To ni naɛ la to mabiisi pu’usa Yehowa tansugere zamesegɔ poan, gingilega la tinkãra laɣesegɔ poan. To me le ita tomea zamesegɔ la deodoma pu’usegɔ mɛ. Yele ana wa wan soŋɛ hɔ ti ho ta’an ita homea bii ho deodoma pu’usegɔ:

• Maasum ge nyaa keŋɛ tansugere zamesegɔ. Ya ta’an yuum ton wan ta yuum yuunse’a la ge me soŋɛ deodoma la za’a ti ba ta’an bo lebesego.

• Kaalɛ Baabule Gulesegɔ. Ya san ba’asɛ, gulesɛ ya yan zamesɛ sɛla la biŋe bii ya dɔreŋɛ sɛla kaalegɔ la poan.

• Kaalɛ Baabule la bɔberɛ se’ere n tari zusega ge ti’isɛ taɣesɛ lan wan soŋɛ ya se’em ya zusega poan.

• Bisɛ ya vidiyo jw.org poan ge nyaa sɔsɛ ya de yele bii gulesɛ yan zamesɛ sɛla vidiyo la poan.

• Maasum na’am mɔɔlegɔ. Ya poan ayima ta’an dɛna yidaana ti ya maasum yan wan tɔɣɛ sɛla.

• Bisɛ ya naaŋɔ lɔyɔrɔ ge ti’isa taɣesa bii sɔsɛ lan pa’alɛ Yehowa yɛla se’em. a