Yemboe 10
¿Këraitapa yaikuaa kia nunga religión oporomboe añetete vaere?
1. ¿Meteiño religión oporomboe añetete vaere?
“Amogüe oporombotavɨ vae reta jeita: ‘Cheko jae Tumpa iñee omombeu vae’. Agüɨye perovia.” (MATEO 7:15, NTG)
Jesús omboe jemimboe reta meteiño religiónre. Jae ombojaanga metei tapere güɨraja tekove opambae vae kotɨ. Jesús jei: “mbovɨ yaeko oväe jókuae” tape (Mateo 7:14). Tumpa oipota oñemee chupe adoración Iñeepe jei rami. Opaete omboete Tumpa jae jei rami vae yogüɨreko metei mborogüɨroviape. Emongeta Juan 4:23, 24; 14:6; jare Efesios 4:4, 5.
Emae video ¿Ikavira opaete iglesia reta Tumpa peguarä?
2. ¿Mbaepa jei Jesús religión oporombotavɨ vae retare?
“Jae reta jei tëi oikuaa Tumpa, ërei jembiapo reta rupi mbaetɨ etei omboyekuaa oikuaa ko Tumpa vae.” (TITO 1:16)
Jesús jei oimeta religión oporomboe vae apu retare. Yepetëi jae reta jei iyee rupi cristiano jare jei oporomboe añetete vaere, tuicha yae oporombotavɨ. Jaeramo, ¿këraitapa yandepuere yaikuaa kia religión oporomboe añetete vaere? Jembiapo ikavi vae rupi yaikuaata. Emongeta Mateo 7:13-23.
3. ¿Këraitapa yaikuaa kia nunga religión oporomboe añetete vaere?
Yaecha pandepo mbae yandemborɨta yaikuaa vaerä:
-
Oecha Biblia Tumpa Iñee rami. Oikuaa reta Bibliako jae yandeRu iñee ramo, oñemomɨ̈rata opa oyapo vaerä pɨpe jei vae rami oyapo kuimbae reta jei rami vaerägüe. Cristiano añetete vae reta oñemomɨ̈rata oyapo vaerä Biblia jei rami, mbaetɨ omaeño oyemboeuka kuimbae iporomboe reta (Mateo 15:7-9). Oyapovi oporomboe rami. Emongeta Juan 17:17 jare 2 Timoteo 3:16, 17.
-
Oikuaauka Tumpa jee, Jehová. Körai oyapo Jesús, oikuaauka Tu jee. Imiari japichape Jehováre jare omboe chupe reta oyerure vaerä toyemboeteuka Jee (Mateo 6:9). ¿Kia religiónpa omoërakua yandeRu jee nde reikoa rupi? Emongeta Salmo 105:1 jare Romanos 10:13, 14.
-
Omoërakua Tumpa Irreino. Tumpa ombou Jesús ɨvɨpe omoërakua vaerä ñee ikavi vae Irreinore. Jaeño Tumpa Irreino güeruta tëtara retape ikavi yae vae. Jaeramo Jesús imiari kuaere omano regua (Lucas 4:43; 8:1; 23:42, 43). Jare jei jemimboe reta omoërakuatako kuae Reinore. ¿Kiapa omoërakua oï Tumpa Irreinore tëta tëta rupi Jesús oyapo rami? Emongeta Mateo 24:14.
-
Mbaetɨ yogüɨreko kuae mundo yogüɨreko rami. Jesús jemimboe reta mbaetɨ oyea mbae política regua, ani oñemopüa gobierno kotɨ (Juan 17:16; 18:36). Jaeramiñovi, mbaetɨ oiko jekokavimbae oiko rami ani oyemongeta kuae mundo oyemongeta rami. Emongeta Santiago 4:4.
-
Oyoaɨu yaeko. Tumpa Iñee jei yaaɨutako opaete, yamboyoavɨä reve. Tëtaguasu opüa oyoe ñeraro peguarä yave religión iyapu reta omborɨ, ërei religión añetete vae pegua reta mbaetɨ oyapo jókuae (Miqueas 4:1-3). Jókuae vaerägüe, oiporu itiempo omborɨ jare omokɨ̈reɨ vaerä japichape. Emongeta Juan 13:34, 35 jare 1 Juan 4:20.
4. ¿Reikuaamapa maenunga religión oporomboe añetete vaere?
¿Maenunga religiónpa oekɨ opaete iporomboe Bibliagüi, oikuaauka yandeRu jee jare omoërakua jaeño Tumpa Irreino güeruta yandeve ikavi yae vae? ¿Maenunga religiónpa oyoaɨu yae jare omborɨä ñeraro reta? ¿Mbaepa ndeyemongeta? Emongeta 1 Juan 3:10-12.
