Lẹdo aihọn pé, mẹsusu wẹ to oyà singigọ he to nuhẹngble lẹ tọn ji. Pọ́n linlin he bọdego lẹ:

•   “To azán he wayi lẹ mẹ, jikun sinsinyẹn he nkọ ma ko ja sọn nudi owhe 140 die gbọ́n wẹ hẹn singigọ daho de wá tatọ́-tònọ Chine tọn . . . to samedi jẹ mecredi.”—Linlin he AP News na to 2 août 2023.

•   “To azán he bọdego gbè to jeudi, jẹhọn ahizi Khanun hẹn jikun sinsinyẹn nado ja to hùwaji Japon tọn, podọ jẹhọn sinsinyẹn de yìn bọ e whè gbau omẹ awe wẹ kú. . .  Eyin yujẹhọn enẹ yìn janwẹ, jikun sinsinyẹn he na ja na zọ́n bọ osin na yiaga sọ nudi mẹtlu daa to lẹdo osó tọn he to ṣẹnṣẹn otò Taïwan tọn mẹ.”—Sọgbe hẹ Deutsche Welle 3 août 2023 tọn.

•   “To Nouvelle-Écosse, jikun sinsinyẹn he nkọ ma ko ja sọn owhe 50 die wẹ hẹn singigọ sẹfifo he wayi tọn wá aimẹ to lẹdo he to huto Canada tọn lẹ mẹ.”—Sọgbe hẹ BBC News 24 juillet 2023 tọn.

 Etẹwẹ Biblu dọ gando nujijọ enẹlẹ go?

 Biblu dohia dọ mí to gbẹ̀nọ to ojlẹ de he yin yiylọdọ “azán godo tọn lẹ” mẹ. (2 Timoti 3:1) Jesu dọ dọdai dọ to ojlẹ mítọn mẹ, mí na mọ “nujijọ dobu lẹ,” kavi nujijọ he na hẹnmẹ jọsi lẹ. (Luku 21:11) Ninọmẹ aimẹ tọn he nọ diọ to ajiji mẹ ko zọ́n bọ nugbajẹmẹji enẹlẹ nọ wá aimẹ whẹwhẹ whenue yè ma donukun yetọn podọ yé sọ nọ hẹnnugble taun.

 Biblu dohia dọ nujijọ dobu susu he nọ wá aimẹ to egbehe lẹ nọ na mí todido na nugbo tọn. Etẹwutu? Jesu dọmọ: “To whenue mì mọ onú ehelẹ to jijọ, mì ni yọnẹn dọ Ahọluduta Jiwheyẹwhe tọn ko sẹpọ.”—Luku 21:31; Matiu 24:3.

 Nujijọ he mí to mimọ to egbehe lẹ yin kunnudenu lọ dọ, to madẹnmẹ Ahọluduta Jiwheyẹwhe tọn na jẹ anadena ninọmẹ aimẹ tọn ji to gigọ́ mẹ, kakajẹ lilẹpe osin tọn ji.—Jobu 36:27, 28; Salmu lẹ 107:29.

 Nado plọnnu dogọ gando lehe Ahọluduta Jiwheyẹwhe tọn na vọ́ ninọmẹ aigba tọn jlado do go, pọ́n hosọ lọ “Mẹnu Wẹ Na Jla Aigba Do?”