Ehémplo porã: Jacob

Heta áñoma ohasa Jacob noñeʼẽvéi hague iñermáno Esaú ndive. Esaú katu ndaijaʼéi voi hese. Ndahaʼéiramo jepe Jacob káusare, haʼe ohecha mbaʼépa ikatu ojapo osolusiona hag̃ua pe provléma. Oho Esaú rendápe, péro ndahaʼéi ohechauka hag̃ua chupe ojavy hague, síno oiko porã jey hag̃ua hendive. Upearã oĩ ojapo hag̃uáicha heta mbaʼe. Haʼe oñatende ojapótavare ha nohaʼarõi iñermáno ojediskulpa (Génesis 25:27-34; 27:30-41; 32:3-22; 33:1-9).

Reiko vaíramo ne ermáno térã nde tuvakuérandi, mbaʼépa rejapo resolusiona hag̃ua? Ani repensa haʼekuérante ojavyha. Pejoavy jave, rehaʼarõpa haʼekuéra raẽ ojediskulpa? Nemanduʼákena Jacob rehe, haʼe ningo oĩvaʼekue ojapo hag̃uáicha heta mbaʼe osolusiona hag̃ua pe provléma ha noñemohatãi haʼe heʼívapente (1 Pedro 3:8, 9). Oñemomirĩ guei ha upéicha rupi oiko porã jey iñermánondi. Rejapótapa nde avei upéicha?