Salmos 149:1-9
149 ¡Pemombaʼeguasu Jehovápe!*
Pepurahéi Jehovápe peteĩ músika pyahu.+
Pembotuicha chupe umi iñeʼẽrendúva kongregasiónpe.+
2 Peẽ Israelgua, pevyʼákena pende Apohare Tuichaitéva reheve.+
Sion raʼykuéra, pevyʼákena pórke Ñandejára hína pende Rréi.
3 Pejeroky ha pembotuicha Ñandejára réra.+
Pepurahéi ha pembotuicha chupe panderéta ha árpa púpe.+
4 Jehová oguerohory ipuévlope.+
Haʼe ombotuicha umi ivuénovape osalvávo chupekuéra.+
5 Umi iñeʼẽrendúva ovyʼa pórke Ñandejára ombotuicha chupekuéra,ha oñeno jave jepe vyʼápe opurahéita hikuái.+
6 Aipotaite haʼekuéra siémpre opurahéi umi músika ombotuicháva Ñandejárape,ha torekóma ipopekuéra káda uno ijespáda haimbe jováiva.
7 Péicha oñevengáta hikuái umi tetãreha okastigáta umi puévlope.
8 Oenkadenáta umi rréipeha umi governántepe,
9 ojejapo hag̃ua hesekuéra ojeskriviháicha pe léipe ikontrapekuéra.+
Péicha oñemombaʼéta enterove umi iñeʼẽrendúvape chupe.
¡Toñemombaʼeguasu Jehovápe!*
Nóta
^ Térã: “Alelúja”, heʼiséva “pemombaʼeguasu Jáhpe”. Jah, péicha oñemombyky Jehová réra.
^ Térã: “Alelúja”, heʼiséva “pemombaʼeguasu Jáhpe”. Jah, péicha oñemombyky Jehová réra.
