Wentau pørinuk chap asik køn chishtø puraintrapikwan Jesús eshkaik. Ik purayailøpe tørtø kenamaran srømpalasrønkutri Tius Nø Aship Karup Wainuk Jesucristo karup pasramisrik køn.

Bibliape eshkan Jesús karup aship mentikkutri srøtø marøppe, Satanáswanpa trukutri kuaimantsikmerankucha srømpalasrønkutri wepusrik køn. 1914 pilakutri, yu Pirau tammisrmøtø chikøpentø purø trømpøik purep pøntran, kakentø Satanás incha kuaimantsikmerapa ik Pirau amønaikkutri (Apocalipsis 12:7, 9).

Maya yu Pirau trømpøik purep pasraintøkucha, Jesús chinetø tapik marøp pasran misakmeraimpurap. Yu Pirau misakmeran Tiuswai wamwan kusrenanøp ampikwan Jesús pera ip pasran. Treekkutri nu misakmeran tap amøñintrai Biblia kusrenaniktrawa purukupik køn (Isaías 2:2-4). Misakmerape kusren, nøm kuallip amønaikwan mentra kepasrmøntrai, nakchaku tap putrøntrai purukun, anwan tap katøramik, ilan øsik amønainuk tap pøntramik kusrenanan. Bibliape misakmeran nømui øsik amønaikwan tap  pøntrøntrai purukun, incha Tius maik isuikwan Tius Nø Aship Karup Waikwan utøntrapelan, misakmera treek køntrai purukun.

Srømpalasrø Jesúspe nø karup waintøkucha, yu Pirau møkelø karup pøntran. Inchentø Tiuspe Jesúswan trentaik køn: “Ñun tsalø ashipelai tøpøtak puraapwan karup intrø cha” (Salmo 110:2). Yana palømøn, Jesús nui tsalø ashipelan pinishintrai incha trutø kømøtø, Tius maik taikwan martrai inchipelan purukuntrun, kullaramøtø metraptø amtrai.

Wentøsrø Tius Nø Aship Karup Waik yu pinaku pøntrapelan martrun:

• Religionesmeran ciertonikwan kusrenanmelan patsøkailø køntrun. Bibliape eshkan religionesmera ciertonikwan kusrenanmelø kan ishuk nui asrwan yanøpik kui lataik køn cha, truikwan pinisaik køntrun. Religionesmera Tiuswayelan isaptø kusrenanøpelan misakmeran tap kusrenanmuikkutri tap warøntrap kaiman, treekkutri pinisailø køntrap køn. Nømun pinishipen latrø misakmera kuarilø køtrømisrtrun (Apocalipsis 17:15, 16).

• Yu Pirau aship karupelan pinishintrun. Tius Nø Aship Karup Waikpe yu Pirau karupelan manakatik pinishintrun (Apocalipsis 19:15, 17, 18).

• Kaik misakmeran pinishintrun. ¿Kaikwantø martraptø kepasrøpelan incha Tius maik taikwan mørmelan chi puraintrera? “Kaik misakmeran yu Pirau pinisailø køntrun cha” (Proverbios 2:22).

• Satanáswan kuaimantsikmeranpa pinisailø køntrun. Satanás incha kuaimantsikmerapa misakmeran isa waminchap kaimantrun manaken (Apocalipsis 20:3, 10).

¿Tius Nø Aship Karup Wainuk pøntrøntrap inchipelan chi puraintrera?

Srømpalasrønkutri Jesucristo mas purø nu martrun, yu Pirau karup pøntrapelø lataik kømø. Trutø kømøtø, 144.000 yu Piraukutri lawa wesruiløpa karup pøntrøntrun (Apocalipsis 5:9, 10; 14:1, 3). Tius Nø wamintilø ik Pirau treek puntrai martrun. ¿Misakmeraimpurap Tius Nø Aship Karup Waikpe chi martrera?

• Pinishintrun kuantrø waramikwan incha kuamikwan. “Muken ‘kuantrø tsur’ chimøntrun” incha yantø kuamikpe kaantrun (Isaías 33:24; Apocalipsis 21:4).

• Chi isumkeik tap pishintø warøntrun. “Nømui urekmera manakatik pishintø warøntrun” incha “uvas tusryu kan kan putramisrtrun cha, higueramerayukucha, incha muken kuarøsrømøntrun” (Isaías 54:13; Miqueas 4:4).

• Nømui kualiktøka kasraktø warøntrun. “Nai lawa wesrua pøntrailø kualla, map, muchip warøntrun. Nøm mur kualilø kaakatø kømøntrun” (Isaías 65:22, 23).

• Ik Pirøwan tap tamara pasrtrun. “Muken warainuksrø Pirø køsamerakucha kasrak pøntrøntrun, chak køsamera muken warainuksrø latrø kasrak pasrøntrun, umera misrøp mentøntrun kan azafrán lataik” (Isaías 35:1).

• Misakmerape kusrenanilø køntrun manakatik øsik warøntrai. “Inchen tru managatig øsig kømibe iig køn: ñi Tius ciertonig kandø wabigwan mu kui nebua ashib, katø Jesucriston tru ñi karua ørigwan mu kui nebua ashib indamig” (Juan 17:3).

Tiuspe ilan utøntrai isun (Isaías 48:18). Katø pørinukpe ashchun, ñi chi maramik kui wentøsrø purø tap attrapikwan utøntrappe.