Opaete ɨvɨ rupi kia reta ambuaeyee oyemongeta alcohol re. Amogüe reta ámope jou iamigo reta ndive. Ïru reta oiparavo agüɨye vaerä jou alcohol. Jare ïru reta jou osavaɨpo regua. ¿Mbae pa jei Biblia alcohol re?

1. ¿Ikaviä ra yau vaerä alcohol?

Biblia mbaetɨ omombeu ikaviä ko yau vaerä alcohol. Echa Biblia jei Jehová omee yandeve vae metei regalo jae ko “vino, omboyerovia vaerä ipɨa” (Salmo 104:14, 15). Jaenunga vi, Biblia pe ñaväe kuimbae jare kuña jupi vae reta jou vino (1 Timoteo 5:23).

2. ¿Mbae pa omboarakuaa Biblia kia reta oiparavo vae jou vaerä alcohol?

Jehová oipotaä kia ikause vae ani kia oasa ete okau (Gálatas 5:21). Biblia jei: “Agüɨye neïru pota okau vae reta ndive” (Proverbios 23:20). Jáeramo yaiparavo yave yau vaerä alcohol—yandeiño ani ïru kia ndive—, agüɨye yaasa ete yakau ñaneakañɨ regua yayapo ani yayemongeta vae. Agüɨyeta vi yakau ete yayemombaerasɨ regua. Yandepuereä yaiparavo yave mbovɨ yauta vae, agüɨye eteita ko yau.

3. ¿Kërai pa yamborespeta ïru reta oiparavo vae?

Metei ñavo oiparavota jouta ra alcohol ani mbaetɨta. Agüɨyeta ñamae kaviä kia oiparavo vae michiño jou vaerä alcohol. Jare mbaetɨ ñamoñera kia jou vaerä alcohol jae reta oipotaä yave (Romanos 14:10). Agüɨyeta yau vino ïru reta ipuere omboavai yave (emongeta Romanos 14:21). Echa Biblia jei cristiano añetete vae reta pe “agüɨye kia toeka chupe jaekavita vaeño, jaeño jaekavita ïru pe vae” (emongeta 1 Corintios 10:23, 24).

 YAIKUAA KATU VAERÄ

4. Eiparavo reuta ra alcohol ani mbaetɨ

¿Mbae pa oyemongeta Jesús alcohol re? Yaikuaa vaerä yaecha tenonde milagro oyapo vae. Pemongeta Juan 2:1-11 jare peyemongeta jese:

• Kuae texto oechauka rami, ¿mbae pa Jesús oyemongeta alcohol re jare kia jou vae re?

• Jesús mbaetɨ oyemongeta ikaviä yau alcohol, ¿mbae pa oyemongetata metei cristiano kia oiparavo vae re jou vaerä alcohol?

Yepe tëi metei cristiano añetete vae ipuere jou alcohol, ámope mbaetɨ ikavi jou vaerä alcohol. Pemongeta Proverbios 22:3 jare pemae ikavi ra yau alcohol kuae mbaembae reta oasa yave:

• Remboguata yave metei auto ani reiporuta yave máquina.

• Metei kuña ipurúa yave.

• Médico jei yave agüɨye vaerä reu alcohol.

• Yavai pa ndeve reiparavo vaerä mbovɨ ra reuta vae.

• Mburuvicha reta iley oyókuai agüɨye vaerä reu alcohol.

• Reï yave kia ndive oipotaä jou vae alcohol echa tenonde yave ikause vae ko.

¿Kia omenda yave ani ïru kia reta ndive reï yave ikavi ra remoinvita alcohol jou reta vaerä? Peikuaa vaerä pemae VIDEO re.

Pemongeta Romanos 13:13 jare 1 Corintios 10:31, 32. Pemongeta texto reta, jare peyemongeta jese:

• ¿Kërai pa ndemborɨ Biblia jei vae reiparavo kavi vaerä jare remboyerovia Jehová?

 5. Eiparavo mbovɨ ra reuta alcohol

Reiparavo yave reu alcohol, nemaendúa Jehová peguarä mbaetɨ ikaviä yau ërei ikaviä chupe yaasa ete yau. ¿Maera pa? Pemongeta Oseas 4:11, 18 jare peyemongeta jese:

• ¿Mbae pa oasa kia oasa ete jou yave alcohol?

¿Mbae pa yandemborɨta agüɨye vaerä yaasa ete yau alcohol? Metei ñavo yaikuaa kërai ko yandeve yau yave alcohol. Pemongeta Proverbios 11:2 jare peyemongeta jese:

• ¿Maera pa ikavi ko yaikuaa mbovɨ ra yandepuere yau alcohol?

6. Mbae pa ndemborɨta agüɨye ma ndekause vaerä

 YAYEMBOE MA VAE

Jehová omee alcohol yandemboyerovia katu vaerä, ërei omotareɨ savaɨpo jare oasa ete jou alcohol vae.

Emoësaka

• ¿Mbae pa jei Biblia alcohol re?

• ¿Mbae pa oasa kia oasa ete jou yave alcohol?

• ¿Kërai pa yaechauka respeto ïru reta omopiensa alcohol re vae?