ZASEŊƆ 01
Baabule La Wan Ta’an Soŋɛ Ho La Wani?
La ani wuu nɛra woo tari vom, namesegɔ, kum la beere sa’am yɛla sokere mɛ. Beere n yilegeri woo, to ti’iseri la to wan eŋɛ se’em ti to deodoma tara pupeelum bii taʼan nyɛ sɛla basɛ ba nɔɔren. Nɛreba zo’e zo’e baŋɛ ti Baabule la yeen ka soŋera ba mɛ ti ba nyɛta sokese’a n pakɛ ba lebesego ge la kelum bɔ’ɔra ba ka’aŋɔ ti ba mina ba wan vɔna ba vom se’em daarewoo. Hon ti’isɛ ti Baabule la wan ta’an soŋɛ nɛreba?
1. Sokere ani ti Baabule la basɛ ti to baŋɛ i lebesego?
Baabule la tari la sokese’a n pakɛ to paa lebesego: Vom yuun pi’ilum la wani? To vom wa vuurɛ? Beni n sɔi ti nɛreba namesa? Nɛra san ki, a boi la bɛ? Nɛra woo san bɔta suma’asum, beni n sɔi ti zaberɛ bɔna? Beni n wan eŋɛ tingɔŋɔ wa beere sa’am? Baabule la yeti, to ɛ sokere ana wa lebesego ge nɛreba zo’e zo’e nyɛ lebesego la mɛ ti ba puurɛ pee.
2. Baabule la wan ta’an soŋɛ to la wani ti to tara pupeelum to vom poan?
Baabule la bo’ori to la ka’aŋɔ n ani soŋa. Makerɛ, ku pa’alɛ deodoma n wan ita se’em ti pupeelum bɔna. Ku pa’ali la to wan ita se’em maala to yɛla ge tara pupeelum to tuuma poan. To san laɣum zamesa gɔŋɔ wa, ho wan baŋɛ Baabule la n pa’ali yele ana wa se’em la yɛla ase’a me. Ho wan sirum sakɛ ti ‘Gulesegɔ la woo [sɛla woo n boi Baabule la poan la] . . . tari nyuurɔ.ʼ—2 Timoti 3:16.
Gɔnkuna wa daɣɛ Baabule. Ge ku tuɣum kpɛmesa la ho giila ti homea viisa Baabule la. Bala la, to boti la ho kaala Baabule gulesegɔ la n boi zaseŋɔ la poan la ge dekɛ makɛ la hon zameseri sɛla la.
VIISƐ PA’ASƐ
To wan geele bisɛ Baabule la n soŋɛ nɛreba se’em, hon wan nyɛ pupeelum se’em ho san kaala ku ge me le bisɛ sɛla n sɔi ti la nara ti ho basɛ ti ba soŋɛ hɔ ti ho bɔkɛ ku.
3. Baabule la ta’an pa’alɛ tɔ
Baabule la ani wuu tɔklai n niɛ paa. To ta’an basɛ ti Baabule la pa’alɛ tɔ ti to mina to wan kɔ’ɛ to puti’irɛ se’em tum tuunɛ ge me soŋɛ tɔ ti to baŋɛ sɛla n wan eŋɛ beere sa’am.
Kaalɛ Yooma 119:105 ge nyaa sɔsɛ sokere ana wa:
-
Mina n gulesɛ yuunɛ wa yuun geele Baabule la, la wani?
-
Hon geele Baabule la, la wani?
4. Baabule la ta’an basɛ ti to nyɛ to sokere la lebesego
Pɔka ayima yuun baŋɛ ti Baabule la tari sokese’a n yuun daani en yuuma zo’e zo’e la lebesego mɛ. Ŋmɛ VIDIYO la ge nyaa sɔsɛ sokere ana wa:
-
Vidiyo la poan, pɔka la soke la sokere ani?
-
A Baabule zamesegɔ la soŋɛ en la wani?
Baabule la kpemese to giila ti to sɔkera sokere. Kaalɛ Matu 7:7 ge nyaa sɔsɛ sokere wa yele:
-
Sokere ani ti hon ɛɛra de lebesego Baabule la poan?
5. Ho ta’an tara pupeelum ho Baabule kaalegɔ poan
Nɛreba zo’e zo’e tari pupeelum mɛ ba Baabule kaalegɔ poan ge me nyɛta nyuurɔ. Ŋmɛ VIDIYO la ge nyaa sɔsɛ sokere ana wa:
-
Vidiyo la poan, la ani bunbilipaalesi la wani ba kaalegɔ poan?
-
Beni n sɔi ti ba nyaa bɔta Baabule kaalegɔ?
Baabule la yelesum wan ta’an buɣelɛ to suure ge basɛ ti to tara beere sa’am puti’irɛ. Kaalɛ Yooma 119:49, 50 ge nyaa sɔsɛ sokere wa:
-
Hon puurɛ pee ya la Baabule la n yeti ku wan ta’an buɣelɛ ho suure ge basɛ ti ho tara beere sa’am puti’irɛ la?
6. Nɛreba basɛba ta’an soŋɛ tɔ ti to bɔkɛ Baabule la
Nɛreba zo’e zo’e kaali Baabule la mɛ ge me mina ti nyuurɔ boi bim mɛ ba san naɛ la nɛreba zamesa ku. Kaalɛ Tooma 8:26-31 ge nyaa sɔsɛ sokere wa:
-
To wan eŋɛ la wani ta’an bɔkɛ Baabule la?—Bisɛ kaalegɔ zɛ’ɛsi 30 la 31.
Etiopia buraa la yuun eeri la nɛra soŋɛ en ti a ta’an bɔkɛ eŋa n kaali sɛla la. Zina beere wa, nɛreba zo’e zo’e bisɛ ti la nari ti ba basɛ ti nɛreba basɛba soŋɛ ba ti ba bɔkɛ Baabule la
NƐREBA BASƐBA YETI: “Baabule zamesegɔ ka tari nyuurɔ.”
-
Hon wan yeti bem? Bem zuo?
YELEKPINE
Baabule la pa’ali to la to wan vɔna to vom se’em, bɔ’ɔra nɛreba subuɣelegɔ la beere sa’am puti’irɛ ge me tara sokese’a n pakɛ to paa lebesego.
Tiisegɔ Sokere
-
Pa’alegɔ kuni taaba ti to wan ta’an nyɛ Baabule la poan?
-
Baabule la tari la sokere ani lebesego?
-
Hon wan bɔta ti ho zamesɛ la bem yele Baabule la poan?
Ɛ BISƐ
Bisɛ Baabule ka’aŋɔ la n tum tuuma se’em zina beere wa.
“Baabule Kaʼaŋɔ La Ka Tari Makerɛ” (The Watchtower No. 1 2018)
Bisɛ Baabule la n yuun soŋɛ buraa ayima ti yele yuun paɛ en a bunbilimen sa se’em.
Bisɛ Baabule la n ka’am deodoma n nari ti ba bɔna se’em.
“Yɛla 12 N Basɛ Ti Deodoma Tara Bɔnsoŋa” (Awake! No. 2 2018)
Zamesɛ baŋɛ Baabule la n pa’alɛ mina n sirum biseri tingɔŋɔ wa.
Ho Me Ta'an Bɔta Yele Ana
SOKESE’A TI NƐREBA SƆKERA
Bem Baabule Zamesegɔ N Bala Ti Yehowa Sɛɛradoma Ita La Nɛreba?
Hon la Yehowa Sɛɛradoma san zamesa Baabule la, ho ta’an tara homea Baabule la kaala, zamesegɔ la poan. Ho ta’an yele ho yire nɛreba za’a la ho zɔdoma ti ba laɣum kelese zamesegɔ la.
