1 Ahọlu lẹ 2:1-46
2 Whenue okú Davidi tọn sẹpọ, e na anademẹ ehelẹ visunnu etọn Sọlomọni dọmọ:
2 “Yẹn na kú to madẹnmẹ.* Enẹwutu, yin huhlọnnọ+ bo do dewe hia di sunnu.+
3 A dona setonuna nubiọtomẹsi Jehovah Jiwheyẹwhe towe tọn lẹ gbọn zọnlinzinzin to aliho etọn lẹ ji dali bo nọ setonuna osẹ́ndoai, gbedide, whẹdida po nuflinmẹ etọn lẹ po dile yé yin kinkandai to Osẹ́n Mose tọn mẹ do;+ whenẹnu, hiẹ na tindo kọdetọn dagbe* to nuhe wà a te lẹpo mẹ podọ to fidepope he a yì.
4 Jehovah nasọ hẹn opagbe he e do gando go e lọ di dọmọ: ‘Eyin visunnu towe lẹ payi aliho yetọn go gbọn ahun po alindọn* yetọn lẹpo po yíyí do zinzọnlin po nugbonọ-yinyin po to nukọn ṣie dali,+ sunnu he na wá sọn kúnkan towe mẹ* nado sinai to ofìn Islaeli tọn ji ma na hán gbede.’+
5 “Hiẹ sọ yọ́n nuhe Joabi visunnu Zeluia tọn wà na mi ganji, nuhe e wà na awhàngán Islaeli tọn awe—yèdọ Abneli+ visunnu Neli tọn po Amasa+ visunnu Jetẹli tọn po. E hù yé bo sọ̀n ohùn+ awhàn tọn dai to ojlẹ jijọho tọn mẹ, e sọ hẹn ohùn awhàn tọn wá gbànnú he to alinmẹ na ẹn po afọpa he to afọ na ẹn po go.
6 Hiẹ dona yinuwa sọgbe hẹ nuyọnẹn towe bo ma na dike ewọ ni hẹn owhà etọn lẹ jẹte yì Yọdò* mẹ to jijọho mẹ.+
7 “Ṣigba, hiẹ dona do owanyi nugbo hia visunnu Balzilai+ Giliadinu lọ tọn lẹ, podọ yé dona tin to mẹhe nọ dùnú to tafo towe ji lẹ mẹ, na mọ wẹ yé gọalọna mi+ do to whenue n’họnyi sọn nọvisunnu towe Absalọmi nukọn.+
8 “Ṣimei visunnu Gela Bẹnjamininu lọ tọn he wá sọn Bahulimi sọ tin to dè we ga. Ewọ wẹ yí zungbe ylankan de do zun mi+ to gbeegbe n’jei Mahanaimi;+ ṣigba whenue e jẹte wá pé mi to Jọdani, n’yí Jehovah do whlé na ẹn dọ: ‘Yẹn ma na yí ohí do hù we gba.’+
9 Todin, a jo e do matin yasanamẹ blo,+ na nuyọnẹntọ wẹ hiẹ bọ a sọ yọ́n nuhe a dona wà na ẹn; hiẹ dona hẹn owhà etọn lẹ jẹte yì Yọdò* mẹ po ohùn po.”+
10 Enẹgodo, Davidi yin hinhẹn nado mlọnai hẹ tọgbo etọn lẹ bo yin dìdì do Tòdaho Davidi tọn+ mẹ.
11 Owhe 40 wẹ Davidi do dugán do Islaeli ji. E dugán to Heblọni+ na owhe 7, podọ e dugán to Jelusalẹm na owhe 33.+
12 Sọlomọni sọ sinai to ofìn Davidi otọ́ etọn tọn ji, bọ gandudu etọn wá yin hinhẹn lodo gligli vudevude.+
13 To nukọn mẹ, Adonija visunnu Hagiti tọn wá Bati-ṣeba he yin onọ̀ Sọlomọni tọn dè. Yọnnu lọ kanse e dọmọ: “Jijọho wẹ a do wáfi ya?” E sọ gblọn dọmọ: “Jijọho wẹ.”
14 Enẹgodo, e dọmọ: “Ohó de wẹ n’jlo na dọna we.” Yọnnu lọ sọ dọmọ: “Dọho.”
15 E zindonukọn dọmọ: “Hiẹ yọnẹn ganji dọ yẹn wẹ dona ko duahọlu, podọ Islaeli pete wẹ to nukundo* dai dọ yẹn ni lẹzun ahọlu;+ amọ́ gánzinpo lọ gbọ go e bo wá lẹzun nọvisunnu ṣie tọn, na Jehovah wẹ jlo bọ e do lẹzun etọn.+
16 Ṣigba, onú dopo gee wẹ n’jlo na biọ we din. A tẹ̀ ẹ mi blo.” Enẹwutu, yọnnu lọ dọmọ: “Dọho.”
17 Ewọ sọ dọmọ: “Jaale, biọ to Sọlomọni ahọlu lọ si nado na mi Abiṣagi+ Ṣunẹminu lọ taidi asi—na ewọ ma na tẹ̀ ẹ we.”
18 Bati-ṣeba sọ gblọnna ẹn dọmọ: “Eyọn! N’na dọhona ahọlu do ota towe mẹ.”
19 Enẹwutu, Bati-ṣeba biọ họmẹ yì Ahọlu Sọlomọni dè nado dọhona ẹn do Adonija tamẹ. Ahọlu sọ fọ́n to afọdopolọji nado pé e bo dẹ́ do odò na ẹn. Enẹgodo, e sinai do ofìn etọn ji bo biọ dọ ofìn de ni yin hinhẹnwa na onọ̀ ahọlu tọn, na ewọ nido sinai to adusilọ etọn mẹ.
20 Bati-ṣeba sọ dọmọ: “Onú kleun de wẹ n’jlo na biọ we. A tẹ̀ ẹ mi blo.” Ahọlu sọ dọna ẹn dọmọ: “Onọ̀ ṣie, basi obiọ towe; na yẹn ma na tẹ̀ ẹ we.”
21 Ewọ sọ dọmọ: “Gbọ Abiṣagi Ṣunẹminu lọ ni yin nina nọvisunnu towe Adonija di asi.”
22 To whenẹnu, Ahọlu Sọlomọni gblọnna onọ̀ etọn dọmọ: “Naegbọn a do to Abiṣagi Ṣunẹminu lọ biọ na Adonija? A na ko biọ gánzinpo lọ na ẹn ga,+ na mẹdaho ṣie wẹ ewọ+ bọ Abiatali yẹwhenọ lọ po Joabi+ visunnu Zeluia tọn po sọ to godona ẹn.”+
23 Enẹwutu, Ahọlu Sọlomọni yí Jehovah do whlé dọmọ: “Jiwheyẹwhe ni sayana mi sinsinyẹn eyin e ma yin ogbẹ̀* edetiti tọn wẹ Adonija zedo owù mẹ gbọn obiọ ehe bibasi dali.
24 Podọ, dile Jehovah togbẹ̀, mẹhe ko hẹn mi lodo gligli+ to ofìn Davidi otọ́ ṣie tọn ji bo ko sọ basi owhé* de na mi,+ kẹdẹdile e ko dopagbe etọn do, Adonija na yin hùhù+ to egbé.”
25 To afọdopolọji, Ahọlu Sọlomọni do Bẹnaia+ visunnu Jehoiada tọn hlan, bọ e tọ́nyi bo linú Adonija* bọ e kú.
26 Ahọlu sọ dọna Abiatali+ yẹwhenọ lọ dọmọ: “Yì ogle towe lẹ mẹ to Anatọti!+ Okú wẹ hiẹ jẹna, amọ́ yẹn ma na hù we to egbé, na hiẹ wẹ hẹn Apotin Oklunọ Nupojipetọ Jehovah tọn to Davidi otọ́ ṣie+ nukọn podọ na hiẹ ko jiya hẹ otọ́ ṣie to nuhahun etọn lẹpo mẹ wutu.”+
27 Gbọnmọ dali, Sọlomọni yàn Abiatali ma nado wadevizọn taidi yẹwhenọ Jehovah tọn ba, na ohó he Jehovah ko dọ sọta owhé Eli tọn+ to Ṣilo+ nido yin hinhẹndi.
28 Whenue Joabi sè linlin ehe—na Joabi ko nọgodona Adonija+ ṣigba bo ma nọgodona Absalọmi+ wutu—Joabi họnyi gòhọ Jehovah tọn mẹ+ bo tẹdo azò agbà lọ tọn lẹ go.
29 To whenẹnu, e yin didọna Ahọlu Sọlomọni dọmọ: “Joabi ko họnyi gòhọ Jehovah tọn mẹ bosọ tin to agbà lọ kọ̀n to finẹ.” Enẹwutu, Sọlomọni do Bẹnaia visunnu Jehoiada tọn hlan dọmọ: “Yì, bo hù i!”
30 Bẹnaia sọ yì gòhọ Jehovah tọn kọ̀n bo dọna ẹn dọmọ: “Nuhe ahọlu dọ die, ‘Tọ́njẹgbonu!’” Ṣigba, e dọmọ: “Lala! Fi wẹ n’na kú do.” Bẹnaia sọ lẹkọyi dowẹn ahọlu dọmọ: “Le po le po wẹ Joabi dọ, podọ le po le po wẹ e gblọnna mi.”
31 Whenẹnu, ahọlu dọna ẹn dọmọ: “Wà kẹdẹdile e dọ do; yì hù i bo dì i bosọ de ohùn he Joabi sọndai matin whẹwhinwhẹ́n dolido depope sẹ̀ sọn okọ̀ na yẹn po whédo otọ́ ṣie tọn po.+
32 Jehovah na hia hùnhọ́ etọn dokọna ẹn, na ewọ yí ohí do hù sunnu awe he yin dodonọ bosọ pọnte hú i, bọ otọ́ ṣie Davidi ma tlẹ yọnẹn: Yèdọ Abneli+ visunnu Neli tọn he yin ogán awhànpa Islaeli tọn+ po Amasa+ visunnu Jetẹli tọn he yin ogán awhànpa Juda tọn+ po.
33 Hùnhọ́ yetọn na to okọ̀ na Joabi po kúnkan etọn po kakadoi;+ ṣigba na nuhe dù Davidi, kúnkan etọn, whédo etọn po ofìn etọn po, jijọho ni tin hlan yé sọn Jehovah dè kakadoi.”
34 Whenẹnu, Bẹnaia visunnu Jehoiada tọn hẹji yì bo linú Joabi bosọ hù i, e sọ yin dìdì do owhé etọn titi gbè to danfafa ji.
35 Podọ ahọlu de Bẹnaia+ visunnu Jehoiada tọn do awhànpa lọ ji do otẹn etọn mẹ, ahọlu sọ de Zadọki+ yẹwhenọ lọ do otẹn Abiatali tọn mẹ.
36 Enẹgodo, ahọlu ylọ Ṣimei+ bo dọna ẹn dọmọ: “Yì gbá owhé de na dewe do Jelusalẹm bo nọ nọ̀ finẹ; a tọ́n sọn finẹ yì fidevo depope blo.
37 Gbeegbe a na tọ́n sọn finẹ bo dasá Agbàdo Kidlọni tọn,+ yọnẹn dọ a na kú dandan. Ohùn towe nasọ tin to okọ̀ na we.”
38 Ṣimei sọ gblọnna ahọlu dọmọ: “Nuhe hiẹ dọ lọ sọgbe. Devizọnwatọ towe na wà kẹdẹdile oklunọ ṣie ahọlu ko dọ do.” Enẹwutu, Ṣimei gbọṣi Jelusalẹm na azán susu.
39 Ṣigba, to owhe atọ̀n godo, afanumẹ Ṣimei tọn awe họnyi Akiṣi,+ visunnu Maaka tọn, he yin ahọlu Gati tọn dè. Whenue e yin didọna Ṣimei dọmọ: “Pọ́n! afanumẹ towe lẹ tin to Gati,”
40 Ṣimei wleawuna kẹtẹkẹtẹ etọn to afọdopolọji bo yì Akiṣi dè to Gati nado dín afanumẹ etọn lẹ. Whenue Ṣimei lẹkọ sọn Gati po afanumẹ etọn lẹ po,
41 e yin didọna Sọlomọni dọmọ: “Ṣimei ko tọ́n sọn Jelusalẹm yì Gati bo ko sọ lẹkọwa.”
42 Whenẹnu wẹ ahọlu ylọ Ṣimei bo dọna ẹn dọmọ: “Be yẹn ma hẹn we nado yí Jehovah do whlé bosọ na we avase dọ: ‘Gbeegbe a na tọ́n sọn fi yì fidevo depope, yọnẹn dọ a na kú dandan’ ya? Podọ be a ma dọna mi dọ, ‘Nuhe hiẹ dọ lọ sọgbe; n’na setonuna ẹn’ ya?+
43 Todin, naegbọn a ma do setonuna whiwhle towe hlan Jehovah po osẹ́n he yẹn ko do na we po?”
44 Ahọlu sọ dọna Ṣimei dọmọ: “A yọ́n oylan he a wà na otọ́ ṣie Davidi lẹpo ganji,+ Jehovah nasọ hẹn oylan enẹ lẹkọwa ota towe titi ji.+
45 Ṣigba, Ahọlu Sọlomọni na yin didona,+ podọ ofìn Davidi tọn na yin hinhẹn lodo gligli to Jehovah nukọn kakadoi.”
46 Whenẹnu wẹ ahọlu degbena Bẹnaia visunnu Jehoiada tọn, ewọ sọ tọ́nyi bo linú in bọ e kú.+
Gbọnmọ dali, ahọluduta lọ yin hinhẹn lodo gligli to alọ Sọlomọni tọn mẹ.+
Nudọnamẹ Odò Tọn
^ To paa mẹ, “Yẹn gbọn aliho aigba lẹpo tọn ji jei.”
^ Kavi “na yinuwa po nuyọnẹn po.”
^ To paa mẹ, “sunnu de ma na yin sinsánsẹ sọn dè we.”
^ To paa mẹ, “wẹ ko ze nukun yetọn do ji e.”
^ Kavi “yin sọta alindọn.”
^ Kavi “hukan gandudu tọn.”
^ Kavi “bo zlọn jẹ Adonija ji.”
