To Gbigbọ-Liho
Hosọ tintan linlinwe ehe tọn dohia dọ mẹsusu nọ pọ́n Biblu di owe sinsẹ̀n tọn de he jẹna sisi. Biblu hihia po ayinamẹ etọn lẹ hihodo po nọ gọalọna yé nado dọnsẹpọ Jiwheyẹwhe bọ yé nọ yọ́n nuhewutu yé do togbẹ̀.
To Biblu mẹ, hogbe lọ “gbigbọnọ-yinyin” nọ yin zinzan nado dlẹnalọdo linlẹn kavi pọndohlan he nọ deanana gbẹzan mẹde tọn. (Juda 18, 19) Mẹhe ma nọ wà ojlo Jiwheyẹwhe tọn lẹ nọ ganjẹ linlẹn yetọn titi go, amọ́ mẹhe nọ wà ojlo Jiwheyẹwhe tọn lẹ nọ dike ewọ ni deanana yé.—Efesunu lẹ 5:1.
TODIDO
AYINAMẸ BIBLU TỌN: “Eyin hiẹ gbọjọ to ojlẹ tukla tọn mẹ, huhlọn towe ma na sọtẹ́n.”—Howhinwhẹn lẹ 24:10, nudọnamẹ odò tọn.
NUHE E ZẸẸMẸDO: Mẹhe gbọjọ gán nọma dohuhlọn depope nado doakọnna tukla gbẹ̀mẹ tọn lẹ. Amọ́, todido gán na mí adọgbigbo ma nado hònúpla. Todido nọ gọalọna mí nado mọdọ nuhahun mítọn lẹ ma na nọ aimẹ kakadoi bọ mí nọ yọnẹn dọ nulẹ na wá pọnte.
NUHE A GÁN WÀ: Nọ ze ayiha do nudagbe he sọgodo na hẹnwa lẹ ji. Kakati nado nọ to nuhà gando nuhe gán jọ lẹ go kavi to nukundo dọ nulẹ na wá yọ́n pete, nọ doafọna yanwle he a ko zedai lẹ. Nugbo wẹ dọ “ojlẹ po kosọ po” nọ wá. (Yẹwhehodọtọ 9:11) Amọ́ to ninọmẹ susu mẹ, nulẹ nọ wá pọnte taun hú nuhe mí to nukundo. Nado do ehe hia, Biblu yí apajlẹ glelilẹ tọn de zan dọmọ: “Do okún towe to afọnnu, podọ a dike alọ towe gbọjẹ kakajẹ whèjai blo; na hiẹ ma yọ́n dehe na tindo kọdetọn dagbe, vlavo ehe kavi diẹ, kavi vlavo awe lẹ wẹ na yọ́n.”—Yẹwhehodọtọ 11:6.
GBLỌNDO NA KANBIỌ TITENGBE GBẸ̀MẸ TỌN LẸ
AYINAMẸ BIBLU TỌN: “Na mi nukunnumọjẹnumẹ . . . Nugbo wẹ ohó towe.”—Salmu lẹ 119:144, 160.
NUHE E ZẸẸMẸDO: Biblu na gblọndo na kanbiọ he mẹsusu nọ kanse lẹ. Di apajlẹ, e na gblọndo na kanbiọ ehelẹ:
-
Fie wẹ mí wá sọn?
-
Naegbọn mí do togbẹ̀ taun?
-
Etẹwẹ nọ jọ do mí go to whenue mí kú?
-
Be le ján gbẹ̀ nọ fó do ya?
Lẹdo aihọn pé, gbẹtọ livi susu lẹ wẹ ko dín gblọndo Biblu tọn na kanbiọ ehelẹ po devo lẹ po bọ gbẹzan yetọn ko pọnte.
NUHE A GÁN WÀ: Ze afọdide lọ nado yọ́n nuhe Biblu plọnmẹ. Biọ alọgọ Kunnudetọ Jehovah tọn lẹ tọn nado mọnukunnujẹ Biblu mẹ. Yì nọtẹn Intẹnẹt tọn mítọn jw.org ji kavi yì opli mítọn he jlo we. Vọnu wẹ bọ mẹdepope wẹ gán yì.
AYINAMẸ BIBLU TỌN DEVO LẸ
Pọ́n video lọ Naegbọn Mí Dona Plọn Biblu? to jw.org ji. E tin to ogbè 880 linlán mẹ
YỌNẸN DỌ EMI TINDO NUHUDO GBIGBỌMẸ TỌN LẸ.
“Ayajẹnọ wẹ mẹhe yọnẹn dọ yé tindo nuhudo gbigbọmẹ tọn lẹ.”—MATIU 5:3.
PLỌNNU DOGỌ GANDO JIWHEYẸWHE HE YIN DOWATỌ BIBLU TỌN GO.
“Dín Jiwheyẹwhe . . . bo mọ ẹn nugbonugbo . . . Ewọ ma dẹn do dopodopo mítọn.”—OWALỌ LẸ 17:27.
NỌ HIA BO NỌ LẸNNUPỌNDO NUHE BIBLU DỌ LẸ JI.
“Osẹ́n Jehovah * tọn mẹ wẹ e nọ mọ awuvivi te, bo nọ to ayihamẹlẹnpọn do osẹ́n Etọn ji to okle po ozán po. . . . Nudepope he ewọ wà na nọ tindo kọdetọn dagbe.”—SALMU LẸ 1:2, 3, nudọnamẹ odò tọn.
^ huk. 23 Jehovah wẹ yinkọ Jiwheyẹwhe tọn dile Biblu dohia do.
A Gán Sọ Pọ́n Hosọ Ehelẹ
GBLỌNDO NA KANBIỌ SINAI DO BIBLU JI LẸ
Etẹwẹ Gbigbọnọ-Yinyin Zẹẹmẹdo? Be N’gán Yin Gbẹtọ Gbigbọnọ Eyin N’ma Tlẹ to Sinsẹ̀n de mẹ Ya?
Pọ́n ayinamẹ atọ̀n delẹ he gán gọalọna we nado wleawuna gbigbọnọ-yinyin po linlẹn agọ̀ ẹnẹ he gbayipe gandego lẹ po.
ATỌ̀HỌ̀-NUHIHỌ́ LỌ TỌN
Nawẹ Biblu Sọgan Hẹn Gbẹzan Ṣie Pọnte Dogọ Gbọn?
Owe hohowhenu etọn he bẹ ayinamẹ yọ́n-na-yizan lẹ hẹn.
