Katuete oiméne Ezequiel ohecháma rakaʼe umi estátua tuichaitereíva, tahaʼe umi tóro ipepopáva térã umi león iñakã kuimbaʼéva. Koʼã estátua oñemoĩ vaʼekue guárdiaramo umi palásio ha témplo renondépe. Umichagua estátua ojetopa vaʼekue Asiria ha Babilonia yma guarépe. Ezequiel ha entéro umi hénte ohecháva koʼã estátua oiméne ijurujái opytávo, pórke koʼãva tuichaiterei vaʼekue, ijyvate voi 6 métrorupi. Péro haʼetéramo jepe ipoderosoitereíva, koʼã estátua ndorekói vída, pórke itáguinte ojejapo vaʼekue.

Péro umi “4 keruvín” ohecha vaʼekue Ezequiel pe visiónpe, oikove vaʼekue. ¡Ajépa idiferentete umíva! Ezequiélpe osorprendetereíne raʼe ohechárõ guare koʼã mbaʼe, upévare haʼe mas de 10 vése voi oñeʼẽ koʼã keruvín rehe oñepyrũvo ilívro (Ezeq. 1:5-22). Upe visiónpe haʼe ohecha umi 4 keruvín oĩva Ñandejára tróno guýpe okuʼeha al mísmo tiémpo ha ohoha la mísma direksiónpe, upéva oiméne oipytyvõ Ezequiélpe ohechakuaa hag̃ua Jehová orekoha ipoguýpe kompletoite ikreasión. Koʼág̃arupi avei ñanesorprende upe visión, pórke ohechauka ñandéve mbaʼeichaitépa Jehová tuicha, ipoderóso ha ogovernaha ko univérso kompletoite (1 Crón. 29:11).