Etɛ́wɛ Axɔluɖuta Jixwéyɛxwe Tɔn Nyí?
Be hyɛ nɔ kpɔ́n ɛn hlán taiɖi . . .
-
nuɖé xe tíin to ahǔn towe mɛ wɛ ya?
-
xogbe nuyijlɛdonugo tɔn ɖé wɛ ya?
-
gǎnɖuɖu ɖé xe tíin to olɔn mɛ wɛ ya?
NǓXE BIBLU ÐƆ
“Jixwéyɛxwe olɔn tɔn ná ze axɔluɖuta ɖé ɖayǐ, xe ma ná nyí viva gbeɖe.”—Daniɛlì 2:44, Lɛdogbeɖevomɛ Ayihɔ́n Yɔ́yɔ́ Tɔn.
“Vǐsúnnu ɖé ko nyí nina mǐ; gǎnɖuɖu ná tíin to abɔ̌ etɔn jí.”—Izaya 9:6; nuɖɔnamɛ odò tɔn.
ALE XE ENƐ SƆGǍN HƐNWA NÁ WE
-
Ganɖuɖu dodowiwa tɔn ɖé xe sɔgǎn hɛn ale wá ná hyɛ lɔsu.—Izaya 48:17, 18.
-
To ayihɔ́n yɔ́yɔ́ xe ja lɔ mɛ, a ná nɔgbɛ̀ to agbasalilo kpikpé mɛ kpóɖɔ to ayǎjɛ mɛ.—Osɔ́xya 21:3, 4.
BE MǏ SƆGǍN YÍ NǓXE BIBLU ÐƆ SÈ NǓGBÓNǓGBÓ YA?
Mɔ̌wɛ, é hwè gbau ná hwɛhwinhwɛ́n awe exelɛ wutu:
-
Jesu dó nǔxe Axɔluɖuta Jixwéyɛxwe tɔn ná wà lɛ xya. Jesu kplɔ́n xodotɔ́ etɔn lɛ nadó nɔ hoɖɛ̀ ná Axɔluɖuta Jixwéyɛxwe tɔn ni wá kpóɖɔ ná ojlǒ Jixwéyɛxwe tɔn ni nyí wiwà to ayigba jí. (Matiu 6:9, 10) Jesu dó lěxe oɖɛ̀ enɛ ná mɔ hɛnɖi dó xya.
To hwenue Jesu to ayigba jí, é ná núɖùɖù mɛxe xuvɛ to hùhù lɛ, gbɔazɔ̀nna awutunɔ lɛ, bo fɔ́n ocyɔ lɛ! (Matiu 15:29-38; Johanu 11:38-44) Taiɖi mɛxe ná nyí Ganɖutɔ́ Axɔluɖuta Jixwéyɛxwe tɔn to sɔgódo, Jesu ze oxya ɖagbeɖagbe lɛ ɖayǐ gandó nǔxe Axɔluɖuta enɛ ná wá wà ná mɛxe kɛalɔyi i lɛ go.—Osɔ́xya 11:15.
-
Nǔxe to jijɔ to ayihɔ́n lɔ mɛ lɛ doxya hezeheze ɖɔ Axɔluɖuta Jixwéyɛxwe tɔn ná wá to madɛnmɛ. Jesu ɖɔ ɖɔɖáyǐ ɖɔ ojlɛ̌ kleun ɖé hwɛkpo Axɔluɖuta lɔ ná hɛn jijɔxo wá ayigba jí, ahwàn, xuvɛ, kpó ayigba sisɔsisɔ kpó ná gɔ́ ayihɔ́n lɔ mɛ.—Matiu 24:3, 7.
Onǔ exe lɛkpó wɛ to jijɔ to egbexe. Enɛwutu, mǐ sɔgǎn ɖeji ɖɔ Axɔluɖuta Jixwéyɛxwe tɔn ná ɖoalɔtena nuxahun exe lɛkpó.
DINDONANǓ
Nawɛ gbɛninɔ ná te ɖó to Axɔluɖuta Jixwéyɛxwe tɔn glɔ?
Biblu ná gblɔ̌ndó kanbyɔ́ exe tɔn to SALMU LƐ 37:29 kpó IZAYA 65:21-23 kpó mɛ.
A Gán Sọ Pọ́n Hosọ Ehelẹ
NYƆ̌ MǏ DÓGƆ́
Naegbɔ̌n Mǐ Ðóná Kplɔ́n Biblu?
Biblu to alɔgɔ́na gbɛtɔ́ livi susu lɛdó ayihɔ́n kpé nadó mɔ gblɔndó ná kanbyɔ́ tangǎn gbɛ̀mɛ tɔn lɛ. Hyɛ lɔsu jlo ná tíin to yé mɛ ya?
