Salmos 148:1-14
148 ¡Pemombaʼeguasu Jehovápe!*
Pemombaʼeguasu Jehovápe peẽ peikóva yvágape,+pejapo upéva peẽ peikóva amo yvate.
2 Enterove Ñandejára anhelkuéra, tomombaʼeguasu chupe,+tomombaʼeguasu chupe ijehérsito yvagapegua.+
3 Tomombaʼeguasu Ñandejárape pe kuarahy ha pe jasy,umi estrélla omimbipáva tombotuicha chupe.+
4 Tomombaʼeguasu Ñandejárape pe yvága ijyvatevéva,*
ha umi arai oguerúva ama.
5 Koʼã mbaʼe ningo Jehová ojapo, ha haʼe oipota rupi oĩ,+upévare omombaʼeguasu vaʼerã hikuái Ñandejára réra porãite.
6 Ñandejára oipotágui, haʼekuéra oĩta siémpre,+upéva haʼe odesidi ha mbaʼeve nokambiamoʼãi la omanda vaʼekue.+
7 Pemombaʼeguasu Jehovápe enterove peẽ peikóva ko yvy ape ári,peẽ umi animál tuichaitéva oikóva pe márpe ha entéro umi y ipypukúva.
8 Tomombaʼeguasu chupe pe amandáu, umi rrájo, niéve ha umi arai hũ,ha avei pe yvytu atã ojapóva haʼe oipotáva.+
9 Tomombaʼeguasu Ñandejárape umi montáña ha sérro,+entéro umi yvyramáta hiʼáva ha umi sédro máta.+
10 Tomombaʼeguasu Ñandejárape entéro umi animál salváhe+ ha umi imánsova,umi animál otyryrýva ha umi guyrakuéra.
11 Tomombaʼeguasu avei Ñandejárape entéro umi tetã, umi rréi ha umi prínsipe,avei entéro umi hués oĩva ko yvy ape ári.+
12 Pemombaʼeguasu Ñandejárape peẽ mitãrusu ha mitãkuñanguéra,*
umi ijedámava ha umi imitãva tomombaʼeguasu chupe oñondivepa.
13 Enterove ikreasión tombotuicha Jehová réra,pórke héra ningo ndaijojahái.+
Ijautorida ha ipodér tuichave pe yvága ha ko yvýgui.+
14 Ñandejára omeʼẽvéta fuérsa* ipuévlopeoñembotuicha hag̃ua entéro umi iñeʼẽrendúvape chupe.
Haʼekuéra ningo Israel família, peteĩ puévlo oĩ porãva Ñandejára renondépe.
¡Pemombaʼeguasu Jehovápe!*
Nóta
^ Térã: “Alelúja”, heʼiséva “pemombaʼeguasu Jáhpe”. Jah, péicha oñemombyky Jehová réra.
^ Hebréope: “siélos de los siélos”.
^ Hebréope: “umi vírhen”.
^ Térã: “Alelúja”, heʼiséva “pemombaʼeguasu Jáhpe”. Jah, péicha oñemombyky Jehová réra.
