To egbehe, e bọawu taun nado yí owe, ladio, televiziọn po Intẹnẹt po do má nudọnamẹ hẹ gbẹtọ livi susu lẹ to ojlẹ kleun de gblamẹ. Amọ́, mẹhe nọ sẹ̀n “Jiwheyẹwhe nugbo tọn” lọ lẹ ma nọ fúnfún nudọnamẹ lalo lẹ pé, etlẹ yin to mayọnẹn mẹ. (Slm 31:5; Eks 23:1) Nudọnamẹ lalo lẹ fúnfúnfún pé gán hẹn awugble susu wá. Nado yọnẹn eyin nudọnamẹ de yin nugbo, nọ kanse dewe dọ:

• ‘Be yè gán dejido asisa he mẹ e wá sọn go ya?’ Vlavo nuhe dọ mẹlọ te ma do dodonu. To paa mẹ, ohó nọ diọ janwẹ to whenue otó de sè bo dọna otó devo, enẹwutu nọ payi eyin a ma yọ́n nuhe lẹdo ohó de. To whenuena e yindọ mẹhe tindo azọngban to agun mẹ lẹ nọ yin pinpọnhlan di asisa dejidego lẹ, nujọnu wẹ e yindọ yé ni nọ payi taun ma nado hẹn nudọnamẹ he ma do dodonu lẹ gbayipe

• ‘Be ohó mẹhẹngble tọn wẹ ya?’ Eyin e na kọnmasin domẹgo, e na yọ́n hugan ma nado fúnfún in pé.—Hwh 18:8; Flp 4:8

• ‘Be yè gán yí ohó lọ sè ya?’ Nọ nọ̀ aṣeji to whenue a sè otàn he nọ hẹn awujimẹ lẹ

PỌ́N VIDEO LỌ NAWẸ N’GÁN DOALỌTENA MẸNUDIDỌ GBỌN?, ENẸGODO NA GBLỌNDO NA KANBIỌ HE BỌDEGO LẸ:

• Sọgbe hẹ Howhinwhẹn lẹ 12:18, obá tẹ mẹ wẹ hogbe lẹ gán gbleawunamẹ jẹ?

• Nawẹ Filipinu lẹ 2:4 na gọalọna mí nado nọ yọ́n nuhe mí na dọ gando mẹdevo lẹ go gbọn?

• Etẹwẹ mí dona nọ wà to whenue hodọdopọ de jlo na biọ mẹṣanko kavi homọdọdomẹgo mẹ?

• Kanbiọ tẹlẹ wẹ mí dona nọ kanse míde whẹpo do jẹ ohó mẹde tọn dọ ji?