“Mẹlẹpo wẹ nọ do lẹnpọn sọn ojlẹ de mẹ jẹ devo mẹ, amọ́ lẹnpọn mẹ wẹ yẹn nọ te whelẹponu. E ma yin nuhahun dopo poun wẹ zọ́n, amọ́ ninọmẹ susu wutu wẹ; n’nọ to tuklajẹ mapote, podọ e ko yì owhe susu he n’to nukunpedo asu ṣie go na awutu gọna apọ̀nmẹ-zọ̀n he jẹ e te wutu.”—Yọnnu de he nọ yin Jill. a

“Asi ṣie jo mi do, bọ yẹn ṣo wẹ dona plọn ovi awe whẹ́n. E ma bọawu paali. N’ma ko dọ enẹ fó bọ azọ́n sọ gble do mi, podọ akuẹ ma to asi e nado jla mọto ṣie do. N’masọ yọ́n nue n’na wà ba. N’wá pò na lẹnpọn kẹdẹ. N’yọnẹn dọ e ma sọgbe dọ n’ma hù dee, enẹwutu n’gbọ bo dọna Jiwheyẹwhe dọ ni dike ma kú.” —Sunnu de he nọ yin Barry.