Ho vo’osum poan maaseŋɔ laɣum pa’asɛ hon kaali Baabule gulesegɔ la, la yelese’a ti ba gulesɛ eŋɛ Examining the Scriptures Daily la poan dabeserɛ woo? Ho san ka kaala, hon wan ta’an eŋɛ maaseŋɔ kaala? Basɛba ni kaalɛ gulesegɔ wa la bulika, la wan eŋɛ se’em ti ba ta’an ti’isa de yele dabeserɛ la poan. (Yos 1:8; Ym 119:97) Ho wan eŋɛ la wani nyɛ nyuurɔ pa’asɛ ho san kaala Gulesegɔ la? Ni kaalɛ Baabule kaalegɔ zɛ’ɛsi la za’a la wan eŋɛ se’em ti ho ta’an baŋɛ sɛla n sɔi ti ba gulesɛ yele la. Ti’isɛ bisɛ Baabule poan yelese’ere n tɔɣɛ naresum yele la n boi gulesegɔ la poan. Bisɛ hon wan eŋɛ se’em dekɛ naresum yele wa tum tuuma ho vom poan. Ho san yeti ho kɔ’ɛ ho puti’irɛ tum tuunɛ ge basɛ ti Naayinɛ Yelesum la soŋɛ hɔ, la wan dɛna gu’a bɔ’ɔra hɔ ge ti ho me wan nyɛ nyuurɔ.​—Ym 119:105.

Betel deodoma n boi teŋgɔŋɔ wa zɛ’an woo ni kaalɛ Examining the Scriptures Daily la mɛ ba san yeti ba saa nɔɔrɛ. Yuun ana wa poan, ba ni dekɛ sɔsega wa zo’e zo’e eŋɛ la PROGRAMS AND EVENTS bɔberɛ n boi JW Broadcasting^® la. Hon tɛri daanse’ere daarɛ ti ho keŋɛ ta bisɛ sɔsega wa? Daanse’ere sɔsega wa kɔ’ɔn makɛ mɛ la sɛla ti ho bɔta ti ho wum la. Makerɛ n wana, Lot yele la wan soŋɛ ho la wani ho san yeti ho kɔ’ɛ ho puti’irɛ eŋɛ sɛla?

BISƐ VIDIYO LA ZUO N DE DA NƆŊƐ YA TEŊA WA ZUO LA KA LƆƔƆRƆ LA (1YO 2:15) GE NYAA LEBESE SOKERE ANA WA:

• Baabule naresum yele deni n boi Bulika Pu’usegɔ sɔsega wa poan?

• Lot yele wa pa’alɛ ti dɛŋa boi bini la wani to san nɔŋɛ teŋa wa zuo la ka lɔɣɔrɔ la?​—Pin 13:12; 14:12; 19:3, 12, 13, 24-26

• To wan eŋɛ la wani pa’alɛ ti to nɔŋɛ la Yehowa ge daɣɛ teŋa wa zuo la ka lɔɣɔrɔ la?