October 9, 2024 ti World Wildlife Fund la bo lasebaarɛ n pa’ali asaala n kuuri dusi se’em ti la dɛna susa’aŋɔ paa. Lasebaarɛ la pa’alɛ ti ‘dusi kãlɛ n de se’em nananawa la ka paɛ dusi n yuun zo’e se’em yuun 50 n tole (n de 1970-2020) Ba kãlɛ la kɔ’ɔn sige mɛ kɔbega poan 73.’ Ba yele lasebaarɛ la poan yeti: “To wan ta’an yeti yelese’a n wan eŋɛ yuuma anuu pooren la n wan pa’alɛ vom n wan ta ana se’em Tinparɛ wa zuo.”

 Lasebaarɛ ana taaba ni daana la nɛreba zo’e zo’e. To nɔŋɛ tinparɛ la n som se’em la mɛ ge me ka bɔta ti to nyɛta dusi n mɛleseri. Sɛla n sɔi ti la ana to bala dela, Naayinɛ puti’irɛ yuun dela tomam bisera dusi la.​—Pin’ileŋɔ 1:27, 28; Magaha 12:10.

 Nɛreba basɛba ta’an soke yeti, ‘To wan ta’an sirum te’ele dusi la? Ge Baabule la tɔɣɛ de yele la wani?’

 Asaala san puɣum nɔŋɛ a tiregɛ la se’em me, a kan ta’an te’ele dusi. Naayinɛ ma’a n wan ta’an eŋɛ bala. Liligere 11:18 poan, Baabule la yeti Naayinɛ wan “sagom sɛba n daa sagom teŋa wa zuo la.” Gulesegɔ wa pa’alɛ to la yɛla ayi:

1.  1. Naayinɛ kan bo yɔ’ɔ ti nɛreba sa’am tinparɛ wa za’a za’a.

2.  2. La kan yue, Naayinɛ wan eŋɛ sɛla. Beni n sɔi ti to wan ta’an yele bala? Se’ere n sɔi la, nananawa paa ti la kɔ’ɔn niɛ peelumi ti Naayinɛ san ka eŋɛ sɛla, asaala wan ta’an sa’am dusi za’a.

 Naayinɛ wan eŋɛ la bem maalɛ yele wa? A wan doose la a saazuo Na’am bii gɔmɛt la poan bisɛ tinparɛ wa za’a. (Matu 6:10) Eŋa gɔmɛt la poan, nɛreba wan ta zamesɛ ban wan eŋɛ se’em bisa dusi soŋa soŋa.​—Isaiah 11:9.