Salmos 102:1-28
Oñembyasýva ñemboʼe. Haʼe ojedesespera* ha omombeʼupaite Jehovápe la oñandúva.+
102 Jehová, ehendumína che ñemboʼe,+chéngo ajerure asy ndéve chepytyvõ hag̃ua.+
2 Hetaiterei ningo cheprovléma, ani reñemolómo* chehegui.+
Ñandejára, cherendúna* por favór.
Anína rehaʼarõiterei rekontesta hag̃ua chéve.+
3 Che ningo tatatĩcha apa reíta.
Che kangue katu hasy, haʼete voi okáiva hína tatápe.+
4 Che korasõ ojogua peteĩ plánta kuarahy ohundi ha ombopiru vaʼekuépe,+ni nachemanduʼavéima akaru vaʼerãha.
5 Hetaitereíma ajaheʼo,+upévare chepiru chekã.+
6 Ajogua umi pelíkano oikóvape pe desiértore,umi kavureʼi oikóvape haʼeño umi lugár opyta vaʼekuépe nandi.
7 Ndaikatuvéi ni ake,ajogua umi guyra oĩvape haʼeño rei pe téchore.+
8 Che enemigokuéra cheataka tódo el tiémpo.+
Umi oñembohorýva cherehe oipuru che réra omaldesi hag̃ua hapichápe.
9 Tanimbu koʼág̃a che rembiʼu,+ha detánto ke cherasẽ che resay oikepa che vásope.+
10 Péicha aiko nde ndepochýgui chendive,nde ningo chemopuʼã ha upéi chemombo jey.
11 Pe sómbra pyaʼeterei ova, péicha che rekove pyaʼeterei ohasa.+
Ajogua peteĩ plánta ipirúvape ohóvo.+
12 Péro nde Jehová repytáta pára siémpre,+umi hénte oikuaáta nde réra* opa ára g̃uarã.+
13 Aikuaa porã nde repuʼãtaha ha rehechaukataha rembyasyha Siónpe,+pórke og̃uahẽma pe tiémpo reguerohory hag̃ua nde puévlope,+nde voi remoĩ vaʼekue mbaʼe tiémpopepa oikóta upéva.+
14 Nde siervokuéra ohayhueterei Sion murálla hoʼapa vaʼekue.+
Pe yvy oĩva upépe jepe haʼekuéra omombaʼe.+
15 Jehová, nde ningo ndepoderóso ha nde réra ojekuaa opárupi,upévare umi tetã ha entéro umi rréi okyhyjéta ndehegui.+
16 Jehová omopuʼã jeýta Siónpe+
ha ohechaukáta ipodér.+
17 Umi opytáva mbaʼeveʼỹre oñemboʼéta ha Ñandejára ohendúta chupekuéra.+
Haʼe nomboykemoʼãi haʼekuéra ojeruréva.+
18 Koʼã mbaʼe ojeskrivi pe henerasión oútavape g̃uarã.+
Ikatu hag̃uáicha omombaʼeguasu Jehovápe* pe puévlo oñeformátava upe rire.
19 Jehová oĩ yvágapeha pe lugár sagrádo guive omaña ko yvy gotyo.+
20 Haʼe ohecha mbaʼéichapa osuspira umi prisionéro.+
Haʼe osalváta umi oñekondenávape ojejuka hag̃ua.+
21 Péicha oñemombaʼeguasúta Jehová réra Siónpe,+ha oñembotuicháta chupe Jerusalénpe.
22 Péva oikóta umi puévlo ha umi goviérnooñembyaty vove oadora hag̃ua Jehovápe.+
23 Chemitãramo jepe chekangyeterei,Ñandejára oipeʼapa chehegui che fuérsa, ikáusare ndaikovepukumoʼãi.
24 Upévare che haʼe chupe:
“Ñandejára, chéngo chemitãiterei gueteri, anína reheja amano.
Nde ningo reikovéta opa ára g̃uarã.+
25 Ymaitereíma nde rejapo hague pe yvága ha ko yvy,nde remboguapy porã ko yvy.+
26 Pe yvága ha yvy odesapareséta, péro nde repytáta opa ára g̃uarã.
Peteĩ aóicha umíva ojegastapáta ha ndovalevéima,péro nde rekambiátante chupekuéra peteĩ ao pyahúicha.
27 Nde katu nerekambiái, ha reikovéta pára siémpre.+
28 Umi nde siérvo raʼykuéra oikóta pyʼaguapýpe,ha ifamiliare oĩta opa ára g̃uarã ne renondépe”.+
Nóta
^ Térã: “ikangy”.
^ Hebréope: “remokañy nde rova”.
^ Térã: “ejayvy ha cherendu”.
^ Hebréope: “imanduʼáta nderehe”.
^ Hebréope: “Jah”. Péicha oñemombyky Jehová réra.
