Mẹsusu wẹ tin to agun mítọn mẹ he ko sẹ̀n Jehovah na owhe susu lẹ. Mí gán plọnnu sọn aliho he mẹ yé ganjẹ Jehovah go te mẹ. Mí gán kanhose yé gando otàn titobasinanu Jehovah tọn go gọna lehe Jehovah gọalọna yé nado duto avùnnukundiọsọmẹnu lẹ ji do. Mí tlẹ sọgan ylọ dopo to mẹvivẹ enẹlẹ mẹ wá sinsẹ̀n-bibasi whẹndo tọn mítọn nado duvivi numimọ etọn tọn.

Eyin Klistiani numimọnọ de wẹ a yin, nọ voawu nado má numimọ towe hẹ Klistiani jọja lẹ. Jakọbu po Josẹfu po má numimọ yetọn lẹ hẹ ovivi yetọn lẹ. (Jen 48:21, 22; 50:24, 25) To nukọn mẹ, Jehovah na anademẹ tatọ́ whẹndo tọn lẹ nado nọ plọnnu ovi yetọn lẹ gando azọ́njiawu etọn lẹ go. (De 4:9, 10; Slm 78:4-7) To egbehe, mẹjitọ lẹ po mẹdevo lẹ po to agun mẹ sọgan nọ dọ onú dagbedagbe he yé ko mọ bọ Jehovah wà gbọn titobasinanu etọn gblamẹ lẹ na jọja lẹ.

PỌ́N VIDEO LỌ MÍ HẸN PỌNINỌ GO TO ALỌHẸNDOTENAMẸ GLỌ, ENẸGODO NA GBLỌNDO NA KANBIỌ HE BỌDEGO LẸ:

• Nawẹ alahọ Autriche tọn gọalọna mẹmẹsunnu mítọn lẹ gbọn to whenue azọ́n mítọn yin alọhẹndotena to otò delẹ mẹ?

• Nawẹ mẹmẹsunnu he to otò enẹlẹ mẹ hẹn yise yetọn go gbọn?

• Naegbọn wẹnlatọ susu do klan sọn titobasinanu Jehovah tọn go to Roumanie, podọ nawẹ yé lẹkọwa gbọn?

• Nawẹ numimọ ehelẹ hẹn yise towe lodo gbọn?