Salmos 83:1-18
Peteĩ purahéi. Asaf melodía.+
83 Ñandejára Todopoderóso, anína repyta kirirĩháme,+anína remañánte la oikóvare ha nderejapói mbaʼeve.
2 Emañamína mbaʼéichapa ne enemigokuéra opuʼãmba nderehe.+
Umi ndaijaʼéiva nderehe oiko oñemombaʼeguasu.
3 Haʼekuéra ivaleterei otrama hag̃ua ñemiháme mbaʼéichapa oatakáta nde puévlope.
Nde reprotehe* nde puévlope, péro ne enemigokuéra oiko oplanea mbaʼépa ojapóta hesekuéra.
4 Haʼekuéra heʼi: “Jaha ñahundi pe nasión israelítape,+anivéma hag̃ua núnka avave imanduʼa Israel rehe”.
5 Ñandejára, umi ne enemígo ningo okalkula oñondivepa mbaʼépa ojapóta,oñemoĩ peteĩ ñeʼẽme* opuʼã hag̃ua nderehe.+
6 Umíva hína umi edomita, umi ismaelita,* umi moabita+ ha hagrita.+
7 Avei umi tetã Guebal, Ammón+ ha Amalec,umi filisteo+ ha avei umi oikóva Tírope.+
8 Asiria+ avei omoirũ chupekuéra,haʼekuéra osẽ Lot desendientekuéra* favórpe.+ (Sélah)
9 Ñandejára, ehundína chupekuéra rehundi haguéicha umi madianítape,+ejapo hesekuéra rejapo haguéicha Sísara ha Jabín rehe arrójo* Cisónpe.+
10 Haʼekuéra oñehundipa vaʼekue En-Dórpe,+ha umi hetekue opyta isarambipa animál rekakáicha pe yvýre.
11 Ehundi imburuvichakuérape rehundi haguéicha Oreb ha Zeébpe.+
Ha iprinsipekuérare* katu ejapo Zébah ha Zalmuná rehe rejapo haguéicha.+
12 Haʼekuéra oiko heʼi: “Jajagarra pe yvy oikohápe Ñandejára”.
13 Ñandejára, emboveve chupekuéra ñana pirukuéicha,+ha kapiʼi pirukuéicha togueraha chupekuéra yvytu.
14 Pe tata ohapyháicha peteĩ kaʼaguy,ha pe tatarendy ojagarraháicha umi montáña,+
15 péicha epersegi chupekuéra.
Emondo hiʼarikuéra peteĩ torménta,+ ha pe yvytu atã tomongyhyje ha tombodiparapa chupekuéra.+
16 Jehová, eheja toñemotĩ chupekuéra,péicha haʼekuéra oñehaʼãta ojevy jey ne rendápe.
17 Toñemotĩ hikuái ha toiko kyhyjepópe opa árare,tojeapoʼi chupekuéra ha tomanomba.
18 Péicha umi hénte oikuaáta, nde nderérava Jehová,+nde añoite hína haʼeha Ñandejára Ndaijojaháiva ko yvy ape ári.+
Nóta
^ Hebréope: “remokañy”.
^ Térã: “ojapo peteĩ kompromíso”.
^ Hebréope: “Edom ha umi ismaelita róga kárpa”.
^ Koʼápe oñeñeʼẽ hína umi moabita ha ammonita rehe.
^ Térã: “yrape”.
^ Térã: “iliderkuérare”.
