Salmos 95:1-11
95 Peju ñamombaʼeguasu Jehovápe, vyʼápe japurahéi chupe.
Haʼe ningo ñandéve g̃uarã peteĩ Ita Guasu ñandesalváva, hatã japurahéi haʼe ogana haguére.+
2 Jaha ñañepresenta Ñandejára renondépe ha jaagradese chupe.+
Japurahéi ha ñamombaʼeguasu chupe haʼe ogana haguére.
3 Jehová ningo peteĩ Dios ipoderosoitereíva,haʼe hína pe Rréi ipoderosovéva entéro umi ótro dios apytépe.+
4 Ko yvy kompletoite haʼe oreko ipoguýpe,umi montáña ruʼã guive ko yvy rugua peve.+
5 Pe mar ningo imbaʼe pórke haʼe ojapo,+haʼe ojapo avei ko yvy.+
6 Peju ñamombaʼeguasu chupe ha ñañakãity henondépe,ñañesũ ñande Apohare Jehová renondépe.+
7 Haʼe hína ñande Dios,ñande katu ipuévlo ha haʼe oñangareko ñanderehe.
Ñande ningo ijovecha mimi ha haʼe okuida ñanderehe.+
Koestedía peẽ pehendúramo iñeʼẽ,+
8 ani pemohatã pene korasõ ojapo haguéicha pende tuakuéra ypykue Meribápe.*+
Upérõ pe puévlo chedesafia Masápe,* pe desiértope.+
9 Upérõ haʼekuéra opuʼã cherehe,+haʼekuéra chedesafia ohecháramo jepe umi mbaʼe che ajapo vaʼekue.+
10 Upe henerasión chembopochy ha chemonguerái vaʼekue 40 áñore.
Upévare haʼe: “Ko puévlo siémpre oho tape vaíre, oheja ombotavy chupekuéra ikorasõ.
Koʼã hénte ndojaposéi la che haʼéva”.
11 Upévare chepochyeterei ha ahura voi:
“Che napermitimoʼãi oike hikuái pe lugár che arekóvape apytuʼu hag̃ua”.+
