Oñeporandúva jepi
¿Arakaʼépa oiko Gran Bretaña ha Estados Unídosgui pe goviérno omanda guasuvéva, heʼiháicha umi profesía?
▪ Nabucodonosor ohechavaʼekue iképe peteĩ estátua tuicháva, ha Jehová omyesakã Daniélpe mbaʼe goviérnopepa orrepresenta káda párte. Péro ko estátua norrepresentái enterove goviérno ko yvy ape ariguápe (Dan. 2:31-45). Upéicharõ jepe, oñerrepresenta pype cinco goviérno oisãmbyhyvaʼekue Daniel tiémpo guive ha oñemoĩ mbarete vaʼekue Jehová puévlore.
Oñeʼẽvo pe estátua rehe, Daniel ndeʼíri Gran Bretaña ha Estados Unidos oitytaha Rómape, síno osẽtaha chugui. Daniel heʼi pe iérro oñepyrũha hetyma guive ha ojagarraha ipy ha ipysã avei, péro ipy ha ypysãnguéra ndahaʼéi de iérro añónte, síno ojeheʼa ñaiʼũre. a Upéva heʼise Gran Bretaña ha Estados Unidos osẽtaha pe estátua retyma de iérrogui. Ha upeichaite oiko. Gran Bretaña ymave oĩvaʼekue Roma poguýpe, péro oñemohuʼãvo síglo dieciocho, oñepyrũ imbareteve. Upe rire, Estados Unidos de Américagui oiko avei peteĩ tetã iñimportánteva. Upéicharõ jepe, koʼã tetãgui neʼĩra gueteri oiko pe goviérno sieteha omanda guasuvéva. ¿Mbaʼérepa? Haʼekuéra oñomoirũ mbarete oñepyrũ rire ae pe primera gérra mundiál.
Upe tiémpope “pe Rréino ñemoñare” ombaʼapo meméma Estados Unídospe, ha omoĩ peteĩ séde Broóklynpe, táva Nueva Yórkpe (Mat. 13:36-43, NM). Upéicha avei, oĩ heta kristiáno unhído opredika kyreʼỹva umi tetã oĩvape Gran Bretaña poguýpe. Pe primera gérra mundiálpe Gran Bretaña ha Estados Unidos oñomoirũ oñorairõ hag̃ua iñenemigokuéra ndive. Hiʼarive, pe gérra omomýi chupekuéra omombaʼeve hag̃ua hetã, upéicha rupi ndaijaʼéi “pe kuña” ñemoñare rehe ha oproivi chuguikuéra umi puvlikasión, ha ogueraha kárselpe umi ermáno omotenondévape pe predikasión (Rev. 12:17).
Opakuévo síglo dieciocho, Gran Bretáñagui oiko peteĩ tetã imbaretetereíva. Upéicharõ jepe, pe goviérno sieteha omanda guasuvéva noñepyrũi gueteri oisãmbyhy upérõ, síno oñepyrũre Jesucristo ára, ohechaukaháicha umi profesía. b
[Nóta]
a Pe ñaiʼũ ojeheʼáva pe iérro rehe orrepresenta umi henteita oĩva Gran Bretaña ha Estados Unidos poguýpe ha omokangýva ko goviérno imbaretéva iérroicha. Ohasávo pe tiémpo, koʼã hénte imbareteve ohóvo ha ndohejái koʼã tetã omanda oipotaháicha.
b Koʼápe oñemyesakã mbaʼéichapa koʼág̃a oñentendevaʼerã koʼã profesía. Ndahaʼevéima osẽ haguéicha lívro Las profecías de Daniel, páhina 57, párrafo 24-pe, ha umi taʼanga oĩva páhina 56 ha 139-pe.
[Nóta oĩva taʼanga ndive páhina 19]
Ocho ermáno ombaʼapóva séde sentrál Watchtówerpe ojegueraha kárselpe junio 1918-pe
