Salmos 30:1-12
-
Oñembyasy péro upéi ovyʼa.
-
Ñandejára siémpre imbaʼeporã ñanendive (5).
-
Ko purahéi ojejapo oñeinagurárõ guare peteĩ óga. David purahéi.
30 Jehová, romombaʼeguasúta nde chesalva haguére.
Nde nderehejái oñembohory cherehe umi che enemígo.+
2 Jehová, che ajerure ndéve sokórro, ha nde chepytyvõ aime porã jey hag̃ua.+
3 Jehová, nde ningo chemopuʼã* pe Sepultúragui,*+
nde chesalva ha nderehejái aha yvykuápe.*+
4 Pepurahéi Jehovápe peẽ peneñeʼẽrendúva chupe,+pembotuicha ha perrespeta héra porãite.+
5 Ñandejára ipochýramo ñanendive, upéva sapyʼaite g̃uarãnte,+péro haʼe imbaʼeporã ñanendive opa ára g̃uarã.+
Ikatu ndetríste ndekaʼarúvo, péro upéi koʼẽ rire revyʼaitereíta.+
6 Che aiko vaʼekue trankiloite ha haʼe:
“Núnka ndoikomoʼãi cherehe mbaʼeve”.
7 Jehová, nde cheguerohorýrõ guare, nde chepytyvõ chembarete hag̃ua peteĩ montáñaicha.+
Péro rekañýrõ guare chehegui,* aju chekangy ha akyhyjeterei.+
8 Jehová, che ningo asegi ajerure asy ndéve cheguerohory hag̃ua.+
Jehová, aipotaite cherendumi.
9 ¿Mbaʼépe piko ideprovécho la che amanóramo* ha aha apyta pe yvyguýpe?*+
¿Pe yvy rei piko nembotuicháta+ térã omombeʼúta nembaʼeporãha?+
10 Jehová, chepytyvõmína por favór.+
Jehová, ehechaukána nembaʼeporãha chendive.+
11 Ñandejára, che ajaheʼo kuri péro nde chepytyvõ ha koʼág̃a ajeroky vyʼágui.
Natekotevẽvéima amoĩ umi ao aipurúva añembyasy jave, pórke avyʼaitereíma.
12 Péicha che apurahéita romombaʼeguasu hag̃ua ha nakirirĩmoʼãi.
Jehová che Jára, che adesidíma siémpre romombaʼeguasutaha.
Nóta
^ Térã: “emopuʼã che álma”.
^ Térã: “sepultúrape”.
^ Hebréope: “remokañýrõ guare nde rova”.
^ Hebréope: “che ruguy”.
^ Térã: “sepultúrape”.
