wà azọ́n ehe do go. Whẹpo Jesu do yé hlan, e gbọn owanyi dali na yé nude he Otọ́ olọn mẹ tọn etọn ko na ẹn—enẹ wẹ azọ́nplọnmẹ.

³Delẹ to kanbiọ he na ko fọ́n to ayiha towe mẹ lẹ mẹ wẹ yindọ: Azọ́nplọnmẹ tẹwẹ Jesu mọyi sọn Otọ́ etọn dè? Azọ́nplọnmẹ tẹwẹ Jesu na apọsteli etọn lẹ? Podọ to egbehe lo—be Ahọlu Mẹsia ko plọnazọ́n hodotọ etọn lẹ nado wà lizọnyizọn yetọn ya? Eyin mọ wẹ, gbọnna?

“Yẹn to Onú Ehelẹ Dọ Kẹdẹdile Otọ́ lọ Plọn Mi Do”

4. Whetẹnu wẹ Jesu yin pinplọn gbọn Otọ́ etọn dali podọ to fie?

⁴Jesu yigbe tlọlọ dọ Otọ́ emitọn wẹ plọn emi. To lizọnyizọn Jesu tọn whenu, e dọmọ: “Yẹn to onú ehelẹ dọ kẹdẹdile Otọ́ lọ plọn mi do.” (Joh. 8:28) Whetẹnu wẹ Jesu yin pinplọn podọ to fie? E họnwun dọ Visunnu plọnji Jiwheyẹwhe tọn jẹ yinyin pinplọn ji tlolo to whenue e yin didá godo. (Kol. 1:15) Visunnu lọ yí owhe madosọha lẹ zan to Otọ́ etọn pá to olọn mẹ nado dotoai bo plọnnu sọn “Nuplọnmẹtọ Daho” lọ dè. (Isa. 30:20) Taidi kọdetọn de, Visunnu lọ yin pinplọn gando jẹhẹnu, azọ́n po lẹndai Otọ́ etọn tọn lẹ po go to aliho mayọnjlẹ de mẹ.

5. Anademẹ tẹwẹ Otọ́ lọ na Visunnu etọn gando lizọnyizọn he e na wà to aigba ji lọ go?

⁵To nukọn mẹ, Jehovah plọn Visunnu etọn gando lizọnyizọn he e na wà to aigba ji lọ go. Dọdai de die he do kanṣiṣa he tin to Nuplọnmẹtọ Daho lọ po Visunnu plọnji etọn po ṣẹnṣẹn hia. (Hia Isaia 50:4, 5.) Dọdai lọ dọ dọ Jehovah nọ fọ́n Visunnu etọn “to afọnnu afọnnu.” Hogbe enẹlẹ do mẹplọntọ de hia he nọ fọ́n nuplọntọ etọn to afọnnu fuu nado plọnnu in. Alọdlẹndonu Biblu tọn de dọmọ: “Jehovah . . . yí i to paa mẹ do wehọmẹ taidi nuplọntọ de, bo nọ plọnnu in gando nuhe sin yẹwheho e dona dọ po lehe e na wàmọ do po go.” To “wehọmẹ” olọn mẹ tọn enẹ mẹ, Jehovah plọn Visunnu etọn ‘nuhe e dona dọ taun lọ.’ (Joh. 12:49) Otọ́ lọ sọ na anademẹ Visunnu etọn gando lehe e dona plọnmẹ do go. * To whenue Jesu to aigba ji, e yí azọ́nplọnmẹ enẹ zan ganji, e ma yin to lizọnyizọn etọn kẹdẹ mẹ wẹ gba ṣigba to azọ́npinplọn hodotọ etọn lẹ nado wà lizọnyizọn yetọn mẹ ga.

6, 7. (a) Azọ́nplọnmẹ tẹwẹ Jesu na apọsteli etọn lẹ, podọ etẹwẹ e hẹn yé pegan nado wà? (b) Azọ́nplọnmẹ wunmẹ tẹwẹ Jesu ko hẹn ẹn diun dọ hodotọ etọn lẹ mọyi to azán mítọn gbè?

⁶Azọ́nplọnmẹ tẹwẹ Jesu na apọsteli etọn lẹ dile mí dọ do to aga? Dile Matiu weta 10 dọ do, e na yé anademẹ tangan delẹ gando lizọnyizọn lọ go, gọna dehe bọdego ehelẹ: fie yé na dọyẹwheho te (wefọ 5, 6), owẹ̀n he yé na lá (wefọ 7), nuhudo lọ nado dejido Jehovah go (wefọ 9, 10), lehe yé na dọhona whétọ lẹ do (wefọ 11-13), lehe yé na yinuwa do eyin mẹde gbẹ́ (wefọ 14, 15), podọ lehe yé na yinuwa do eyin homẹkẹn fọ́n (wefọ 16-23). * Azọ́nplọnmẹ he họnwun he Jesu na apọsteli etọn lẹ gọalọna yé nado yin tọ́ntlọ́ngbọ́n to azọ́n wẹndagbe lọ lilá tọn mẹ to owhe kanweko tintan W.M. tọn mẹ.

⁷Bọ azán mítọn gbè lo? Jesu, yèdọ Ahọlu Ahọluduta Jiwheyẹwhe tọn ko ze azọngban pinpẹn de do alọmẹ na hodotọ etọn lẹ, enẹ wẹ nado dọ “yẹwheho wẹndagbe Ahọluduta lọ tọn . . . to aigba fininọ lẹpo ji taidi okunnu de na akọta lẹpo.” (Mat. 24:14) Be Ahọlu lọ ka plọnazọ́n mí nado wà azọ́n titengbe hugan ehe ya? Gbau! Ahọlu lọ ko hẹn ẹn diun sọn olọn mẹ dọ hodotọ etọn lẹ mọ azọ́nplọnmẹ yí gando lehe yé na nọ dọyẹwheho to gbonu agun lọ tọn do go podọ lehe yé na penukundo azọngban vonọtaun lẹ go to agun lọ mẹ do.

Azọ́npinplọn Lizọnyizọnwatọ lẹ Nado Yin Wẹndagbe-Jlatọ

8, 9. (a) Etẹwẹ yin yanwle tangan Wehọmẹ Lizọnyizọn Yẹwhehọluduta tọn? (b) Nawẹ opli osẹ ṣẹnṣẹn tọn ko gọalọna we nado yin azọ́nyọnẹntọ dogọ to lizọnyizọn towe mẹ gbọn?

⁸Sọn whenu dindẹn die wẹ titobasinanu Jehovah tọn ko nọ yí plidopọ lẹ po opli agun tọn lẹ po—taidi Opli Sinsẹ̀nzọn tọn—zan nado plọnazọ́n omẹ Jiwheyẹwhe tọn lẹ na lizọnyizọn lọ. Ṣigba, bẹsọn 1940 lẹ gblamẹ, mẹmẹsunnu he to anadenanu to tatọ́-tẹnnọ lẹ jẹ azọ́nplọnmẹ ji gbọn wehọmẹ voovo lẹ gblamẹ.

⁹Wehọmẹ Lizọnyizọn Yẹwhehọluduta Tọn. Dile mí mọ to weta he wayi mẹ do, wehọmẹ ehe bẹjẹeji to 1943. Be yanwle wehọmẹ ehe tọn wẹ nado plọnazọ́n wehọmẹvi lẹ nado nọ na hodidọ kọdetọn dagbenọ lẹ to opli agun tọn lẹ ji poun ya? Paali. Yanwle tangan wehọmẹ lọ tọn wẹ nado plọnazọ́n omẹ Jiwheyẹwhe tọn lẹ nado nọ yí nunina hodidọ tọn yetọn zan nado pà Jehovah to lizọnyizọn lọ mẹ. (Salm. 150:6) Wehọmẹ lọ ko gọalọna mẹmẹsunnu po mẹmẹyọnnu po he ze yinkọ dai lẹpo nado yin lizọnyizọnwatọ Ahọluduta lọ tọn azọ́nyọnẹntọ. Todin, mí nọ mọ azọ́nplọn mọnkọtọn yí to opli osẹ ṣẹnṣẹn tọn whenu.

10, 11. Mẹnu lẹ wẹ sọgan ze yinkọ dai na Wehọmẹ Giliadi tọn todin, podọ etẹwẹ yin yanwle azọ́nplọnmẹ ehe tọn?

¹⁰Wehọmẹ Biblu Pinplọn Watchtower Giliadi Tọn. Nuhe nọ yin yiylọ todin dọ Wehọmẹ Biblu Pinplọn Watchtower Giliadi Tọn bẹjẹeji to lundi 1^erfévrier 1943. To dai, wehọmẹ lọ yin awuwlena nado plọnazọ́n gbehosọnalitọ lẹ po mẹhe to sinsẹ̀nzọn whenu-gigọ́ tọn devo mẹ lẹ po nado pegan na sinsẹ̀nzọn mẹdehlan tọn to fidepope to aihọn mẹ. Ṣigba, bẹsọn octobre 2011, mẹhe ko tin to adà sinsẹ̀nzọn whenu-gigọ́ tọn vonọtaun de mẹ lẹ kẹdẹ wẹ sọgan ze yinkọ dai—yèdọ gbehosọnalitọ titengbe lẹ, nugopọntọ tomẹyitọ lẹ po asi yetọn lẹ po, hagbẹ whẹndo Bẹtẹli tọn lẹ po mẹdehlan he to aigba-denamẹ ji bo ma ko yì wehọmẹ lọ dai lẹ po.

¹¹Etẹwẹ yin yanwle azọ́nplọnmẹ Wehọmẹ Giliadi tọn? Nuplọnmẹtọ whenu dindẹn tọn dopo gblọn dọmọ: “Nado hẹn yise wehọmẹvi lẹ tọn lodo gbọn Ohó Jiwheyẹwhe tọn pinplọn sisosiso dali podọ nado gọalọna yé nado wleawuna jẹhẹnu gbigbọmẹ tọn lẹ he na gọalọna yé nado pehẹ avùnnukundiọsọmẹnu lẹ to azọ́ndenamẹ yetọn mẹ. Humọ, yanwle titengbe azọ́nplọnmẹ lọ tọn de wẹ nado do ojlo sisosiso lọ do wehọmẹvi lẹ mẹ nado nọ tindo mahẹ to azọ́n wẹndagbe-jijlá tọn mẹ.”—Efe. 4:11.

12, 13. Nuyiwadomẹji tẹwẹ Wehọmẹ Giliadi tọn ko tindo do azọ́n yẹwhehodidọ tọn ji lẹdo aihọn pé? Na apajlẹ dopo.

¹²Nuyiwadomẹji tẹwẹ Wehọmẹ Giliadi tọn ko tindo do azọ́n yẹwhehodidọ tọn ji lẹdo aihọn pé? Sọn 1943, hugan gbẹtọ 8 500 wẹ ko yin azọ́nplọn to wehọ lọ mẹ, * podọ mẹdehlan he yin azọ́nplọn to Giliadi lẹ ko sẹ̀n to aigba 170 linlán ji lẹdo aihọn pé. Azọ́npinplọn mẹdehlan lẹ ma yin osin ba do pápá nẹgbé, na yé ko ze apajlẹ zohunhun to lizọnyizọn lọ mẹ tọn dai bo ko plọnazọ́n mẹdevo lẹ ga. To ninọmẹ susu mẹ, mẹdehlan lẹ wẹ nọ yin tọ́ntlọ́ngbọ́n to azọ́n lọ mẹ to awà he ji wẹnlatọ Ahọluduta lọ tọn lẹ ma tin te kavi ma sù te.

¹³Di apajlẹ, pọ́n nuhe jọ to Japon to fie azọ́n yẹwhehodidọ to gbangba tọn ko doalọte pete te to Wẹkẹ-Whàn II whenu. To août 1949, wẹnlatọ he yin tòvi Japon tọn he pò ma pé ao. Ṣigba to vivọnu owhe lọ tọn, mẹdehlan he yin azọ́nplọn to Giliadi 13 jẹ yẹwhehodọ ji to Japon. Mẹdehlan devo lẹ yin didohlan to enẹgodo. Jẹnukọn whẹ́, mẹdehlan lọ lẹ na ayidonugo tòhò daho lẹ; enẹgodo yé sẹtẹn yì fidevo lẹ. Yé na tuli nuplọntọ yetọn lẹ po mẹdevo lẹ po nado lẹzun gbehosọnalitọ lẹ. Zohunhun mẹdehlan lọ lẹ tọn de sinsẹ́n susu tọ́n. Todin, hugan wẹnlatọ Ahọluduta lọ tọn 216 000 wẹ to Japon, podọ diblayi 40 to 100 ji wẹnlatọ lẹ tọn wẹ yin gbehosọnalitọ lẹ! *

14. Wehọmẹ yẹwhehọluduta tọn lẹ yin kunnudenu he họnwun na etẹ? (Sọ pọ́n apotin lọ “ Wehọmẹ He Nọ Plọnazọ́n Lizọnyizọnwatọ Ahọluduta Tọn Lẹ.”)

¹⁴Wehọmẹ yẹwhehọluduta tọn devo lẹ. Wehọmẹ Sinsẹ̀nzọn Gbehosọnalitọ Tọn, Wehọmẹ Biblu Pinplọn Tọn Na Alọwlemẹ Lẹ, podọ Wehọmẹ Biblu Pinplọn Tọn Na Mẹmẹsunnu Tlẹnnọ Lẹ ko gọalọna mẹhe ze yinkọ dai lẹ nado yinukọn to gbigbọ-liho podọ nado yin nukọntọ zohunhunnọ to azọ́n wẹndagbe-jijlá tọn mẹ. * Wehọmẹ ehe lẹpo yin kunnudenu he họnwun dọ Ahọlu mítọn ko hẹn hodotọ etọn lẹ pegan nado hẹn lizọnyizọn yetọn di to gigọ́ mẹ.—2 Tim. 4:5.

Azọ́npinplọn Mẹmẹsunnu lẹ Nado Penukundo Azọngban Vonọtaun lẹ Go

15. Aliho tẹ mẹ wẹ sunnu he tin to otẹn azọngban tọn mẹ lẹ dona hodo apajlẹ Jesu tọn te?

¹⁵Flin dọdai Isaia tọn lọ he dohia dọ Jiwheyẹwhe to Jesu plọn. To “wehọmẹ” olọn mẹ tọn enẹ mẹ, Visunnu lọ plọn nado “yí ohó he sọgbe do gblọnhona mẹhe agbọ́pe lẹ.” (Isa. 50:4) Jesu yí anademẹ enẹ zan; to whenue e to aigba ji, e hẹn kọfanamẹ wá na “mẹhe tin to magbọjẹ mẹ bọ yè doagban pinpẹn na” lẹ. (Mat. 11:28-30) To apajlẹ Jesu tọn hihodo mẹ, sunnu he to sinsẹ̀n to otẹn azọngban tọn mẹ lẹ dona yin asisa kọfanamẹ tọn na mẹmẹsunnu po mẹmẹyọnnu yetọn lẹ po. Enẹwutu, wehọmẹ voovo lẹ ko yin didoai nado gọalọna mẹmẹsunnu he pegan lẹ nado yin kọdetọn dagbenọ dogọ to devizọnwiwa na yisenọ hatọ lẹ mẹ.

16, 17. Etẹwẹ yin yanwle Wehọmẹ Lizọnyizọn Ahọluduta tọn? (Sọ pọ́n nudọnamẹ odò tọn.)

¹⁶Wehọmẹ Lizọnyizọn Ahọluduta Tọn. Klasi tintan wehọmẹ ehe tọn bẹjẹeji to azán 9 mars 1959 tọn to South Lansing, New York. Nugopọntọ tomẹyitọ lẹ po devizọnwatọ agun tọn lẹ po yin oylọ-basina nado wá wehọmẹ osun dopo blebu tọn. To godo mẹ, wehọmẹ lọ yin lilẹdogbedevomẹ sọn Glẹnsigbe mẹ wá ogbè devo lẹ mẹ bọ mẹmẹsunnu lẹ jẹ azọ́nplọnmẹ mọyi ji lẹdo aihọn pé. *

Mẹmẹsunnu Lloyd Barry to mẹplọn to Wehọmẹ Lizọnyizọn Ahọluduta tọn to Japon to 1970

¹⁷Etẹwẹ yin yanwle Wehọmẹ Lizọnyizọn Ahọluduta tọn? Annuaire 1962 des Témoins de Jéhovah [Glẹnsigbe] dọmọ: “To aihọn he mẹ alọnu nọ ján taun te ehe mẹ, nugopọntọ de to agun kunnudetọ Jehovah tọn lẹ tọn mẹ dona penugo nado basi tito gbẹzan etọn tọn nado sọgan na ayidonugo he jẹ mẹhe tin to agun lọ mẹ lẹpo bo yin dona de na yé. Mọdopolọ, e ma dona nọ dovọ́na whẹndo etọn na agun tọn wutu, ṣigba e dona nọ yí wunza zan. Dotẹnmẹ hundote jiawu nankọ die na devizọnwatọ agun tọn lẹ lẹdo aihọn pé nado nọ pli dopọ to Wehọmẹ Lizọnyizọn Ahọluduta tọn lẹ tẹnmẹ nado mọ azọ́nplọnmẹ he na gọalọna yé nado wà nuhe Biblu dọ dọ nugopọntọ de dona nọ basi lẹ!”—1 Tim. 3:1-7; Titu 1:5-9.

18. Nawẹ omẹ Jiwheyẹwhe tọn lẹpo nọ mọaleyi sọn Wehọmẹ Lizọnyizọn Ahọluduta tọn mẹ gbọn?

¹⁸Omẹ Jiwheyẹwhe tọn lẹpo wẹ ko mọaleyi sọn Wehọmẹ Lizọnyizọn Ahọluduta tọn lọ mẹ. Gbọnna? Eyin mẹho lẹ po devizọnwatọ lizọnyizọnwiwa tọn lẹ po yí nuhe yé plọn to wehọ lọ mẹ lẹ do yizan mẹ, taidi Jesu, yé nọ yin asisa kọfanamẹ tọn de na yisenọ hatọ yetọn lẹ. Be hiẹ lọsu ma nọ yọ́n pinpẹn hodidọ mẹtọnhopọn tọn, todidoai na we po sọwhiwhe po, kavi dlapọn tulinamẹ tọn de sọn mẹho kavi devizọnwatọ lizọnyizọnwiwa tọn he jọmẹ lẹ dè ya? (1 Tẹs. 5:11) Dona jiawu lẹ wẹ sunnu he pegan enẹlẹ yin na agun yetọn lẹ!

19. Wehọmẹ devo tẹlẹ wẹ Wedegbẹ́ Mẹpinplọn tọn nọ deanana, podọ etẹwẹ yin yanwle wehọmẹ enẹlẹ tọn?

¹⁹Wehọmẹ yẹwhehọluduta tọn devo lẹ. Wedegbẹ́ Mẹpinplọn tọn Hagbẹ Anademẹtọ tọn sọ nọ deanana wehọmẹ devo lẹ he nọ plọnazọ́n mẹmẹsunnu he tin to otẹn azọngban tọn mẹ to titobasinanu lọ mẹ lẹ. Wehọmẹ enẹlẹ yin awuwlena nado gọalọna mẹmẹsunnu azọngbannọ lẹ—yèdọ mẹho agun tọn lẹ, nugopọntọ tomẹyitọ lẹ po hagbẹ Wedegbẹ́ Alahọ tọn lẹ po—nado yin azọ́nyọnẹntọ dogọ to azọngban susu he go yé nọ penukundo lẹ mẹ. Nuplọnmẹ sinai do Biblu ji lọ lẹ nọ na tuli mẹmẹsunnu lọ lẹ nado hẹn gbigbọnọ-yinyin yetọn titi lodo podọ nado nọ yí nunọwhinnusẹ́n Owe-wiwe tọn lẹ zan to nuyiwa yetọn hẹ lẹngbọ họakuẹ he Jehovah ko zedo alọmẹ na yé lẹ mẹ.—1 Pita 5:1-3.

Klasi tintan Wehọmẹ Azọ́nplọnmẹ Devizọnwiwa tọn to Malawi to 2007

20. Naegbọn Jesu sọgan dọ dọ mímẹpo wẹ yin “pinplọn gbọn Jehovah dali,” podọ etẹwẹ a magbe nado wà?

²⁰E họnwun dọ Ahọlu Mẹsia ko hẹn ẹn diun dọ hodotọ etọn lẹ yin azọ́nplọn ganji. Azọ́nplọnmẹ lọ lẹpo bẹsọn aga wá odò: Jehovah plọnazọ́n Visunnu etọn, bọ Visunnu lọ plọnazọ́n hodotọ etọn lẹ. Enẹwutu, Jesu sọgan dọ nugbo dọ mímẹpo wẹ yin “pinplọn gbọn Jehovah dali.” (Joh. 6:45; Isa. 54:13) Mì gbọ mí ni magbe nado yí dotẹnmẹ azọ́nplọnmẹ tọn he Ahọlu mítọn ko hundote na mí lọ lẹpo zan ganji. Podọ mì gbọ mí ni flindọ lẹndai tangan azọ́nplọnmẹ ehe lẹpo tọn wẹ nado gọalọna mí nado hẹn gbigbọnọ-yinyin mítọn lodo, na mí nido hẹn lizọnyizọn mítọn di to gigọ́ mẹ.

^ huk. 5 Nawẹ mí wagbọn do yọnẹn dọ Otọ́ plọn Visunnu lọ lehe e dona plọnmẹ do? Lẹnnupọndo ehe ji: Aliho he mẹ Jesu yí apajlẹ susugege lẹ zan te to mẹpinplọn etọn mẹ hẹn dọdai de he ko yin kinkandai owhe kanweko lẹ jẹnukọnna jiji etọn di. (Salm. 78:2; Mat. 13:34, 35) E họnwun dọ, Asisa dọdai enẹ tọn, yèdọ Jehovah ko magbe jẹnukọn dọ Visunnu etọn na yí apajlẹ lẹ kavi oló lẹ do plọnmẹ.—2 Tim. 3:16, 17.

^ huk. 6 To osun delẹ godo, Jesu “de omẹ 70 devo lẹ bo do yé hlan awe-awe” nado dọyẹwheho. E sọ plọnazọ́n yé.—Luku 10:1-16.

^ huk. 12 Mẹdelẹ ko yì Wehọmẹ Giliadi tọn hú whladopo.

^ huk. 13 Nado mọ zẹẹmẹ gigọ́ gando nuyiwadomẹji he mẹdehlan he mọ azọ́nplọnmẹ yí to Giliadi lẹ ko tindo do yẹwhehodidọ lẹdo aihọn pé ji go, pọ́n weta 23tọ owe Les Témoins de Jéhovah, prédicateurs du Royaume de Dieu tọn.

^ huk. 14 Wehọmẹ awe he gbọngodo lẹ ko yin didiọ zun Wehọmẹ Wẹndagbe-Jlatọ Ahọluduta lọ tọn lẹ tọn.

^ huk. 16 Todin, mẹho lẹpo wẹ nọ mọaleyi sọn Wehọmẹ Lizọnyizọn Ahọluduta tọn he nọ yin bibasi to owhe delẹ godo na ojlẹ he sọgan diọ de lọ mẹ. Devizọnwatọ lizọnyizọnwiwa tọn lẹ lọsu ko jẹ azọ́nplọnmẹ mọyi ji to wehọmẹ ehe sọn 1984.

WEHỌMẸ HE NỌ PLỌNAZỌ́N LIZỌNYIZỌNWATỌ AHỌLUDUTA TỌN LẸ

OPLI GBẸZAN PO LIZỌNYIZỌN MÍTỌN PO TỌN

Lẹndai: Nado plọnazọ́n wẹnlatọ lẹ nado yin yẹwhehodọtọ wẹndagbe lọ tọn po mẹplọntọ azọ́nyọnẹntọ lẹ po.

Ojlẹ: Ma nọ doalọte.

Nọtẹn: Plitẹnhọ Ahọluduta tọn.

Nubiọtomẹsi lẹ: Mẹhe nọ kọnawudopọ hẹ agun lọ to gbesisọ mẹ lẹpo, he kẹalọyi nuplọnmẹ Biblu tọn lẹ bọ gbẹzan yetọn tin to kọndopọ mẹ hẹ nunọwhinnusẹ́n Klistiani tọn lẹ sọgan ze yinkọ dai. Dọnsẹpọ nugopọntọ Opli Gbẹzan po Lizọnyizọn Mítọn po tọn.

Ale lẹ: Opli osẹ ṣẹnṣẹn tọn mítọn nọ plọn mí nado basi dodinnanu bo ze nudọnamẹ lẹ donukọnnamẹ to aliho kannukannu tọn mẹ. Mí sọ nọ plọn nado dotoaina mẹdevo lẹ bo na ayidonugo nuhudo gbigbọmẹ tọn yetọn, kakati nido yin mítọn kẹdẹ.

Arnie, he to sinsẹ̀n taidi nugopọntọ tomẹyitọ sọn whenu dindẹn die dọmọ: “Sọn ovu whenu ṣie gbọ́n wẹ n’nọ kúdẹ́ podọ e nọ vẹawuna mi nado pọ́n nukunji na mẹdevo lẹ. [Opli] ehe gọalọna mi nado wleawuna adọgbigbo. Jehovah gọalọna mi gbọn azọ́nplọnmẹ ehe gblamẹ bọ n’ko plọn nado nọ yiagbọji bo nọ ze ayiha do fidopo. Homẹ ṣie hùn taun dọ n’penugo nado nọ pà Jiwheyẹwhe to agun mẹ podọ to lizọnyizọn ṣie mẹ.”

WEHỌMẸ MẸHO AGUN TỌN LẸ TỌN *

Lẹndai: Nado gọalọna mẹho lẹ nado hẹn gbigbọnọ-yinyin yetọn lodo dogọ podọ nado penukundo azọngban agun tọn lẹ go.

Ojlẹ: Azán atọ́n.

Nọtẹn: Alahọ wẹ nọ de filọ; e nọ saba yin Plitẹnhọ Ahọluduta tọn he sẹpọ de kavi Plitẹnhọ Plidopọ tọn de.

Nubiọtomẹsi lẹ: Alahọ wẹ nọ basi oylọna mẹho lẹ.

Ale lẹ: Pọ́n nuhe delẹ to mẹmẹsunnu he yì klasi 92tọ wehọmẹ lọ tọn to Patterson, New York to États-Unis lẹ mẹ dọ:

“Wehọmẹ lọ ko hẹn ale susu wá na mi, bo gọalọna mi nado pọ́n dee bo mọ lehe n’sọgan penukundo lẹngbọ Jehovah tọn lẹ go do.”

“Azọ́nplọnmẹ ehe na yọ́n-na-yizan na mi na pipotọ gbẹzan ṣie tọn.”

WEHỌMẸ SINSẸ̀NZỌN GBEHOSỌNALITỌ TỌN

Lẹndai: Nado gọalọna gbehosọnalitọ lẹ nado ‘hẹn lizọnyizọn yetọn di to gigọ́ mẹ.’—2 Tim. 4:5.

Ojlẹ: Azán ṣidopo.

Nọtẹn: Alahọ wẹ nọ de filọ; e nọ saba yin Plitẹnhọ Ahọluduta tọn he sẹpọ de.

Nubiọtomẹsi lẹ: Mẹhe ko lẹzun gbehosọnalitọ whepoponu tọn e whè gbau na owhe dopo lẹ wẹ nọ yin oylọ-basina tlọlọ bo nọ yin didọna gbọn nugopọntọ lẹdo tọn yetọn dali. Gbehosọnalitọ whenu dindẹn die tọn he ma ko yì wehọmẹ lọ to owhe atọ́n agọe tọn lẹ gblamẹ sọgan yin oylọ-basina nado vọ́ yì.

Ale lẹ: “Wehọmẹ lọ ko gọalọna mi nado duto avùnnukundiọsọmẹ lẹ ji to lizọnyizọn lọ mẹ podọ to gbẹzan ṣie mẹ,” wẹ Lily dọ. “Lehe n’nọ plọnnu, kavi plọnmẹ, kavi yí Biblu zan do ko yin hinhẹn pọnte taun. Todin, n’yọ́n lehe n’sọgan gọalọna mẹdevo lẹ po mẹho lẹ po bo yidogọna whinwhẹ́n agun lọ tọn do.”

Brenda, he ko yì wehọmẹ lọ whla awe dọmọ: “Wehọmẹ lọ gọalọna mi nado nọ ze ayidonugo ṣie lẹpo do onú gbigbọ tọn lẹ ji, nado hẹn ayihadawhẹnamẹnu ṣie lodo, podọ nado ze ayidonugo do alọgigọna mẹdevo lẹ ji. Na nugbo tọn, Jehovah jọmẹ taun!”

WEHỌMẸ MẸHE WÁ BẸTẸLI YỌYỌ LẸ TỌN

Lẹndai: Wehọmẹ ehe yin awuwlena nado gọalọna mẹhe ṣẹṣẹ wá Bẹtẹli lẹ nado tindo kọdetọn dagbe to sinsẹ̀nzọn yetọn mẹ.

Ojlẹ: Gànhiho ẹnẹ to azán dopodopo ji na azán ẹnẹ.

Nọtẹn: Bẹtẹli.

Nubiọtomẹsi lẹ: Mẹhe lẹzun hagbẹ whẹndo Bẹtẹli tọn tẹgbẹ tọn lẹ po mẹdezejotọ whenu gaa (owhe dopo kavi humọ) tọn lẹ po nọ yin oylọ-basina tlọlọ.

Ale lẹ: Demetrius, he yì wehọmẹ ehe to 1980 lẹ gblamẹ dọmọ: “Wehọmẹ ehe gọalọna mi nado hẹn aṣa nupinplọn tọn ṣie pọnte podọ nado wleawudai nado to sinsẹ̀n to Bẹtẹli zọnmii. Mẹplọntọ lọ lẹ, nuhe mí plọn lẹ po ayinamẹ yọ́n-na-yizan lẹ po hẹn mi kudeji dọ Jehovah nọ hò ṣie pọ́n bo jlo dọ ma tindo kọdetọn dagbe to sinsẹ̀nzọn ṣie mẹ to Bẹtẹli.”

WEHỌMẸ WẸNDAGBE-JLATỌ AHỌLUDUTA LỌ TỌN LẸ TỌN *

Lẹndai: Nado plọnazọ́n mẹhe tin to sinsẹ̀nzọn whenu-gigọ́ tọn mẹ lẹ (asu po asi po lẹ, mẹmẹsunnu po mẹmẹyọnnu tlẹnnọ lẹ po) to aliho vonọtaun mẹ, na yé nido yọ́n-na-yizan na Jehovah po titobasinanu etọn po to gigọ́ mẹ. Susu mẹhe yí gbedewema lẹ tọn na yin didohlan nado sẹ̀n to fihe nuhudo sù te to otò yetọn mẹ. Gbedewema-yitọ he ma ko pé owhe 50 lẹ sọgan yin pipà di gbehosọnalitọ titengbe whenu-gli tọn nado yì bẹ azọ́n lọ jẹeji to aigba-denamẹ yọyọ de ji kavi gbloada na ẹn to fihe to olá lẹ.

Ojlẹ: Osun awe.

Nọtẹn: Alahọ wẹ nọ de filọ; e nọ saba yin Plitẹnhọ Ahọluduta tọn de kavi Plitẹnhọ Plidopọ tọn de.

Mẹmẹsunnu po mẹmẹyọnnu lẹ po to alemọyi sọn azọ́nplọnmẹ yẹwhehọluduta tọn mẹ

Nubiọtomẹsi lẹ: Mẹhe tin to owhe 23 jẹ 65 gblamẹ bo ko tin to sinsẹ̀nzọn whenu-gigọ́ tọn mẹ, bosọ tindo agbasalilo dagbe, bọ ninọmẹ etọn sọgan na ẹn dotẹnmẹ nado yì sẹ̀n to fie nuhudo sù te, bosọ tindo gbigbọ “Yẹn die! Do mi hlan!” tọn sọgan ze yinkọ dai. (Isa. 6:8) Mẹhe yì wehọmẹ lọ lẹ, vlavo tlẹnnọ lẹ kavi asu po asi po lẹ, dona ko tin to sinsẹ̀nzọn whenu-gigọ́ tọn mẹ, e whè gbau na owhe awe madoalọte. Asu po asi po lẹ dona ko wlealọ, e whè gbau, na owhe awe. Mẹmẹsunnu lọ lẹ dona ko to sinsẹ̀n taidi mẹho kavi devizọnwatọ lizọnyizọnwiwa tọn, e whè gbau, na owhe awe madoalọte. Eyin wehọmẹ lọ nọ yin bibasi to aigba-denamẹ alahọ towe tọn ji, opli de na nọ yin bibasi to plidopọ daho lẹ ji nado na nudọnamẹ mẹhe tindo ojlo nado ze yinkọ dai lẹ.

Ale lẹ: Zẹẹmẹ dagbe susu wẹ ko yin sisè sọn mẹhe ko yì Wehọmẹ Biblu Pinplọn Tọn Na Mẹmẹsunnu Tlẹnnọ lẹ po Wehọmẹ Biblu Pinplọn Tọn Na Alọwlemẹ lẹ po dè. Hagbẹ Anademẹtọ kẹalọyi to 2013 dọ wehọmẹ awe lọ lẹ ni yin hihopli do dopo bo yin yiylọdọ Wehọmẹ Wẹndagbe-Jlatọ Ahọluduta lọ tọn lẹ tọn. Todin, gbehosọnalitọ nugbonọ susu wẹ na mọaleyi sọn wehọmẹ lọ mẹ, kakajẹ mẹmẹyọnnu tlẹnnọ lẹ ji.

WEHỌMẸ BIBLU PINPLỌN WATCHTOWER GILIADI TỌN

Lẹndai: Mẹhe yí gbedewema lẹ sọgan yin dide taidi nugopọntọ tomẹyitọ lẹ, mẹdehlan he to aigba-denamẹ ji lẹ, kavi hagbẹ whẹndo Bẹtẹli tọn lẹ. Gbọn azọ́nplọnmẹ yetọn yiyizan ganji dali, gbedewema-yitọ lẹ nọ gọalọ nado hẹnmẹ lodo bosọ hẹn titojininọ go to aigba-denamẹ lọ ji podọ to alahọ mẹ.

Ojlẹ: Osun atọ́n.

Nọtẹn: Nọtẹn Wepinplọn Watchtower tọn to Patterson, New York, États-Unis.

Klasi Giliadi tọn—Patterson, New York

Nubiọtomẹsi lẹ: Asu po asi po lẹ, mẹmẹsunnu po mẹmẹyọnnu tlẹnnọ lẹ po, he ko tin to sinsẹ̀nzọn whenu-gigọ́ tọn vonọtaun de mẹ lẹ. Mẹdehlan he to aigba-denamẹ ji bo ma ko yì wehọmẹ Giliadi tọn dai lẹ, gọna gbehosọnalitọ titengbe lẹ, hagbẹ whẹndo Bẹtẹli tọn lẹ, kavi nugopọntọ tomẹyitọ lẹ po asi yetọn lẹ po, sọgan yin oylọ-basina gbọn Wedegbẹ́ Alahọ tọn dali nado ze yinkọ dai. Mẹhe ze yinkọ dai lẹ dona sè bo nọ kàn Glẹnsigbe.

Ale lẹ: Lade po Monique po, asu po asi po de sọn États-Unis, he ko tin to azọ́ndenamẹ yetọn mẹ na owhe susu basi zẹẹmẹ he bọdego lẹ:

Lade dọmọ: “Wehọmẹ Giliadi tọn plọnazọ́n mí nado yì fidepope to aihọn lọ mẹ bo tin to gbesisọ mẹ nado wazọ́n dopọ hẹ mẹmẹsunnu vivẹ́ mítọn lẹ.”

Monique yidogọ dọmọ: “Dile n’to nuhe n’plọn to Ohó Jiwheyẹwhe tọn mẹ lẹ yí do yizan mẹ, n’nọ tindo ayajẹ daho to azọ́ndenamẹ ṣie mẹ. N’nọ mọdọ ayajẹ enẹ yin kunnudenu dọ Jehovah yiwanna mi.”

WEHỌMẸ LIZỌNYIZỌN AHỌLUDUTA TỌN

Lẹndai: Nado plọnazọ́n nugopọntọ lẹ, mẹho lẹ po devizọnwatọ lizọnyizọnwiwa tọn lẹ po nado penukundo azọngban anadenanu tọn po titobasinanu tọn yetọn lẹ po go. (Owalọ 20:28) Ninọmẹ, nuyiwa po nuhudo niyaniya tọn agun lẹ tọn po nọ yin hodọdeji. Wehọmẹ ehe nọ yin bibasi to owhe vude godo sọgbe hẹ nudide Hagbẹ Anademẹtọ lọ tọn.

Ojlẹ: To owhe agọe tọn lẹ mẹ, wehọmẹ ehe ma nọ tindo tedidi tangan de gba.

Nọtẹn: E nọ saba yin Plitẹnhọ Ahọluduta tọn he sẹpọ de kavi Plitẹnhọ Plidopọ tọn de.

Nubiọtomẹsi lẹ: Nugopọntọ lẹdo tọn wẹ nọ basi oylọna mẹho lẹ po devizọnwatọ lizọnyizọnwiwa tọn lẹ po. Alahọ wẹ nọ basi oylọna nugopọntọ tomẹyitọ lẹ.

Ale lẹ: “Wehọmẹ lọ, mahopọnna dọ e whè bo nọ to tlọlọ, e nọ dozolanmẹna mẹho lẹ nado hẹn ayajẹ yetọn go bo nọ zindonukọn to sinsẹ̀nzọn Jehovah tọn mẹ dile gbẹtọ de sọgan basi do. Mẹho yọyọ lẹ po whenu dindẹn tọn lẹ po nọ plọn nado yìn lẹngbọpa lọ po azọ́nyinyọnẹn po bo nọ tindo linlẹn dopolọ.”—Quinn.

“Azọ́nplọnmẹ ehe to jlẹkaji—e nọ yidogọna pinpẹn-nutọn-yinyọnẹn mítọn to gbigbọ-liho, bo nọ na mí avase gando owù lẹ go, bosọ nọ na mí ayinamẹ yọ́n-na-yizan lẹ nado yìn lẹngbọpa lọ.”—Michael.

WEHỌMẸ NA NUGOPỌNTỌ LẸDO TỌN LẸ PO ASI YETỌN LẸ PO *

Lẹndai: Nado gọalọna nugopọntọ lẹdo tọn lẹ nado yin azọ́nyọnẹntọ dogọ to agun lẹ didlapọn mẹ, nado “nọ wazọ́n sinsinyẹn to hodidọ po mẹpinplọn po mẹ,” podọ nado nọ yìn mẹhe tin to anademẹ yetọn glọ lẹ.—1 Tim. 5:17; 1 Pita 5:2, 3.

Ojlẹ: Osun dopo.

Nọtẹn: Alahọ wẹ nọ de filọ.

Nubiọtomẹsi lẹ: Alahọ wẹ nọ basi oylọna nugopọntọ lẹdo tọn lẹ po asi yetọn lẹ po.

Ale lẹ: “Pinpẹn-nutọn mítọn na tatọ́-yinyin Jesu tọn do titobasinanu lọ ji yin hinhẹn pọnte dogọ. Mí mọdọ mí dona nọ na tuli mẹmẹsunnu he mí to lizọnyina lẹ bo nọ hẹn pọninọ agun dopodopo tọn lodo dogọ. Wehọmẹ lọ sọ vọ́ zín in do ayiha mítọn mẹ dọ dile nugopọntọ tomẹyitọ lẹ tlẹ nọ na ayinamẹ bo tlẹ nọ wọhẹmẹ to whedelẹnu, yanwle yetọn tintan wẹ nado gọalọna mẹmẹsunnu lẹ nado mọdọ Jehovah yiwanna yé.”—Joel po Connie po, sọn klasi tintan 1999 tọn mẹ.

WEHỌMẸ NA HAGBẸ WEDEGBẸ́ ALAHỌ TỌN LẸ PO ASI YETỌN LẸ PO

Lẹndai: Nado gọalọna hagbẹ Wedegbẹ́ Alahọ tọn lẹ nado penukundo azọ́n anadenanu tọn go to owhé Bẹtẹli tọn lẹ gbè ganji, bo na ayidonugo whẹho sinsẹ̀nzọn tọn he gando agun lẹ go, bosọ penukundo lẹdo he tin to alahọ yetọn glọ lẹ go.—Luku 12:48b.

Ojlẹ: Osun awe.

Nọtẹn: Nọtẹn Wepinplọn Watchtower tọn to Patterson, New York.

Nubiọtomẹsi lẹ: Wedegbẹ́ Sinsẹ̀nzọn tọn Hagbẹ Anademẹtọ tọn wẹ nọ basi oylọna hagbẹ Wedegbẹ́ Alahọ tọn kavi Otò tọn lẹ po asi yetọn lẹ po.

Ale lẹ: Lowell po Cara po yì klasi 25tọ. Yé to sinsẹ̀n todin to Nigéria.

Lowell dọmọ: “E flinnu mi dọ mahopọnna lehe alọnu ṣie sọgan ján sọ kavi azọ́n he yin zizedo alọmẹ na mi, họnhungan lọ nado hẹn homẹhun Jehovah wẹ gbigbọnọ-yinyin ṣie.”

Cara flin oplọn de he e hẹnwa whé sọn wehọmẹ lọ dọmọ: “Eyin n’ma sọgan basi zẹẹmẹ nude tọn to aliho he họnwun mẹ, be n’dona plọnnu gando hosọ lọ go ganji whẹpo do plọn ẹn mẹdevo lẹ.”

^ huk. 63 Wehọmẹ ehe ma ko to yìyì to otò lẹpo mẹ.

^ huk. 84 Wehọmẹ ehe ma ko to yìyì to otò lẹpo mẹ.

^ huk. 105 Wehọmẹ ehe ma ko to yìyì to otò lẹpo mẹ.

A Gán Sọ Pọ́n Hosọ Ehelẹ

ATỌ̀HỌ̀-NUHIHỌ́ LỌ TỌN—ZINJẸGBONU OPLỌN TỌN

https://cms-imgp.jw-cdn.org/img/p/1102014256/univ/art/1102014256_univ_sqr_xl.jpg

Kunnudetọ Jehovah Tọn Lẹ

Azọ́npinplọn Lizọnyizọnwatọ Ahọluduta Tọn Lẹ

NUHE WETA LỌ BẸHẸN

“Yẹn to Onú Ehelẹ Dọ Kẹdẹdile Otọ́ lọ Plọn Mi Do”

Azọ́npinplọn Lizọnyizọnwatọ lẹ Nado Yin Wẹndagbe-Jlatọ

Azọ́npinplọn Mẹmẹsunnu lẹ Nado Penukundo Azọngban Vonọtaun lẹ Go

A Gán Sọ Pọ́n Hosọ Ehelẹ

‘Jla aliho towe do’ nado yinukọn to gbigbọ-liho

Gọalọna Mẹdevo lẹ Nado Yí Nugopipe Yetọn lẹ Zan to Gigọ́ Mẹ