MÌ NỌ TO AṢEJI!
Todido Tintindo to 2024—Etẹ Biblu Dọ?
Mẹsusu wẹ nọ lẹndọ pọngbọ depope ma na tin na nuhahun he aihọn lọ na pehẹ to 2024 lẹ. Etomọṣo mí sọgan mọ todido yí gando sọgodo go. To fitẹ?
Biblu na mí todido
Biblu dopà dọ Jiwheyẹwhe na hẹn pọngbọ wá na nuhahun he nọ zọ́n bọ mí gán nọ mọdọ gbẹzan mítọn ma tindo todido depope to egbehe lẹ. To madẹnmẹ, Jiwheyẹwhe ‘na súnsún dasin lẹpo sẹ̀ sọn nukun mítọn mẹ, okú ma nasọ tin ba, mọjanwẹ aluẹmẹninọ kavi avi kavi awufiẹsa ma nasọ tin ba.’—Osọhia 21:4.
Nado plọnnu dogọ gando opagbe he Biblu do na sọgodo go, hia hosọ lọ “Todido Tin Dọ Osọ Na Yọ́n.”
Lehe Biblu sọgan gọalọna we todin do
Biblu nọ namẹ todido gando sọgodo go podọ ehe sọgan gọalọna we nado duto numọtolanmẹ agọ̀ lẹ ji bosọ hẹn pọndohlan dagbe de go. (Lomunu lẹ 15:13) Ayinamẹ yọ́n-na-yizan Biblu tọn lẹ sọgan gọalọna we nado duto nuhahun he a gán pehẹ todin lẹ ji, taidi ohẹ́n, whẹdida mawadodo po azọ̀n po.
Pọ́n lehe todido he Biblu nọ namẹ gọalọna dawe de nado tindo jijọho po ayajẹ po do mahopọnna dọ ohẹ́n mẹ wẹ e yin pinplọn whẹ́n te. Pọ́n video lọ Juan Pablo Zermeño: Jehovah Na Mi Lẹndai Dagbe de to Gbẹ̀mẹ.
Gbadopọnna lehe Biblu gán gọalọna we nado duto numọtolanmẹ whẹhuhu tọn, awubla po magbọjẹ po ji do podọ to whenue mẹvivẹ de kú do we. Hia hosọ lọ “La Bible peut-elle m’apporter du réconfort ?”
Pọ́n lehe nawe awhànfuntọ numimọnọ de he dọ gando ede go dọ emi “yin hùnylantọ bo ma do numọtolanmẹ depope” wá tindo todido na nuhe e plọn to Biblu mẹ lẹ wutu do. Pọ́n video lọ N’Jo Osò Hinhẹn Do.
Dike 2024 ni yin owhe dagbe de na hiẹ po whẹndo towe po. Plọn nususu dogọ gando lehe Biblu gán gọalọna we do go. Tẹ́n tito Biblu pinplọn tọn mítọn pọ́n vọnu. Plọn lehe Jiwheyẹwhe gán na we “linlẹn jijọho tọn lẹ” todin gọna “sọgodo dagbe de po todido de po” do.—Jelemia 29:11.
A Gán Sọ Pọ́n Hosọ Ehelẹ
GBLỌNDO NA KANBIỌ SINAI DO BIBLU JI LẸ
Jijọho to Aigba Ji—Nawẹ E Na Wá Gbọn?
Plọnnu gando lehe Jiwheyẹwhe dopagbe nado hẹn jijọho wá aihọn mẹ gbọn Ahọluduta etọn gblamẹ do go.
ZẸẸMẸ WEFỌ BIBLU TỌN LẸ TỌN
Zẹẹmẹ Lomunu lẹ 15:13 tọn—“Jiwheyẹwhe Otódo Tọn Ni Yí Ayajẹ po Jijọho Lẹpo po Do Gọ́ Mì”
Nawẹ ayajẹ po jijọho po do kanṣiṣa hẹ todido po gbigbọ wiwe po gbọn?
NUPLỌNMẸ TANGAN BIBLU TỌN LẸ
Naegbọn Jiwheyẹwhe Do Dá Aigba?
Nudida he yọnwhanpẹ lẹ kẹdẹ wẹ gọ́ aigba ji. E tin to fie e jẹ dọ ni nọ do owhè pẹpẹ, bo dẹ́ do lehe e jẹ do bosọ nọ lilẹ́ jẹ obá he sọgbe pẹpẹ mẹ. Naegbọn Jiwheyẹwhe do dovivẹnu sọmọ nado dá aigba?
FỌ́N!
Aihọn de He to Bẹwlu Mẹ—Ma Nọ Lẹndọ Emitọn Ko Fó Blo
Biblu gán gọalọna mí nado jugbọn ojlẹ he kàn dẹpẹ biọ lẹ mẹ. E sọ dohia dọ sọgodo-jọ-sọgodo de to tepọn mí.
YỌ́N MÍ DOGỌ
Biọ Dọ Kunnudetọ de Ni Wá Dla We Pọ́n
Dọhodo kanbiọ sinai do Biblu ji de ji, kavi plọnnu dogọ gando Kunnudetọ Jehovah tọn lẹ go.
