Numimọ he Ezekiẹli mọ gando tẹmpli go lọ na tuli Ju he yin bibẹ yì kanlinmọgbenu lẹ, na e na yé todido dọ sinsẹ̀n-bibasi wiwe-ṣeke na yin hinhẹngọwa. To azán godo tọn ehelẹ mẹ, sinsẹ̀n-bibasi wiwe-ṣeke ko “yin hinhẹn lodo gligli to aga pete osó lẹ tọn,” podọ mílọsu tin to mẹhe wá sọn akọta lẹpo mẹ bo ko wọ̀ wá e ji lẹ mẹ. (Isa 2:2) Be a nọ lẹnnupọndo lẹblanulọkẹyi he a tindo nado yọ́n Jehovah bo nọ sẹ̀n ẹn ji to gbesisọ mẹ ya?

• Núdùdù gbigbọmẹ tọn susugege he nọ na gblọndo na kanbiọ titengbe gbẹ̀mẹ tọn lẹ, nujinọtedo yọ́n-na-yizan he yè dona nọgbẹ̀ sọgbe hẹ lẹ, gọna todido nujọnu tọn de.​—Isa 48:17, 18; 65:13; Lo 15:4

• Pipli mẹmẹsunnu lẹ tọn lẹdo aihọn pé de he nọ do owanyi hia.​—Slm 133:1; Joh 13:35

• Lẹblanulọkẹyi lọ nado yin azọ́nwatọ hatọ Jiwheyẹwhe tọn lẹ to azọ́n pekọ hẹnwanamẹ tọn de mẹ.​—Ow 20:35; 1Kọ 3:9

• “Jijọho Jiwheyẹwhe tọn” he nọ na mí huhlọn to nuhahun lẹ whenu.​—Flp 4:6, 7

• Ayihadawhẹnamẹnu wiwe de.​—2Ti 1:3

• ‘Họntọnjiji pẹkipẹki hẹ Jehovah.’​—Slm 25:14

Aliho tẹlẹ mẹ wẹ n’sọgan dohia te dọ n’nọ yọ́n pinpẹn sinsẹ̀n-bibasi wiwe-ṣeke tọn?