Salmos 89:1-52
Maskil.* Etán+ purahéi, pe ezrahíta.
89 Jehová, che apurahéita ha amombeʼúta mbaʼeichaitépa nembaʼeporã.*
Nde ningo siémpre rejapo iporãva ha nderefallái avavéndi, che aikuaaukáta upéva che familiakuérape ha umi henerasión oúvape.
2 Che haʼe Ñandejárape: “Nde ningo reporohayhueterei ha nembaʼeporã,* ha péicha resegíta siémpre.+
Pe yvága oĩháicha opa ára g̃uarã, nde siémpre rejapóta iporãva, ha nderefallamoʼãi avavéndi”.
3 Ñandejára katu heʼi: “David ningo che siérvo, che aiporavo chupe.+
Che ajapo hendive peteĩ kompromíso ha ahura akumplitaha upéva.+
4 Che haʼe Davídpe: ‘Aipytyvõta ne familiarépe*+ oĩ porã hag̃ua opa ára g̃uarã.
Che amombaretéta ne tróno ha opytáta pára siémpre’”.+ (Sélah)
5 Jehová, pe yvága omombaʼeguasúta umi mbaʼe porã nde rejapo vaʼekue,umi ipotĩva* kongregasión omombeʼúta nde nderefallaiha avavéndi.
6 ¿Máva piko yvágape ikatu oñekompara Jehováre?+
¿Máva piko umi ánhel*+ apytépe oñembojojáta Jehováre?
7 Ñandejárape ojerrespetaiterei umi ipotĩva apytépe.*+
Enterove umi oĩva Ñandejára jerére oikuaa mbaʼeichaitépa haʼe tuicha ha ipoderóso.+
8 Jehová, nde hína umi ehérsito yvagapegua ruvicha,Jehová,* ¿máva piko ndéicha ipoderóso?+
Opa mbaʼépe ningo nde rehechauka rejapoha iporãva.+
9 Nde redomina pe mar pochýpe,+nde rejoko umi oláda tuichaicha opuʼã jave.+
10 Ñandejára, nde rehundiete Rahábpe,*+ peteĩ persónape ojejukaháicha.+
Nde podér rupive rembodiparapa ne enemigokuérape.+
11 Pe yvága ha yvy ningo nembaʼe, umíva ne rembiapokue,+ha opa mbaʼe oĩva ko yvýpe nembaʼénte avei.+
12 Ñandejára, pe Sérro Tabor+ ha Hermón+ vyʼapópe ombotuicha nde réra,nde reipotágui ningo oĩ nórte ha sur.
13 Ñandejára, nde jyva ningo ipoderóso,+ha nde po imbarete.+
Nde regana ha rehupi yvate nde po derécha.+
14 Nde reporohayhueterei*+ ha núnka nderefallái avavéndi,ndehústo+ ha rejapo iporãva, koʼã mbaʼe haʼete voi peteĩ simiénto oguapyhápe ne tróno.
15 Jehová, ovyʼaite pe puévlo opurahéiva nemombaʼeguasu hag̃ua,+haʼekuéra kontinuadoite oiko nde rapére ha nde reguerohory chupekuéra.*
16 Nde réra rupive haʼekuéra ovyʼa tódo el tiémpo.
Ha ndehústo rupi nde remombaʼe chupekuéra.
17 Ñandejára, nde remeʼẽ fuérsa+ ha rembotuicha nde puévlope.
Nde oreguerohory rupi ore podér* tuichavéta.+
18 Jehová omeʼẽ oréve ore eskúdo,Israel Jára* omeʼẽ oréve ore rréi.+
19 Upe tiémpope nde reñeʼẽ vaʼekue umi iñeʼẽrendúvape,peteĩ visión rupive ere chupekuéra: “Che amombarete peteĩ kuimbaʼe ipoderósovape.+
Aiporavo upe kuimbaʼépe che puévlo apytégui ha ambotuicha chupe.+
20 Che ahecha che siérvo Davídpe+
ha aiporavo* chupe amoĩvo aséite iñakãre.+
21 Che siémpre aipytyvõta+
ha amombaretéta chupe.
22 Ni peteĩva iñenemígo ndojaprovechamoʼãi hese.
Ha umi iñañáva ndotratavaimoʼãi chupe.+
23 Henondépe ahundíta umi iñenemígope,+umi ndaijaʼéiva hese omanombáta.+
24 Che siémpre aiméta ijykére, ahayhuetereíta chupe ha ndafallamoʼãi hendive.*+
Che réra rupive ipodér* tuichavéta.
25 Che amoĩta ijautorida pe mar ári,ameʼẽta chupe autorida omanda hag̃ua umi rrío rehe.+
26 Pe rréi heʼíta chéve: ‘Nde ningo che Ru,che Jára, ha pe Ita Guasu siémpre chesalváva’.+
27 Che katu ameʼẽta chupe pe lugár otokáva pe taʼýra ypykuépe,+ha oikóta chugui pe rréi ipoderosovéva ko yvy ape ári.+
28 Che siémpre ahayhúta chupe ha núnka ndafallamoʼãi hendive.*+
Katuete akumplíta pe kompromíso ajapo vaʼekue hendive.+
29 Aipytyvõta ifamiliarépe oĩ porã hag̃ua opa ára g̃uarã.
Pe yvága oĩháicha opa ára g̃uarã, itróno opytáta pára siémpre.+
30 Péro itaʼyrakuéra omboykéramo che léiha nokumplivéi umi mbaʼe che amandáva,*
31 ndojapóiramo umi mbaʼe oĩva che léipe,ha nokumplíriramo che mandamiénto,
32 che akastigáta chupekuéra.*+
Naiñeʼẽrendúi* haguére ainupãta chupekuéra.
33 Péro siémpre asegíta ahayhueterei* upe aiporavo vaʼekuépe,+che ndafallamoʼãi hendive, akumplíta la che promésa.
34 Che napyrũmoʼãi che ñeʼẽre,+katuete akumplíta pe kompromíso ajapo vaʼekue hendive.+
35 Che ningo peteĩ Dios siémpre okumplíva iñeʼẽ,che núnka ndachejapumoʼãi Davídpe, che ahuráma chupe akumplitaha che ñeʼẽ.+
36 Ifamiliare opytáta opa ára g̃uarã.+
Pe kuarahy oĩháicha opa ára g̃uarã, itróno opytáta pára siémpre.+
37 Pe jasy siémpre oĩháicha yvágape, péicha avei itróno opytáta pára siémpre.
Pe jasy ningo peteĩ testígo yvágape ohechaukáva siertoha la che haʼéva”. (Sélah)
38 Péro koʼág̃a Ñandejára, nde ndepochy upe reiporavo vaʼekuéndi,nde remboyke ha reheja rei chupe.+
39 Ndereikuaasevéi mbaʼeve pe kompromíso rejapo vaʼekuégui hendive,ha rejagarra remombo yvýpe pe rréi koróna redespresiágui chupe.
40 Reitypaite imurallakuéra ojejapóva itágui,ha rehundipaite umi lugár isegúro porãva.
41 Ohasáva guivénte osakea chupe,ha umi oikóva ijerére oñembohory hese.+
42 Nde reheja iñenemigokuéra ipuʼaka hese,*
ha repermiti opukapa hese hikuái.+
43 Nderehejavéi ogana gerrahápe,reñemoĩ hese ha ijespádare.
44 Irréino porãite koʼág̃a opyta tesaráipe,pe itróno yvýre opyta.
45 Nde káusare pe rréi pyaʼeterei ituja,nde repermiti oñemotĩ tuichaiterei chupe. (Sélah)
46 Jehová, ¿arakaʼe peve piko resegíta rekañy orehegui? ¿Resegíta piko péicha pára siémpre?+
Nde ningo resegínte ndepochy orendive, haʼete peteĩ tata núnka ndoguéiva.
47 Ñandejára, nemanduʼána mbaʼeichaitépa mbyky ko che rekovemi.+
¿Maʼerã piko upéicharõ rejapo rakaʼe yvyporakuérape?
48 ¿Oĩne piko peteĩ persóna ikatúva heʼi núnka nomanomoʼãiha?+
Ndaipóri ni peteĩ ikatúva ojesalva ijupe voi* ani hag̃ua oho opa pe Sepultúrape.* (Sélah)
49 Nde ningo rehechauka vaʼekue Davídpe nembaʼeporãha hendive ha rehayhuha chupe.
Jehová, nde ningo peteĩ Dios nderefalláiva avavéndi, ¿moõ piko upéicharõ opyta umi promésa rejapo vaʼekue chupe?+
50 Jehová, nemanduʼána mbaʼeichaitépa umi hénte oñembohory nde siervokuérare.
Umi tetã ningo heʼi heta mbaʼe vai, ha che aiko vaʼerã aaguantapa umíva.
51 Jehová, umi ne enemígo hetaiterei mbaʼe vai heʼi,oñembohory hikuái upe nde reiporavo vaʼekuére.
52 Toñembotuicha Jehovápe opa árare. Amén ha Amén.*+
Nóta
^ Térã: “rehechauka mborayhu ifiélva”.
^ Térã: “desendiéntepe”. Hebréope: “semílla”.
^ Térã: “sánto”.
^ Hebréope: “Ñandejára raʼykuéra”.
^ Térã: “aty guasúpe”.
^ Hebréope: “Jah”. Péicha oñemombyky Jehová réra.
^ Amalisia koʼápe oñeñeʼẽ hína Egipto rehe térã pe faraón rehe.
^ Térã: “rehechauka mborayhu ifiélva”.
^ Hebréope: “nde rova ohesapehápe”.
^ Hebréope: “hatĩ”.
^ Térã: “ahechaukáta mborayhu ifiélva”.
^ Térã: “ahechaukáta mborayhu ifiélva”.
^ Térã: “che huísio”.
^ Térã: “Ojerrevela”.
^ Hebréope: “akastigáta chupekuéra garrótepe”.
^ Térã: “ahechaukáta mborayhu ifiélva”.
^ Hebréope: “rehupi iñenemigokuéra po derécha”.
^ Térã: “osalva hiʼálma”.
^ Térã: “Taupéicha ha Taupéicha”.
