Ñandejára oñeʼẽ ñandéve la Biblia rupive. Haʼe oipuru vaʼekue ijespíritu sánto oikuaauka hag̃ua ipensamientokuéra umi oskrivívape la Biblia (2 Pedro 1:20, 21). Ñande ikatu jaikuaa pe añetegua Ñandejáragui jaleéramo la Biblia. (Elee Juan 17:17 ha 2 Timoteo 3:16.)

Ñandejára omombeʼu heta mbaʼe la Bíbliape jaikuaave hag̃ua chupe. Por ehémplo, omombeʼu maʼerãpa ojapo yvyporakuérape, mbaʼépa ojapóta ñanderehehápe ha mbaʼéichapa oipota jaiko (Hechos 17:24-27). Ñandejára Jehová oipota jaikuaa pe añetegua chugui. (Elee 1 Timoteo 2:3, 4.)

Jehová ningo ndaijapúi ha omombaʼe pe añetegua. Upévare ombou Itaʼýra Jesúspe omboʼe hag̃ua la héntepe pe añetegua. Ha umi oikuaa porãséva Ñandejárape ohendu Jesús omboʼéva (Juan 18:37). Ñandejára oipota peichagua persóna oadora chupe. (Elee Juan 4:23, 24.)

Satanás heʼi Ñandejárare heta mbaʼe ndahaʼéiva siertogua, ha ikáusare hetaiterei persóna ndoikuaái Jehovápe (2 Corintios 4:3, 4). Umi hénte nomombaʼéiva umi mbaʼe porã oguerovia umi japu (Romanos 1:25). Péro hetaiterei persóna ipyʼaporãva oaprende pe añetegua Ñandejáragui ostudia rupi la Biblia. (Elee Hechos 17:11.)