Jeremías 18:1-23
18 Jehová oñeʼẽ Jeremíaspe ha heʼi chupe:
2 “Epuʼã tereho pe alfaréro rógape,+ ha añeʼẽta ndéve upépe”.
3 Upémarõ avahea pe alfaréro rógape, ha haʼe ojapo hína kuri peteĩ kambuchi.
4 Péro pe kambuchi ojapo vaʼekue ipópe osẽ vai chupe. Upémarõ pe alfaréro ojapo jey chugui ótro mbaʼyru, chupe ogustahaichaite.*
5 Ha Jehová oñeʼẽ jey chéve ha heʼi:
6 “‘Peẽ Israel rogaygua, ¿che piko ndaikatúi avei ajapo penderehe pe alfaréro ojapoháicha pe ñaiʼũ oguerekóvare ipópe?’. Jehová heʼi: ‘Peteĩ alfaréro omoldeaháicha pe ñaiʼũ, péicha avei che pomoldeáta, peẽ Israel rogaygua.+
7 Ha katuete che haʼe vove peteĩ nasión térã goviérno ojehapoʼo, oñemonguʼi ha oñehundietetaha,+
8 ha upe nasión oheja umi hembiapo vaikue che añeʼẽ vaʼekuére, upéicharõ che avei akambiáta* pe mbaʼe vai apensáva ajapo hesekuéra.+
9 Péro katuete che haʼe vove peteĩ nasión térã goviérnore amopuʼã ha amongakuaataha,*
10 ha ojapo ivaíva che renondépe ha naiñeʼẽrendúi chéve, upéicharõ che avei akambiáta* pe mbaʼe porã apensáva ajapo hesekuéra’.
11 Koʼág̃a eremi umi kuimbaʼe Judaguápe ha umi oikóvape Jerusalénpe: ‘Péicha heʼi Jehová: “Ápe aprepara* hína peteĩ sarambi guasu, ha akalkula peteĩ mbaʼe vai agueru hag̃ua pende ári. Pejevy jeýna pende rape vaígui, pemoĩ porã jey pende rape ha pekambia umi mbaʼe pejapóva”’”.+
12 Péro haʼekuéra heʼi: “¡No, ore naorepohãvéima!+ Pórke rosegíta roiko rokalkulaháicha, ha káda uno tovaʼatãme rosegíta roiko ore korasõ aña heʼiháicha”.+
13 Upévare péicha heʼi Jehová:
“Peporandumína umi nasionkuéra apytépe.
¿Máva piko ohendu oiko hague peteĩ mbaʼe peichagua?
Pe puévlo de Israel ojapo peteĩ mbaʼe ivaietereíva.+
14 ¿Hykupáne piko pe eláda oĩva pe Líbano ruʼãme ha osyrypa umi vahádare?
¿Térã hypáne piko pe y roʼysã asy osyrýva oúvo mombyryetégui?
15 Péro che puévlo hesarái chehegui.+
Ojapo hikuái sakrifísio* umi mbaʼe ndovaléivape mbaʼeverã.+
Ha omoñepysanga hikuái umi kuimbaʼekuérape ha ogueraha chupekuéra ótro tapérupi, umi tape oho haguérupi ituakuéra ypykue,+oho hag̃ua umi tape poʼi* ivaietereívare.
16 Upévare ojekyhyjepáta ojehecha vove mbaʼéichapa opyta ijyvykuéra,+ha siémpre oĩta oñakãmbovaváva* ohechávo upéva.+
Enterove ohasáva upérupi katuete opytáta oñemondýi omañávo hese ha oñakãmbovaváta.+
17 Pe yvytu oúva ésteguio omosarambiháicha pe ñana piru, péicha avei amosarambíta chupekuéra umi iñenemígo renondépe.
Pe sarambi oikotaha díape, añemolómota chuguikuéra ha ndohechamoʼãi hikuái che rova”.+
18 Ha haʼekuéra heʼi: “Peju jakalkula jajapo hag̃ua ivaíva Jeremías rehe,+ pórke ñande saserdotekuéra osegíta oikuaauka ñandéve pe léi,* umi iñarandúva osegíta oñemoñeʼẽ ñandéve, ha umi proféta osegíta omombeʼu ñandéve Ñandejára ñeʼẽ. Peju ha ñañeʼẽ ikóntrape* ha ani ñapena la haʼe heʼívare”.
19 Jehová, cherendumína,ha ehendu mbaʼépa heʼi cherehe umi che kontrariokuéra.
20 ¿Iporãva piko ojepaga vaʼerã ivaívape?
Haʼekuéra ningo ojoʼo peteĩ yvykua chejuka hag̃ua.*+
Nemanduʼákena che aju hague ne renondépe añeʼẽ hag̃ua iporãva hesehapekuéra,Ikatu hag̃uáicha ndepochyjera hendivekuéra.
21 Upévare eheja taiñembyahýi ifamiliakuéra,ha tomano hikuái espádape.+
Umi tembirekógui tomano imembykuéra ha iména.+
Umi kuimbaʼépe tojuka peteĩ mbaʼasy vai.
Umi mitãrusu katu tomano espádape gerrahápe.+
22 Ág̃a peteĩ tesapirĩme regueru vove chupekuéra umi mondaha partída,toñehendu hasẽ soroha hikuái hogapekuéra.
Pórke ojoʼo hikuái peteĩ yvykua ikatu hag̃uáicha chejagarra,ha omoĩ hikuái ñuhã chereity hag̃ua.+
23 Péro nde Jehováreikuaa porã umi mbaʼe okalkuláva hikuái che kóntrape chejuka hag̃ua.+
Ani reperdona umi mbaʼe vai ojapóva hikuái,ha ani revorra ipekadokuéra oĩva ne renondépe.
Toñepysanga hikuái ne renondépe,+ág̃a rekastiga vove chupekuéra ndepochy rupi.+
Nóta
^ Hebréope: “pe alfaréro ojapose hagueichaite ojapo”.
^ Térã: “ambyasýta”.
^ Hebréope: “añotỹtaha”.
^ Térã: “ambyasýta”.
^ Hebréope: “ajapo”.
^ Térã: “tape ndojejapói vaʼekue”.
^ Térã: “Omotimbo umi sakrifísio”.
^ Hebréope: “oturuñeʼẽva”.
^ Hebréope: “ñainupã chupe umi mbaʼe jaʼéva rupive”.
^ Térã: “instruksión”.
^ Térã: “ojuka hag̃ua che álma”.
