ADÀ 8

Nuhe Biblu Dọdai lẹ Mọ Hẹndi

E ma yin otàn nugbo nuhe jọ wayi lẹ tọn kẹdẹ wẹ Biblu dọ gba, ṣigba e sọ dọ nuhe na wá jọ to sọgodo lẹ ga. Gbẹtọvi lẹ ma sọgan dọ nuhe na jọ to sọgodo. Enẹwutu wẹ mí do yọnẹn dọ Jiwheyẹwhe dè wẹ Biblu wá sọn. Etẹwẹ Biblu dọ gando sọgodo go?

E dọho gando awhàn daho Jiwheyẹwhe tọn go. To awhàn ehe mẹ, Jiwheyẹwhe na de ylanwiwa po gbẹtọ ylankan lẹpo po sẹ̀, ṣigba ewọ na basi hihọ́na mẹhe to sinsẹ̀n ẹn lẹ. Ahọlu dide Jiwheyẹwhe tọn lọ, Jesu Klisti, na hẹn ẹn diun dọ devizọnwatọ Jiwheyẹwhe tọn lẹ duvivi jijọho po ayajẹ po tọn, podọ yé ma nasọ jẹazọ̀n kavi kú gbede ba.

Homẹ mítọn na hùn taun eyin Jiwheyẹwhe hẹn paladisi yọyọ de wá aigba ji, kavi e ma yin mọ wẹ ya? Ṣigba, mí dona yí nude wà eyin mí jlo na nọgbẹ̀ to paladisi enẹ mẹ. To otàn godo tọn owe ehe tọn mẹ, mí na plọnnu gando nuhe mí dona wà nado duvivi onú jiawu he Jiwheyẹwhe zedo sẹdotẹnmẹ na mẹhe to sinsẹ̀n ẹn lẹ go. Enẹwutu, hia ADÀ 8tọ lọ nado yọ́n nuhe Biblu dọ gando sọgodo go.