• Mag 17:24—Sodeni poan ti to wan ta’an yeti “gerego tuune mɛ”? (w06 9/15 19 ¶10)

  Lebese

• Bem vo’osum poan yɛla n boi bakwai wa Baabule kaalegɔ la poan ti hon wan bɔta ti ho tɔɣɛ de yele?

  Lebese

Deodoma san naɛ taaba sɔsera, la ni basɛ ti pupeelum n bɔna. Deodoma san sɔsera soŋa soŋa bala basɛ ti ba soŋera ge tɛbegera la taaba biɣi biɣi saŋa poan. (Mag 15:22) Ho wan eŋɛ la bem ti ho deodoma ta’an naɛ taaba sɔsera soŋa soŋa?

Nyɛta ya nɛŋa bɔ’ɔra taaba. (Tɛ 6:​6, 7) Deodoma san naɛ taaba tuna, kena zamesegɔ la na’am mɔɔlegɔ ge me naɛ taaba dɛ’ɛna, bala ni basɛ ti ba suure n kɛ̃ taaba ti ba tara nɔŋerɛ bɔ’ɔra taaba. Bala ni basɛ ti ba nyɛta la saŋa zo’e zo’e sɔsera la pupeelum. Saŋa ase’a, la ta’an nara ti ho dekɛ hon boti sɛla la basɛ ge naɛ la ho deodoma eŋɛ sɛla ti bamam bɔta la. To san eŋɛ bala to wan nyɛ kã’a! (Flp 2:​3, 4) Ya wan eŋɛ la wani ta’an dekɛ ya tɛm tum tuuma soŋa ya san naɛ taaba zi’a sɔsera?—Ep 5:​15, 16.

Ŋmɛ VIDIYO la zuo n de Ita Yelese’a N Wan Basɛ Ti Deodoma Tara Suma’asum—Nyɛti Ya Nɛŋa Sɔsera Soŋa Soŋa ge nyaa soke kɛleseriba la yeti:

• Nɛra san ka tara elektronik lɔɣɔrɔ tuna soŋa, bala ta’an sa’am deodoma sɔsega la wani?

  Lebese

• Vidiyo la poan, bem leyɛ’ɛsa ti hon zamesɛ baŋɛ sɛla n nari ti to ita ta’an mina sɔsega?

  Lebese

Kɛlesa soŋa soŋa. (Yam 1:19) To san ka zɛregera kɔma, la kan kpe’em bo ba ti ba tɔɣera sɛla n boi ba suuren. Da basɛ ti ho sunsɔa nyie ho bia san yele ho sɛla ti ho ka bɔta. (Mag 17:27) Tuɣum kelese en soŋa ge me tara giile bɔ’ɔra en. Tiregɛ bɔkɛ lan ani en se’em ge basɛ ti a baŋɛ ti ho nɔŋɛ en mɛ.