Enterove ñaneñeʼẽrendu vaʼerã Ñandejárape ñande pyʼaite guive (Pr 3:1). Upévare ñaporomboʼe jave tekotevẽ japoko umi ñanerendúva korasõre. ¿Mbaʼéichapa jajapokuaa upéva?

Upearã ani emboʼénte ne estudiántepe umi enseñánsa oĩva la Bíbliape. Eipytyvõ guei chupe ohecha hag̃ua mbaʼéichapa la oaprendéva ideprovécho hekovépe ha oipytyvõ chupe oñemoag̃ui hag̃ua Jehováre. Ne estudiánte ohechakuaa vaʼerã la Biblia omandáva ohechaukaha Ñandejára oporohayhuha, imbaʼeporãha ha ihustoha. Mborayhúpe ejapo chupe unas kuánta pregúnta haʼe voi ohecha hag̃ua mbaʼépa opensa la oaprendévare. Eipytyvõ ne estudiántepe tohechakuaa mbaʼeichaitépa ou porãta chupe ndojapovéirõ umi mbaʼe ndogustáiva Ñandejárape. Revyʼaitereíta ningo ne estudiánte ohayhu vove ipyʼaite guive Jehovápe.

EHECHA PE VIDÉO JAVYʼÁKENA JAJAPÓVO DISÍPULO: ÑAÑEMBOKATUPYRYVE JAHÁVO: EPOKO NE ESTUDIÁNTE KORASÕRE, HA UPÉI ERRESPONDE KOʼÃ PORANDU:

• ¿Mbaʼérepa Nilda oporandu raʼe Aramípe opensápa raʼe la ohecha vaʼekuére hikuái akokuehe?

• ¿Mbaʼéichapa Nilda oipytyvõ Aramípe ontende hag̃ua umi rrégla Jehová omoĩva ohechaukaha ohayhuha chupe?

• ¿Mbaʼéichapa Nilda omokyreʼỹ Aramípe ohechauka hag̃ua haʼe ohayhuha Ñandejárape?