Salmu 70:1-5
-
Alọgọ niyaniya tọn yin bibiọ
-
“Yawu yinuwado ota ṣie mẹ” (5)
-
Na anademẹtọ hànjitọ lẹ tọn. Ohàn Davidi tọn, nado flinnumẹ.*
70 Jiwheyẹwhe E, whlẹn mi;Jehovah E, yawu wá gọalọna mi.+
2 Gbọ mẹhe to okú ṣie* dín lẹNi duwinyan bo jẹflumẹ.
Na mẹhe nọ mọ awuvivi to nugbajẹmẹji ṣie mẹ lẹNi joagọ po winyan po.
3 Gbọ yé he to didọ dọ: “Ẹn hẹn! Ẹn hẹn!” lẹNi yin yinyan lẹkọ po winyan po.
4 Ṣigba, na mẹhe to dindin we lẹNi nọ jẹaglin bo nọ jaya to hiẹ mẹ.+
Na mẹhe yiwanna azọ́n whlẹngán tọn towe lẹ ni nọ dọ to whepoponu dọmọ:
“Jiwheyẹwhe ni yin gigopana!”
5 Ṣigba, agbátọnọ podọ wamọnọ de wẹ yẹn;+Jiwheyẹwhe E, yawu yinuwado ota ṣie mẹ.+
Hiẹ wẹ alọgọtọ po whlẹngántọ ṣie po;+Jehovah E, a dọngbàn blo.+
