Nɛreba zo’e zo’e n boi tingɔŋɔ wa poan boi la ba ma’a ge ti’isa ti bamam kan ta’an nyɔɣɛ zɔtɔ. Sɛba n biseri ima’asum yɛla yeti to san soŋera nɛreba, la kan basɛ ti la ana to wuu to boi la to ma’a.

•   “Nɛreba san ɛɛra soŋerɛ ti to soŋɛ ba, la wan basɛ ti to puurɛ pee ge me soŋɛ tɔ ti to kan ti’isa ti to boi la to ma’a.”​—U.S. National Institutes of Health.

 Baabule la basɛ ti to baŋɛ ton wan ta’an eŋɛ yelese’a soŋɛ nɛreba. To san tara lan pa’alɛ sɛla la tuna tuuma, la kan ana to wuu to boi la to ma’a.

 Bɔ’ɔra yɛri yɛri. Nyɛta nɛŋa sɔsera la nɛreba. La wan ana soŋa ti ho keŋɛ ba zɛ’an ti ya zi’ire sɔsɛ. Pee puurɛ tɔta hon tari sɛla. Ho san ita bala ba puurɛ wan pee ti ya zɔtɔ nyɔka la me ana kankaŋi.

•   Baabule naresum yele: ‘Bo’ori ya ge nɛreba me wan bo ya.’​—Luke 6:38.

 Bisɛ hon wan eŋɛ se’em soŋɛ nɛra n boi daaŋɔ poan. Ho san nyɛ ti nɛra nameseri, bisɛ hon wan ta’an eŋɛ sɛla soŋɛ en. Daanse’ere nɛra la n yeen bɔta sɛla dela ho ma’ɛ homea kelese en. Ho me ta’an soŋɛ en yire tuuma poan ti la ana en faɣa faɣa.

•   Baabule naresum yele: “Zɔ dela se’em n tare nɔŋere saŋa woo.”​—Magaha 17:17.

 Ho san bɔta ti ho baŋɛ hon wan eŋɛ se’em ti hon la nɛreba bɔŋa ana soŋa, kaalɛ zaseŋɔ yele la zuo n de “Family Life and Friendships (Ton Wan Eŋɛ Se’em Tara Bɔnsoŋa La To Deodoma La To Zɔdoma).”