Israeldoma la yuun nari ti ba pɛɣɛ Yehowa mɛ. Eŋa n yuun tari ba yese Egypt poan ge faaɛ ba Faro la a lengima la nu’usen! (Yɛh 15:1, 2) Yehowa kelum ita som bɔ’ɔra a nɛreba mɛ. To wan eŋɛ la wani pa’alɛ ti to nini tiɣɛ mɛ la Yehowa n iti sɛla bɔ’ɔra to la?​—Ym 116:12.

Sore deyima ti to wan ta’an eŋɛ bala dela to tum daarewoo sore ŋmɛ’a tuuma bii sore ŋmɛ’a soŋerɛ tuuma la. Ho me ta’an zusɛ ti Yehowa soŋɛ hɔ ti ho tum sore ŋmɛ’a tuuma la. (Flp 2:13) Nɛreba zo’e zo’e ni pɔsɛ tum la sore ŋmɛ’a soŋerɛ tuuma la. Ho me ta’an dekɛ awa 30- bii 50 tum sore ŋmɛ’a soŋerɛ tuuma la March la April la se’em ma’a ti teŋgirega bisegadaana ni wa’ana kaɛ ya bisɛ la. Ho san nyɛ pupeelum sɛka n boi sore ŋmɛ’a soŋerɛ tuuma la poan la, ho nyaa ta’an pɔsɛ daarewoo sore ŋmɛ’a tuuma la. Hali sɛba n tuni bakwai la za’a poan bii sɛba n ka ba’a tara imma’asum mɔ mɛ tuna daarewoo sore ŋmɛ’a tuuma la. (mwb16.07-E 8) Yehowa puurɛ ni pee mɛ la to muuri ti to pɛɣɛ en la!​—1Ye 16:25.

BISƐ VIDIYO LA ZUO N DE MONGOLIA MABIPƆƔESI BATÃ LA GE NYAA LEBESE SOKERE ANA WA:

• Yeledaaŋɔ kani ti mabipɔɣesi batã la yuun nara ti ba ŋmibe de poan ta’an tum daarewoo sore ŋmɛ’a tuuma la?

• Bem kã’a ti ba yuun nyɛ?

• Bem yɔ’ɔ ti ba yuun le nyɛ la ba nyaŋɛ tum daarewoo sore ŋmɛ’a tuuma la?

• Ba makesonɛ la yuun soŋɛ basɛba la wani?