Nemanduʼápa?

Releéparaʼe umi artíkulo osẽvaʼekue rrevísta Ñemañahápe? Jahechami rembohovaikuaápa koʼã porandu:

• Mbaʼéichapa ikatu ñaaprende pe ‘ñeʼẽ potĩ’, térã jaikuaa porã Ñandejárape ha hembipota? (Sof. 3:9.)

Ojejapoháicha jepi oñeaprende hag̃ua peteĩ idióma, upéicha avei jajapovaʼerã ñañeʼẽ hag̃ua pe ‘ñeʼẽ potĩ’: 1) jajapysaka porã, 2) ñañehaʼã ñañeʼẽ porã, 3) jastudia la Biblia jaservi porãve hag̃ua Jehovápe, 4) ñaaprende de memória heta mbaʼe, ikatu téysto térã umi lívro réra, 5) jastudia jey jey umi mbaʼe ñaaprendéva, 6) jajepyʼamongeta jaleévare, 7) ñañembokatupyryve, 8) ñamboyke ñane tiémpo jastudia hag̃ua, 9) ñañeʼẽ meme pe ‘ñeʼẽ potĩ’ (15/8, páhina 26-29).

• Mbaʼeichaguápa ñande Ru yvagapegua?

Ñandejára ‘héra Jehová’ ha oipota jaiporu héra (Éxo. 15:3). Haʼe ningo ‘mborayhu ha pyʼaguapy Jára’ (2 Cor. 13:11). ‘Ñandejára iñarandu’ ha ‘oporosalva’ (1 Sam. 2:3; Sal. 25:5). Jehová oñemoag̃uíta ñanderehe jaikuaa porãramo chupe (1/9, páhina 4-7).

• Mbaʼérepa oñembojoja umi omendávape peteĩ ‘pióla ipo mbohapývare’?

Koʼápe oñembojoja ména, tembireko ha Jehovápe peteĩ pióla ipo mbohapývare ha oñetrensáva ojuehe ijyve hag̃ua. Ijapytepekuéra Jehová hína pe iñimportantevéva, pe omombaretéva ména ha tembirekópe ombohovái hag̃ua opaichagua provléma (Ecl. 4:12). Ha upéicha rupi ojoayhuve ha ovyʼa hikuái (15/9, páhina 21).

• Pablo heʼi Hebreos 6:​2-pe ‘omoĩ hague ipo’ umi ogueroviáva akã ári, mbaʼépa heʼise upéva?

Upéva ndeʼiséi omoĩ hague chupekuéra ansiánoramo, heʼise guei omeʼẽ hague chupekuéra Ñandejára espíritu sánto ojapo hag̃ua milágro (Hech. 8:​14-17; 19:6) (La Atalaya 15/9, páhina 32).

• Mbaʼépa ojapovaʼerã peteĩ túva oñangareko porã hag̃ua ifamíliare?

Mitãnguéra oikotevẽ: 1) itúva ohayhu chupe, 2) omoĩ ehémplo, 3) ovyʼa hikuái, 4) oikuaa Ñandejárape, 5) ojekorrehi, 6) oñeñangareko hesekuéra (1/10, páhina 18-21).

• Mbaʼéichapa umi ansiáno ikatu ohechauka orrespetaha ermanokuérape?

Omombeʼuvaʼerã mbaʼérepa ojerure hikuái ojejapo hag̃ua peteĩ mbaʼe. Ha ndojerureivaʼerã mbaʼeve haʼekuéra voi ndaikatumoʼãiva ojapo (15/10, páhina 22).

• Mbaʼépa ojapovaʼerã umi omendáva ani hag̃ua ojopoi?

Koʼã konsého tuicha oipytyvõta chupekuéra: 1) omotenondevaʼerã iména térã hembireko 2) omboykevaʼerã opa mbaʼe omoakãrakútava chupe omoakãratĩ hag̃ua iména térã hembirekópe. Ha toiko oikóva mokõive oikuaavaʼerã oñopytyvõtaha ani hag̃ua ojopoi (La Atalaya 1/11, páhina 18-21).

• Mbaʼéichapa umi ansiáno ikatu osegi umi Israelgua ovecha rerekua ehémplo?

Yma Israélpe umi ovecha rerekua omboguata hag̃ua ijovechakuéra oiporu peteĩ yvyra puku. Ha omoinge hag̃ua ikorápe térã onohẽta jave, ombohasa chupekuéra upe yvyra guy rupi oipapa hag̃ua (Lev. 27:32). Upéicha avei umi ansiáno oikuaa porã vaʼerã Ñandejára ovechakuérape ha oikuaavaʼerã mbaʼépa oikotevẽ hikuái (15/11, páhina 9).

• Mbaʼéichapa sykuéra ipotĩvaʼerã hogapýpe?

Oikuaágui ikatuha oñembyai pe tembiʼu ojepoheivaʼerã opoko mboyve hese ha otapa porã. Ha ani hag̃ua oĩ anguja, térã tarave omopotĩ porã vaʼerã la hóga. Avei ojaojohéi ha oñatendevaʼerã hogayguakuéra ipotĩ hag̃ua. Upéicha ningo ojapo Ñandejára oipotaháicha (La Atalaya 1/12, páhina 9-11).