Pestudia mboyve

1. 1. Ejeprepara porã. Ejepreparakuévo epensa ne estudiántere, isituasiónre, mbaʼépa oikotevẽ, ha mbaʼépa oguerovia. Epensa avei mbaʼe pártepa ikatu ijetuʼu chupe ontende hag̃ua térã ojapo hag̃ua. Ehecha mbaʼéichapa pe párte “Einvestiga hag̃ua” ikatu ideprovécho ne estudiántepe, ha epensa tekotevẽtapa eipuru algúna párte chugui pestudia aja.

Pestudia aja

1. 2. Peñemboʼe vaʼerã oñepyrũ mboyve ha opa rire pe estúdio, ne estudiánte oĩma guive de akuérdo.

2. 3. Aníke eñeʼẽterei. Pehecha pe informasión oĩva upe leksiónpente, ha eheja ne estudiántepe toñeʼẽ lívremente.

3. 4. Káda ke pehasáta peteĩ seksión pyahúpe elee pe idéa prinsipál upe seksiónpe g̃uarã ha ikatu elee mbykymi algúno umi leksión título.

4. 5. Petermina vove peteĩ seksión, eipuru pe rrepáso upe seksionpegua eipytyvõ hag̃ua ne estudiántepe imanduʼa hag̃ua umi enseñánsa bíblica oaprende vaʼekuére.

5.  6. Pestudia aja káda leksión pejapo koʼã mbaʼe:

   1. Pelee oñondive umi párrafo oĩva oñepyrũvo káda leksión.

   2. Pelee entéro umi téxto bíblico heʼíva “Elee”.

   3. Pelee ótro téxto oiméramo tekotevẽ.

   4. Pehecha entéro umi vidéo heʼíva “Ehecha” (ikatúma guive).

   5. Ejapo ne estudiántepe enterove umi pregúnta.

   6. Peñemongeta oñondive entéro umi taʼanga oĩvare pe párte héravape “Ejepyʼamongetamína”.

   7. Eipuru pe párte heʼíva “Méta” eipytyvõ hag̃ua ne estudiántepe haʼete voi ohecha hag̃ua mbaʼéichapa oprogresa ohóvo. Emokyreʼỹ chupe omoĩ hag̃ua méta, ikatu pe oĩva upépe térã ótro.

   8. Eporandu ne estudiántepe ojepreparárõ guare pe estudiorã mbaʼépa ogustave raʼe chupe pe párte héravagui “Einvestiga hag̃ua”.

   9. Káda estúdiope peñehaʼã petermina peteĩ leksión.

Pestudiapa rire

1. 7. Esegi epensa ne estudiántere. Ejerure Jehovápe ovendesi hag̃ua chupe, ha omeʼẽ hag̃ua ndéve arandu ikatu hag̃uáicha esegi eipytyvõ chupe.