Salmos 45:1-17
Pe odirihíva musikokuérape g̃uarã. “Los Lírios” tóno rehe. Coré raʼykuéra+ purahéi. Maskil.* Ko purahéioñeʼẽ mborayhúre.
45 Oĩ peteĩ mbaʼe chembopyʼarorýva.
Che haʼe: “Ko purahéi* oñeʼẽ peteĩ rréi rehe”.+
Che jurúgui ngaʼu oiko peteĩ lápi*+ oipurúva peteĩ eskritór* ivaléva.+
2 Entéro kuimbaʼe apytépe nde hína la neporãvéva.
Umi mbaʼe eréva ningo igustoiterei ñahendu.+
Upévare Ñandejára nevendesi opa ára g̃uarã.+
3 Nde ningo peteĩ rréi ipoderósova,+ upévare emoĩna nde espáda nde kuʼáre,+ha ehechauka la nde autorida ha remanda guasuha.+
4 Nde reguereko tuicha autorida, upévare esẽna egana ne enemigokuérape.+
Ejupi nde kavaju ári ha eho eñorairõ redefende hag̃ua pe añetegua, pe hustísia ha umi iñumíldevape.+
Nde podér rupive rejapóta heta mbaʼe tuichaitereíva ha umi hénte opytáta okyhyje.
5 Umi nde flécha hakua porã ha ovandea ne enemigokuéra korasõ.+
Umi puévlo opuʼãva ne kóntrape operde vaipaite.+
6 Ñandejára omeʼẽ ndéve autorida regoverna hag̃ua* opa ára g̃uarã,+ha upévare ne rréino siémpre ojapóta hustísia.+
7 Nde rehayhu pe hustísia+ ha nderechaʼéi umi mbaʼe vai ojejapóvare.+
Upévare Ñandejára, nde Jára, omoĩ aséite ne akãre ndeporavo* hag̃ua,+ ha nepytyvõ revyʼaiteve hag̃ua umi ótro rréigui.+
8 Umi nde ao oñeperfuma mírra, aloe ha kásiape.
Pe palásio orekopávagui adórno de marfíl* oñehendu músika iporãitereíva, ha upéva nembovyʼa.
9 Umi rréi rajykuéra oĩ umi kuña remombaʼéva apytépe.
Pe rréina oguapýma nde deréchape, haʼe oipuru umi adórno ojejapóva óro de Ofírgui.+
10 Che rajy, ejapysaka porãmi cherehe ha eñatende la haʼétavare.
Eñembyesarái nde puévlogui ha anive nemanduʼa ne hentekuérare.
11 Pe rréi ndeguerohory pórke neporãiterei.
Haʼe koʼág̃a nde járama,upévare reñakãity vaʼerã henondépe.
12 Siuda de Tírogui oúta umi hénte* ha oguerúta ndéve rregálo,umi iplatavéva oñemoĩ porãséta nendive.
13 Pe palásiope pe rréi rajy iporãitereíma,ijao oreko adórno de óro ojajaipáva.
14 Upe ijao ningo ojevordapa. Péicha ojegueraháta chupe pe rréi rendápe.
Ha umi kuñataĩ* omoirũva chupe oñepresentáta avei pe rréi renondépe.
15 Enterove umi ohóva hendive ovyʼa joa,haʼekuéra oikéta pe rréi palásiope.
16 Nde raʼykuéra opytáta nde tuakuéra ypykue rendaguépe.
Nde renombráta chupekuéra prínsipe ko yvy ape ári.+
17 Ñandejára, che amombeʼúta umi henerasión oútavape umi mbaʼe rejapo vaʼekue nde réra rehehápe.+
Upévare umi hénte nemombaʼeguasúta opa ára g̃uarã.
Nóta
^ Hebréope: “Che rembiapo”.
^ Térã: “eskriváno”.
^ Hebréope: “Ñandejára hína ne tróno”.
^ Hebréope: “Tiro rajy oúta”.
^ Hebréope: “vírhen”.
