Jehovah jlo ɖɔ mǐ ni ɖǔvivi ogbɛ̀ tɔn, bosɔ nɔ jaya to hùnhwɛ lɛ tɛnmɛ to hweɖélɛnu. Cigbǎ, be hùnhwɛ kpó xweɖuɖu lɛkpó kpó wɛ nɔ hɛn xomɛhun in ya? Nawɛ mǐ sɔgǎn dó owǎnyi mǐtɔn ná Jehovah xya to hwɛxo exe mɛ gbɔn?

1. Naegbɔ̌n xomɛ Jehovah tɔn ma nɔ hùn dó hùnhwɛ susu go?

É sɔgǎn kpaca we nadó sè ɖɔ suhúgǎn hùnhwɛ kpó xweɖuɖu lɛ kpó tɔn wɛ ma sɔgbe xɛ́ nukplɔ́nmɛ Owě-wíwé lɛ tɔn kavǐ wá sɔ́n aca kosi tɔn lɛ mɛ. Hùnhwɛ mɔnkɔ lɛ nɔ tindó kancica xɛ́ sinsɛ̀n lalo. Yé sɔgǎn bɛ́ afinnyɔnuwiwa hɛn kavǐ nɔgodona nuyise alindɔn jɔmaku tɔn. Ðélɛ to hùnhwɛ exelɛ mɛ sɔ́ nɔ sínai dó otàngblo lɛ kavǐ taɖagbe bibyɔ́ jí. (Izaya 65:11) Jehovah ná avase sinsɛ̀n-basítɔ etɔn lɛ ɖɔmɔ: ‘Mì klan mìɖe dóvo, mì sɔ́ ɖoalɔ onǔ mawé go ba blo.’—2 Kɔlintinu lɛ 6:17. a

2. Nukún tɛ́wɛ Jehovah nɔ yí dó kpɔ́n hùnhwɛ ɖélɛ xe nɔ ná gbɛtɔvi lɛ gigo xe yé ma jɛna?

Jehovah ná mǐ avase ma nadó nɔ “ɖejidó gbɛtɔvi tata lɛ go.” (Xya Jelemia 17:5.) Hùnhwɛ xweɖuɖu tɔn ɖélɛ nɔ ná gigo ganɖutɔ lɛ kavǐ ahwànfuntɔ lɛ. Hùnhwɛ ɖevo lɛ nɔ nyí bibasí nadó gbògbéna oxya otò tɔn lɛ kavǐ nadó flin oxwe xe mɛ otò ɖé jɛ eɖe sí. (1 Joxanu 5:21) Humɔ, gbɔjɛzan ɖélɛ sɔ́ nɔ nyí ɖiɖe nadó ɖùxwe kpíkpli tonuɖiɖɔ tɔn lɛ tɔn kavǐ tito ɖevo xe ayihɔ́n lɔ zéɖayǐ lɛ tɔn. Nawɛ é ná cí ná Jehovah enyí mǐ nɔ ná gigo xe ma jɛ gbɛtɔ́ kavǐ kpíkpli ɖé xe nɔ yinuwa jɛagɔdó lɛnɖayǐ Etɔn?

3. Walɔ tɛlɛ wɛ sɔgǎn zɔ́n bɔ hùnhwɛ ɖé ma ná nyí alɔkɛyi?

Biblu dósɛ́n gandó “ahànnu-zɛjlɛgo, agɔ́-gànnyì, [gɔna] ahàn-gbɛ́didó” go. (1 Pita 4:3) Hùnhwɛ xweɖuɖu tɔn ɖélɛ nɔ bɛ́ aca fɛnnuwiwa tɔn kpó walɔyizan xe zɛ̀kpá lɛ kpó hɛn. Nadó to xɔ́ntɔn Jehovah tɔn lɛ nyí zɔnmii, mǐ ɖóná nɔla kpéte ná aca mawé mɔnkɔ lɛ.

 DINDONANǓ DÓGƆ́

 5. Gɔ́alɔna mɛɖévo lɛ nadó nɔ ná sísí nuyise towe lɛ

6. Jehovah jlo ɖɔ mǐ ni ɖó ayajɛ

Jehovah jlo ɖɔ mǐ ni nɔ ɖǔvivi ojlɛ̌ ayǎjɛ tɔn lɛ tɔn xɛ́ hwɛndo mǐtɔn gɔna xɔ́ntɔn lɛ. Xya Yɛxwexoɖɔtɔ 8:15, bo ɖɔxodó kanbyɔ́ exe jí:

• Nawɛ wěfɔ exe dóxya gbɔn ɖɔ Jehovah jlo ɖɔ mǐ ni ɖó ayǎjɛ?

Jehovah jlo ɖɔ omɛ etɔn lɛ ni nɔ ɖeayiɖayǐ bosɔ nɔ mɔ awuvivi to nuwiwa kpɔ́mɛ tɔn lɛ tɛnmɛ. Xò VIDEO lɔ nadó mɔ lěxe mǐ nɔ wàmɔ to kplidókpɔ́ akɔjɔkpli tɔn mǐtɔn lɛ hwenu ɖó.

Xya Galatianu lɛ 6:10, enɛgodo ɖɔxodó kanbyɔ́ exelɛ jí:

• Be hùnhwɛ xweɖuɖu tɔn lɛ mɛ janwɛ mǐ ɖóná ɖoalɔ te dandan hwɛkpó dó sɔgǎn wà “nǔxe nyí ɖagbe” ná mɛɖévo lɛ ya?

• Ðetɛ to alixo nunamɛ tɔn awe exelɛ mɛ wɛ ná hɛn ayǎjɛ wá ná we húgǎn—enyí a ɖesɔn ojlǒ mɛ nadó nanúmɛ wɛ ya kavǐ enyí a mɔɖɔ a ma gán gɔ̀n númanamɛ ná xwezangbe wɛ wutu?

• Kunnuɖetɔ́ susu lɛ wɛ nɔ basí tito ojlɛ̌ ayǎjɛ tɔn lɛ tɔn ná ovi yětɔn lɛ hwɛhwɛ, bo tlɛ sɔ́ nɔ wleawu nunina xe ovi lɔ lɛ ma ɖonukún etɔn lɛ tɔn ná yé. Enyí hyɛ lɔsu ko ɖó ovi lɛ, onǔ vonɔtawun xe yé ma ɖonukún tɛlɛ wɛ a sɔgǎn nɔ wà ná yé?

 BLADÓKPƆ́

Jehovah jlo ɖɔ mǐ ni nɔ yí ojlɛ̌ ayǎjɛ tɔn lɛ zán xɛ́ hwɛndo kpó xɔ́ntɔn mǐtɔn lɛ kpó. Amɔ́, é sɔ́ jlo ɖɔ mǐ ni nɔla ná hùnhwɛ xe é gbɛ́wǎnna lɛ.

Dogbakpɔ́n

• Kanbyɔ́ tɛlɛ wɛ mǐ sɔgǎn nɔ kanse mǐɖe nadó nywɛ enyí hùnhwɛ ɖé nɔ hɛn xomɛhun Jehovah?

• Nawɛ mǐ sɔgǎn hɛn nuɖiɖe mǐtɔn gandó xweɖuɖu lɛ go hɔnwun ná hagbɛ́ hwɛndo tɔn kpó xɔ́ntɔn mǐtɔn lɛ kpó gbɔn?

• Etɛ́wɛ hɛn we kudeji ɖɔ Jehovah jlo ɖɔ mǐ ni nɔ jaya bosɔ nɔ ɖeayiɖayǐ?