2 Samuẹli 22:1-51
22 Davidi sọ pà hogbe ohàn+ ehe tọn lẹ hlan Jehovah to azán he gbè Jehovah whlẹn ẹn sọn alọ kẹntọ etọn lẹpo tọn mẹ+ podọ sọn alọ Sauli tọn mẹ.+
2 E dọmọ:
“Jehovah wẹ awinyan po figángán ṣie po,+ podọ Ewọ wẹ nọ whlẹn mi gán.+
3 Jiwheyẹwhe ṣie wẹ osé ṣie,+ mẹhe mẹ yẹn nọ dín fibẹtado te,Awọ̀yinu ṣie+ po azò* whlẹngán ṣie tọn* po, yèdọ fibẹtado he tindo hihọ́*+ de na miPodọ bẹtẹn ṣie he n’nọ họ̀n whlá do,+ whlẹngántọ ṣie;+ hiẹ mẹhe nọ whlẹn mi sọn danuwiwa mẹ.
4 Yẹn dawhá ylọ Jehovah, yèdọ mẹhe jẹna pipà,Yẹn nasọ yin whinwhlẹngán sọn kẹntọ ṣie lẹ si.
5 Agbówhẹn okú tọn lẹ ko gbaṣinyọ́n mi lẹdo pé;+Nuvọ́nọ lẹ to budona mi taidi singigọ he to zingidi ji.+
6 Okàn Yọdò* tọn lẹ lẹdo mi pé;+
Yẹn pannukọn omọ̀ okú tọn lẹ.+
7 To ayimajai ṣie mẹ, yẹn dawhá ylọ Jehovah,+Yẹn to awhádo ylọ Jiwheyẹwhe ṣie.
Ewọ sọ sè ogbè ṣie sọn tẹmpli etọn mẹ,Awhágbe ṣie na alọgọ sọ jẹ otó etọn mẹ.+
8 Aigba sọ jẹ whinwhàn ji bosọ to sisọsisọ yigodo yinukọn;+
Dodonu olọn tọn lẹ sọ sisọ+
Bo to whinwhàn yigodo yinukọn, na yè ko hẹn homẹgble e wutu.+
9 Azọ̀ tì sọn awọntinslo etọn lẹ mẹ,Podọ miyọ́n nuvasudotọ de tọ́n sọn onù etọn mẹ;+Akán miyọ́nawu lẹ sọ wá sọn e dè.
10 Ewọ hẹn olọn lẹ nado dẹ́, dile e to tejẹ,+Zinvlu gọ́ngọ́n sọ tin to afọ etọn lẹ glọ.+
11 E hẹ kelubimi+ de ji bo zlọn wá.
Ewọ yin mimọ to awà nudida gbigbọnọ de+ tọn* lẹ ji.
12 Enẹgodo, e yí zinvlu do basi bẹtẹn de lẹdo ede pé,+To osin he dózin lẹ po aslọ titli lẹ po mẹ.
13 Hinhọ́n he to nukọn etọn mẹ wẹ akán he to jiji lẹ nọ wá sọn.
14 Whenẹnu, ogbè Jehovah tọn jẹ núdọ ji sọn olọn mẹ taidi hẹviosò;+Gigogán lọ hẹn ogbè etọn nado yin sisè.+
15 E de ogá etọn lẹ+ bo gbà yé do;Abì gbòdlán, bọ e hẹn yé biọ bẹwlu mẹ.+
16 Ohù-sabọ yin mimọ;+Nugbẹnamẹ Jehovah tọn hùngona dodonu aigba tọn lẹ,Gbọn huhlọn gbọfufu he nọ tọ́n sọn awọntinslo etọn lẹ mẹ tọn dali.+
17 Ewọ dlẹnalọ etọn sọn aga wá odò;E sọ hẹn go e bosọ dọ̀n mi sọn otọ̀ he siso mẹ.+
18 E whlẹn mi sọn kẹntọ huhlọnnọ ṣie si,+Yèdọ sọn mẹhe gbẹwanna mi bo dohuhlọn hugan mi lẹ si.
19 Yé fọ́n do ji e to azán nugbajẹmẹji ṣie tọn gbè,+Ṣigba, Jehovah gọalọna mi.
20 E de mi tọ́n bo ze mi do hihọ́tẹn* de;+E whlẹn mi gán, na homẹ etọn hùn do go e.+
21 Jehovah nọ suahọ mi sọgbe hẹ dodowiwa ṣie;+Ewọ nọ suahọ mi sọgbe hẹ homẹvọnọ-yinyin* ṣie.+
22 Na yẹn ko gbọṣi aliho Jehovah tọn lẹ ji,Bo ma ko jo Jiwheyẹwhe ṣie do gbọn nuylankan de wiwà dali.
23 Whẹdida etọn lẹpo+ wẹ to nukọn ṣie;Yẹn ma na lẹhlan apadopo sọn osẹ́ndoai etọn lẹ kọ̀n.+
24 Yẹn na yin madoblọnọ+ to nukọn etọn,Bo na nọ họ́ dee ma nado ṣinuwa.+
25 Na Jehovah ni suahọ mi sọgbe hẹ dodowiwa ṣie,+Yèdọ sọgbe hẹ homẹvọnọ-yinyin ṣie to nukọn etọn.+
26 Na mẹhe yin nugbonọ, hiẹ nọ yinuwa po nugbonọ-yinyin po;+Na sunnu huhlọnnọ he madoblọ, hiẹ nọ yinuwa matin oblọ;+
27 Na mẹhe yin wiwe, hiẹ nọ do dewe hia di wiwe,+Ṣigba, na ayiha gbíngbánnọ, hiẹ nọ do dewe hia di zinzintọ.*+
28 Na hiẹ nọ whlẹn whiwhẹnọ lẹ gán,+Ṣigba, nukun towe lẹ jẹagọdo saklanọ lẹ, bọ hiẹ nọ zín yé do odò.+
29 Na hiẹ wẹ miyọ́ngbán ṣie, Jehovah E;+Jehovah wẹ nọ diọ zinvlu zun hinhọ́n na mi.+
30 Po alọgọ towe po wẹ yẹn sọgan fọ́n do ogbẹ́ jaguda lẹ tọn ji;Po huhlọn Jiwheyẹwhe tọn po wẹ yẹn sọgan lọ́n dasá adó.+
31 Pipé wẹ aliho Jiwheyẹwhe nugbo lọ tọn;+Wiwe wẹ ohó Jehovah tọn.+
Ewọ wẹ awọ̀yinu de na mẹhe nọ dín fibẹtado to ewọ mẹ lẹpo.+
32 Na mẹdevo tẹwẹ sọ yin Jiwheyẹwhe gbọnvona Jehovah?+
Mẹnu wẹ sọ yin osé de gbọnvona Jiwheyẹwhe mítọn?+
33 Jiwheyẹwhe nugbo lọ wẹ fibẹtado gángán ṣie,+Ewọ nasọ hẹn aliho ṣie zun pipé.+
34 E nọ hẹn afọ ṣie lẹ bikan di agbanlin de tọn;E sọ nọ hẹn mi ṣite to fihe yiaga lẹ.+
35 Ewọ nọ plọn awhànfunfun alọ ṣie lẹ;Awà ṣie lẹ sọgan dlẹn ogá he yè yí gànvẹẹ do basi.
36 Hiẹ na mi awọ̀yinu mẹwhlẹngán tọn towe,Podọ whiwhẹ towe nọ ze mi daga.+
37 Hiẹ hẹn ali lọ gblo na afọ ṣie lẹ;Afọ* ṣie lẹ ma na dídí.+
38 Yẹn na dómọna kẹntọ ṣie lẹ bo na và yé sudo;Yẹn ma na lẹkọ kaka yé nado yin kúnsúdona.
39 Yẹn nasọ sukúndona yé bo gídí yé sọmọ bọ yé ma nasọ fọnṣite ba;+Yé na jai to afọ ṣie lẹ glọ.
40 Hiẹ na na mi huhlọn na awhàn;+Hiẹ na hẹn kẹntọ ṣie lẹ họ́jai to oglọ ṣie.+
41 Hiẹ na hẹn kẹntọ ṣie lẹ nado họ̀n to nukọn ṣie;*+Yẹn nasọ và* mẹhe gbẹwanna mi lẹ sudo.+
42 Yé nọ dawhá na alọgọ, ṣigba mẹdepope ma tin nado whlẹn yé;Yé tlẹ nọ dawhá ylọ Jehovah, ṣigba e ma nọ siọ yé.+
43 Yẹn na lì yé pọ́dọ́pọ́dọ́ di kọ́gudu aigba ji tọn;Yẹn na gbà yé hányán bo tùnafọ yé ji taidi ogbọ̀n to tòhomẹ-liho lẹ ji.
44 Hiẹ na whlẹn mi sọn aklọ̀n-dindin omẹ ṣie lẹ tọn si.+
Hiẹ na basi hihọ́na mi nado yin nukọntọ akọta lẹ tọn;+Mẹhe yẹn ma yọnẹn lẹ na nọ wadevizọn na mi.+
45 Jonọ lẹ na nọ wá nukọn ṣie po sisọsisọ po;+Nuhe yé sè gando go e na nọ hẹn yé nado setonuna mi.*
46 Adọgbigbo na vọ̀ do jonọ lẹ;Yé na tọ́n wá sọn figángán yetọn lẹ po sijọsijọ po.
47 Jehovah togbẹ̀! Pipà hlan Osé ṣie!+
Mì gbọ Jiwheyẹwhe osé whlẹngán ṣie tọn ni yin zizedaga.+
48 Jiwheyẹwhe nugbo lọ nọ yiahọsu do ota ṣie mẹ;+E nọ hẹn gbẹtọ lẹ zun mẹmẹglọ to afọ ṣie lẹ glọ;+
49 E nọ whlẹn mi sọn kẹntọ ṣie lẹ si.
Hiẹ nọ ze mi daga+ hú mẹhe tọ́navùn mi lẹ;Hiẹ nọ whlẹn mi sọn danuwatọ lọ si.+
50 Enẹ wẹ zọ́n bọ yẹn na nọ dopẹna we to akọta lẹ ṣẹnṣẹn, Jehovah E,+Yẹn nasọ nọ jihàn pipà tọn lẹ do pà oyín towe:+
51 E nọ wazọ́n whlẹngán tọn daho* lẹ na ahọlu etọn;+E nọ do owanyi nugbo hia mẹyiamisisadode etọn,Yèdọ na Davidi po kúnkan* etọn po kakadoi.”+
Nudọnamẹ Odò Tọn
^ Kavi “whlẹngántọ huhlọnnọ ṣie.”
^ Kavi “ofi yiaga he tindo hihọ́.”
^ Kavi “awà jẹhọn tọn.”
^ Kavi “fihe gblo.”
^ To paa mẹ, “wiwe-yinyin.”
^ Kavi vlavo, “nọ yinuwa taidi to aliho nulú tọn mẹ.”
^ Kavi “Afọgómẹ.”
^ Kavi “Hiẹ na hẹn mi nado mọ nẹgbé kẹntọ ṣie lẹ tọn.”
^ Kavi “bọnùdo na.”
^ To paa mẹ, “Yé na nọ setonuna mi sọgbe hẹ nuhe otó yetọn sè.”
^ Kavi “nọ gbawhàn dahodaho.”
^ To paa mẹ, “okún.”
