Salmos 31:1-24
Pe odirihíva musikokuérape g̃uarã. David purahéi.
31 Jehová, che añemoag̃ui nderehe nde cheprotehe hag̃ua.+
Nde ningo ndehústo,+chesalvána ha ani repermiti añemotĩ.+
2 Ñandejára, cherendúna por favór,* ha pyaʼe eju chesalva.+
Cheprotehemína, ndéngo peteĩ lugár isegúro porãva,+haʼete voi peteĩ montáña núnka ndokuʼemoʼãiva.
Nde poguýpe añemoʼãramo, mbaʼevete asy ndojehumoʼãi chéve.
3 Nde ningo peteĩ kuéva tuicháva ikatuhápe aha akañy, nde siémpre cheprotehe.+
Nde chegia ha chegueraha tape porãre+ nde réra rehehápe.+
4 Umi che enemígo omoĩ ñuhã chereity hag̃ua, péro nde nderehejái haʼa umívape.+
Nde ningo peteĩ lugár ikatuhápe añemoʼã.+
5 Ñandejára, nde pópe aheja che rekove.*+
Nde ningo chesalva, Jehová, ndehegui ou pe añetegua.*+
6 Che siémpre ajerovia Jehováre,ha ndachaʼeiete voi umi hénte oikóvare oadora umi taʼanga ndovaléiva mbaʼeverã.
7 Ñandejára, nde rehecha mbaʼeichaitépa ahasa asy,+ha mbaʼéichapa aiko añelamenta,*
péro nde cherayhueterei* ha upéva chembovyʼaiterei.
8 Nde nderehejái che enemígo ipuʼaka cherehe,nde chegueraha peteĩ lugár isegúro porãvape.*
9 Jehová, nembaʼeporãmína chendive, pórke hetaitereíma asufri.
Asufri rupi cheresa kangypáma+ ha chekangypaite voi.+
10 Mbykýma che raperã pórke oĩ heta mbaʼe chepyʼapýva,+heta mbaʼe oĩ chekevrantáva, upévare amano mbotáma.+
Aikuaa hetaiterei mbaʼe vai ajapo hague ha upéva chemokangyeterei,ni che kangue naimbaretevéima.+
11 Umi che enemígo chedespresia,+koʼýte che vesinokuéra.
Umi che konosído okyhyjepa chehegui,haʼekuéra cherecháramo upérupi, okañymba chehegui.+
12 Umi hénte ndacheguerekovéi enkuénta mbaʼeverã, hesaráima chehegui, haʼete voi amanómava,che ningo peteĩ kambuchi jekakuénte chupekuéra g̃uarã.
13 Aikuaa heʼiha cherehe hikuái heta mbaʼe vai.
Umi hénte aña oñembyatyha okalkula mbaʼéichapa ikatu chejuka.*+
Upévare ahahápente akyhyje.+
14 Péro che ajerovia nderehe Jehová.+
Upévare haʼe: “Nde hína che Jára”.+
15 Che rekove oĩ nde pópe.
Chesalvána che enemigokuéragui ha entéro umi chepersegívagui.+
16 Ñandejára, ehechaukána reguerohoryha nde siérvope.*+
Che ningo ajerure ndéve chesalvami hag̃ua, pórke nde siémpre nembaʼeporã.
17 Jehová, ani reheja añemotĩ, che ningo ajerure ndéve chepytyvõmi hag̃ua.+
Toñemotĩ umi che enemígo,+ejurumboty chupekuéra ha topyta pe Sepultúrape.*+
18 Tokirirĩete umi ijapúva+ ha umi hénte oñembohorýva ivuénovareha oikóva odespresia chupekuéra.
19 Ñandejára, nde nembaʼeporãiterei.+
Nde reguereko heta vendisión umi nderrespetávape g̃uarã.+
Ha rehechauka upéva umi ojerrefuhiávape nderehe, rejapo entéro umi ótro hénte rovake.+
20 Nde remokañýta chupekuéra pe lugár sekréto oĩvape ne renondépe,+péicha reprotehéta chupekuéra umi persóna operhudikasévagui chupekuéra.
Nde remokañýta chupekuéra nde técho guýpeumi hénte oatakávagui chupekuéra.+
21 Aĩrõ guare peteĩ siuda ojeatakávape,+ ni naimoʼãi mbaʼéichapa Ñandejára ohechauka imbaʼeporãitereiha+ chendive.*
Upévare toñemombaʼeguasu Jehovápe.
22 Che tuichaiterei añemondýi kuri ha haʼe voi:
“Koʼápe ja amanóma”.+
Péro nde rehendu ajerure asýrõ guare ndéve chepytyvõ hag̃ua.+
23 Pehayhúkena Jehovápe peẽ peneñeʼẽrendúva chupe.+
Jehová oprotehe umi iñeʼẽrendúvape,+péro umi oñemombaʼeguasúvape okastiga katuete.+
24 Entéro peẽ pejeroviáva Jehováre,+pendepyʼaguasúkena ha ani pekyhyje.+
Nóta
^ Térã: “ejayvýna ha cherendu”.
^ Hebréope: “che espíritu”.
^ Térã: “nde núnka nderefalláiva avavépe”.
^ Térã: “oñelamenta che álma”.
^ Térã: “peteĩ lugár tuicha porãvape”.
^ Térã: “ojuka che álma”.
^ Hebréope: “tomimbi nde rova nde siérvore”.
^ Térã: “mborayhu ifiélva”.
